'Velo islamikoa eskolan' izenburuko hitzaldia eskainiko du gaur Amelia Barquin HUHEZIko irakasleak
- Xehetasunak
- Nork idatzia: barren.eus
Elgoibarren Elkar(-)Bizi! egitasmoaren barruan, Velo islamikoa eskolan izenburuko hitzaldia eskainiko du gaur Elgoibarren, Kultur Etxeko hitzaldi gelan. 19:00etan hasiko da hitzaldia, eta gaztelaniaz izango da. Ostegunean, hilak, 20, berriz, SOS Arrazakeria elkarteko Agustin Unzurrunzaga ekarriko dute, migratzaileen gainean zabaldutako zurrumurruen gainean hitz egitera. Zurrumurruei stop izenburu hartuta jardungo du Unzurrunzagak, 19:00etatik aurrera, Kultur Etxeko hitzaldi gelan.
Mari Jose Ulaziak jaso du Gure Esku Dagok zozketatutako otarra
- Xehetasunak
- Nork idatzia: barren.eus
Elgoibarko Gure Esku Dagok zozkatutako otarrak badu irabazlea: Mari Jose Ulazia.
Ander Zulaika mendaroarrak seigarren egin du Hiru Haundiak proban
- Xehetasunak
- Nork idatzia: barren.eus
Hiru Haundiak proba jokatu zen zapatuan, Euskal Herriko mendi-lasterketen denboraldiko proba nagusietako bat, eta edizio honetan ere elgoibartar eta mendaroar ugarik parte hartu zuten. Lizarpe LMK taldeko Ander Zulaika mendaroarrak egin zuen gure ordezkarien artean denborarik onena. 12 ordu pasatxo behar izan zituen Zulaikak 100 kilometroko ibilbidea osatzeko.
Morkaikoren Mendi Emanaldien Zikloak Bilboko Mendi Film Festibaleko film interesgarrienak eskainiko ditu aurten
- Xehetasunak
- Nork idatzia: barren.eus
Udazkeneko Mendi Emanaldi Zikloaren egitaraua ezagutzera eman du Morkaiko mendi taldeak. Aurten ere programa “zabal, interesgarri eta erakargarria” osatzen saiatu direla azaldu dute eta nobedade baten berri ere eman dute. Bilboko Mendi Film Festibal entzutetsuak eskaintzen duen Mendi Tour ekitaldia ekarriko dute estreinakoz Elgoibarrera, era horretan iaz Bilbon eskaini zituzten film interesgarrienak ikusteko aukera eskainiz.
Hizkelan jardunaldiak hartuko du 30 + 10 Mintegiaren lekukoa
- Xehetasunak
- Nork idatzia: barren.eus
Elgoibarko Makina Erremintaren Institutuak (IMH) azken hamar urtean antolatu duen 30+10 Mintegiaren lekua hartzera dator Hizkelan. Topagune berriaren helburua izango da hizkuntza kudeaketa euskaraz, enpresan eta Lanbide Heziketan lantzea. Urriaren 19an egingo dute IMHn. Jardunaldia doakoa da baina beharrezkoa da izena aurrez ematea.
Jatorri askotariko elgoibartarrek prestatutako arrozen dastaketa egingo dute zapatuan
- Xehetasunak
- Nork idatzia: barren.eus
Elgoibarko Gizarteatzearen Aldeko Mahaiak antolatu duen Elgoibarren Elkar-Bizi! sentsibilizazio jardunaldien barruan, Munduko arrozen dastaketa izeneko ekitaldia egingo dute zapatuan (urriak 15), Maalako parkean.
Atletismo jardunaldiarekin hasiko du denboraldia Eskola kirolak
- Xehetasunak
- Nork idatzia: barren.eus
Elgoibarko Eskola Kirola Elkarteak zapatu honetan, urriak 15, hasiko du denboraldia. Gaztetxoek atletismoa eginez hasiko dute denboraldi berria Mintxetan.
Sutea izan da Urazandi kaleko etxebizitza batean
- Xehetasunak
- Nork idatzia: barren.eus
Urazandi auzoko 30. zenbakiko etxe batean sua piztu da eta etxebizitza oso bat, gutxienez, kiskali du.
Historiaurreko erremintak egiten ikasteko umeentzako tailerra emango du Jose Julian Marquezek
- Xehetasunak
- Nork idatzia: barren.eus
Historiaurrean ehizarako erabiltzen zituzten erremintak egiteko teknikak irakatsiko ditu Jose Julian Marquez elgoibartarrak zapatuan eta domekan eskainiko duen tailerrean. Umeei dago zuzendua. Barixaku honetan, berriz, Historiaurrea: ehiza, artea eta erotismoa izeneko erakusketa inauguratuko du Kultur Etxean.
