Uxue Alberdik azkena argitaratu duen Esne-berriketan liburuko kontakizunetan dago oinarrituta bertso-saioa. 57 kontalarik ahoz kontatu eta berak belarriz jasotako 77 istorio jaso ditu liburuan Alberdik, euskara batuan eta ahozkotik ahalik eta gertuen dauden idazkeran, eta kontakizun horietako batzuk irakurriko ditu bertso-saioan, Iban Urizar musikariak musikatuta. Haietan oinarritutako gaiak emango dizkie gero bertsolariei, haiek bat-batean kantuan egin dezaten. Onintza Enbeita eta Miren Amuriza arituko dira bertsotan.
San Agustin kulturgunean izango da saioa, 12:30ean, eta sarrerak salgai daude dagoeneko Pitxintxun eta Mendaroko Uztargin, 10 euroan.