Alaitz Ciarsolo waterpolo jokalari eibartarrak eta arku tiraketan aritzen den Aingeru Molina elgoibartarrak (ikus BARRENi eman zion elkarrizketa) beren bizipenak kontatu zituzten. Gigorraki Gipuzkoako Kirolari Gorren elkarteak antolatu zuen solasaldia. Hizlariei eskerrak emateaz gainera, antolatzaileen esanetan, gorren komunitatea indartzen duen eta kirola hazkunderako, konexiorako eta inspiraziorako gune gisa balioesten duen topaketa izan zen. Iaz egin zuten aurrenekoz era honetako saioa, eta Gentzane Ortiz (borroka librea) eta Aitor Bedialauneta (mendi lasterketak) izan ziren hizlariak.