Uxue Alberdik jaso du Euskadi Literatura saria, haur eta gazte literatura atalean
- Xehetasunak
- Nork idatzia: barren.eus
Uxue Alberdi Estibaritzek (Elgoibar, 1984) Euskadi Literatura saria jaso du koplatan idatzitako Besarkada lanagatik, euskarazko haur eta gazte literatura sailean.
'Gure imajinarioa kantagintzaren bitartez' ikastaroko saio solteetara azaltzeko aukera zabaldu dute
- Xehetasunak
- Nork idatzia: barren.eus
Gure imajinarioa kantagintzaren bitartez ikastaroan izena eman ez dutenek ere parte hartzeko aukera izango dute aurrerantzean, saio solteetara azalduz. Urriaren 5ean izan zen estreinako saioa (hona hemen lehen saioko kronika), eta urriaren 19an izango da bigarren saioa.
Elgoibarko Ludotekak kale ekintza batekin bukatuko du promozio kanpaina
- Xehetasunak
- Nork idatzia: barren.eus
Elgoibarko Ludotekak bazkide kanpaina jarri zuen abian ikasturte hasierarekin batera, eta barixaku honetan Maalako parkean egingo duten ekitaldi batekin emango diote amaiera aurtengo promozio kanpainari.
Idotorbeko bizikleta igoerako errekorrak ondu dituzte Iker Eskibelek eta Maite Maiorak
- Xehetasunak
- Nork idatzia: barren.eus
Iker Eskibelek (Eskoriatza, 1993) Idotorbera bizikletaz igo den estreinako aldian irabazi du Julian San Juanen Oroimenezko 25. San Pedroko igoera. Hamahiru minutu eta 20 segundoan egin du igoera, eta honenbestez, segundo batean ondu du Iñigo Larizek 2002an ezarri zuen marka. Maite Maiorak ere aurreneko parte hartzea zuen eta garaipenaz gainera errekorra ezarri du (17:22).
Migratzaileen inguruko uste okerrak isildu eta gogoeta sustatu nahi du ‘Elgoibarren Elkar-Bizi’ egitasmoak
- Xehetasunak
- Nork idatzia: barren.eus
Elgoibarren elkar-bizi! jardunaldiak antolatu ditu Elgoibarko Gizarteratze Mahaiak, urriaren 13tik 28ra bitartean. Gizartean zabaldutako uste okerrak isildu eta gogoeta egitera bultzatu nahi gaitu egitasmo honek. Hainbat hitzaldi, tailer eta ekimen antolatu dituzte nagusi zein umeentzat, nork bere berezitasunak izan arren, oinarrian denok berdinak garela erakusteko.
Hazilan egitasmoan izena emateko epea urriaren 14ra arte luzatu dute
- Xehetasunak
- Nork idatzia: barren.eus
Gazteen laneratzea sustatzea helburu duen Hazilan proiektuaren bigarren edizioan parte hartzeko izen-emateko epea barixakura arte, urriak 14, luzatu du Debegesa garapen agentziak.
Nerea Sasiainek brontzezko domina lortu du Euskadiko Soinu Zahar Txapelketan
- Xehetasunak
- Nork idatzia: barren.eus
Inazio Bereziartua musika eta dantza eskolako ikasle Nerea Sasiainek hirugarren postua eskuratu du senior mailako Euskadiko X. Soinu Zahar Txapelketan.
Elgoibarko familia batek bizirik mantendu du Realzale sentimendua lau belaunalditan
- Xehetasunak
- Nork idatzia: barren.eus
Belaunaldiz belaunaldi realzale sentimendua transmititu eta bizirik mantendu duen familia elgoibartar bat ezagutzeko bisitan izan dira Elgoibarren Real Sociedad TV-koak.
Elgoibarko eta Mendaroko irudiak GipuzkoAround proiektuko bideoan
- Xehetasunak
- Nork idatzia: barren.eus
Gipuzkoari itzulia sei minutuan egitea, horixe izan da GipuzkoAround proiektuaren baitan egin duten bideoaren helburua. Gipuzkoa osatzen duten 89 udalerrietako irudiak jaso dituzte, tartean Elgoibarkoak eta Mendarokoak. Orain dela sei urte Dancing in the Basque Country bideoa egin zuten lagunek sortu dute bideoa, Donostia 2016ko Energia Olatuak programarekin batera. (bideoa dauka)
Lasterketa Bertikalen Kopako azken probara lidergoan ailegatuko dira Murua eta Lendinez
- Xehetasunak
- Nork idatzia: barren.eus
Anbotoko kilometro bertikala jokatu zen zapatuan, Lasterketa bertikalen Euskal Herriko Kopako azken aurreko proba. Aitor Osa itziartarra izan zen azkarrena gizonezkoetan eta Iñigo Lariz eta Iban Murua elgoibartarrak sailkatu ziren, hurrenez hurren, bigarren eta hirugarren. Ainhoa Lendinezek, berriz, laugarren postua eskuratu zuen emakumezkoetan.
Errosarioko Amaren ezpata dantza egin dute Elgoibarko kaleetan
- Xehetasunak
- Nork idatzia: barren.eus
Errosarioko Ama Birjinaren Eguna izan da gaur, urriak 7, eta Haritz Euskal Dantzari Taldeko kideek Errosarioko Amaren ezpata-dantza egin dute Elgoibarko kaleetan.
Etxez etxeko laguntza zerbitzura bideratutako aurrekontua handitu eta eskaintza zabalduko du Elgoibarko Udalak
- Xehetasunak
- Nork idatzia: barren.eus
Elgoibarko Udalak Etxez etxeko laguntza zerbitzuaren Udal araudia egokitu duela iragarri du. Egokitzapen honekin, zerbitzuaren ordainketarako Udalak bideratutako diru kopurua, zein onuradun kopurua, asko handituko direla nabarmendu dute.
Beldurrezko Gauak zine zikloa antolatu du Sutegixa gaztetxeak
- Xehetasunak
- Nork idatzia: barren.eus
Beldurrezko zine zikloa zikloa hasiko da barixaku honetan Elgoibarko Sutegixa Gaztetxean. Session 9 filma izango da eskainiko duten aurrenekoa.
Pintxo Kontzertua eskainiko dute musika eskolako ikasle nagusiek
- Xehetasunak
- Nork idatzia: barren.eus
Inazio Bereziartua musika eskolako ikasle nagusien taldeek Pintxo Kontzertua izeneko emanaldia eskainiko dute gaur (urriak 6) arratsaldean.
Kaleratze egoeran dauden pertsonak babesteko jardueren protokoloa onartu du Elgoibarko Udalak
- Xehetasunak
- Nork idatzia: barren.eus
Elgoibarko Udalak aho batez onartu zuen azken osoko bilkuran kaleratze egoeren aurrean Udalak burutu behar dituen jardueren protokoloa.
Errosarioko Ama Birjinaren ezpata dantza barixakuan egingo dute
- Xehetasunak
- Nork idatzia: barren.eus
Aurten Errosario kalean jairik egingo ez duten arren, Haritz dantza taldeak zortzigarrenez aterako du Errosarioko Amaren ezpata-dantza Elgoibarko kaleetara. Gainera, dagokion egunean bertan, urriaren 7an, dantzatuko dute, barixakua izan arren.
Aurten ez da Errosario kalean jairik egingo
- Xehetasunak
- Nork idatzia: barren.eus
Errosario kaleko jai-batzordeak amaitutzat eman du bere jarduna, eta horrenbestez aurten ez da jairik izango, ez behintzat azkeneko urteotan ezagutu dugun formatoan. Hildako bizilagunen aldeko meza, salbea eta Haritz dantza taldeak Errosarioko Amaren omenez egin ohi duen ezpata-dantza egingo dira, baina ez egitarauan hutsik egin gabe egin ohi ziren gainerako ekitaldiak.
Sormen eta mugikortasun proiektu batean parte hartzeko aukera izango dute Debabarreneko artista eta sortzaileek
- Xehetasunak
- Nork idatzia: barren.eus
Artista eta sortzaileei zuzendutako sormen-mugikortasun programa europar batean parte hartuko du Debegesa eskualdeko garapen agentziak. Eusko Jaurlaritzak diruz lagundutako mugikortasun programa honek Euskadiko eta Akitaniako 40 urtetik beherako 24 sortzaileren mugikortasuna ahalbidetuko du. Debabarreneko sortzaileek datorren urriaren 20ra arte dute zabalik eskaera aurkezteko epea.
Familia Eguna egingo dute Idotorben urriaren 12an
- Xehetasunak
- Nork idatzia: barren.eus
Atxutxiamaikak eta Ludotekak Familia Eguna antolatu dute elkarlanean urriaren 12rako, Elgoibarko Udalaren laguntzarekin. Idotorbe auzoan izango da.
