Gotzon Garate bekaren hirugarren deialdia abian da
- Xehetasunak
- Nork idatzia: barren.eus
Gotzon Garateren oroimenez Elgoibarko Izarrak eta Elgoibarko Udalak, 2009an hasita, elkarlanean antolatu duten “Euskara ala ezkara" zikloek emandakoa jaso, aztertu eta gizarteratzeko lan-plana diseinatzea izango da Gotzon Garate bekaren hirugarren deialdiko ikerketa gaia.
Enpleguaren eta prestakuntzaren bitartez gizarteratzen laguntzeko sarea osatzeko lanean ari da Debegesa
- Xehetasunak
- Nork idatzia: barren.eus
Debabarreneko eta Debagoieneko eskualdeek elkarlanean abiarazi duten proiektuaren helburua da enplegu eta preskuntza arloko zerbitzu eta baliabide ezberdinen arteko sarea osatzea gizarte-bazterketa edota arrisku-egoeran dauden pertsonei gizarteratzen laguntzeko. Debabarrenean %12,21ekoa da langabezia tasa, eta emakumeena gizonezkoa baino sei puntu handiagoa da.
Amelia Barquinek euskara generoaren ikuspuntutik aztertuko du eguaztenean Elgoibarren eskainiko duen hitzaldian
- Xehetasunak
- Nork idatzia: barren.eus
Amelia Barquin Huheziko irakasleak Euskara, generoaren ikuspegitik izeneko hitzaldia eskainiko du Elgoibarko Kultur Etxean, eguazten honetan (urriak 18).
Berrikuntza eta Hiri Garapenari buruzko Europar Astean parte hartu du Elgoibarko alkateak Bruselan
- Xehetasunak
- Nork idatzia: barren.eus
Euskadiko Udalen Elkarteko (EUDEL) alkateen Berrikuntza Batzordeak Bruselan egin duten Hiri eta Eskualdeen Europar Astean parte hartu du, kontaktuak lortzeko eta Europako esparruko ereduzko proiektuen berri izateko. Batzorde horretako kidea da Elgoibarko alkate Ane Beitia.
Munduko hamalau herrialdetako arrozak dastatzeko aukera izango da zapatuan Maalan
- Xehetasunak
- Nork idatzia: barren.eus
Munduko Arrozak ekimena egingo dute Elgoibarren datorren zapatuan (urriak 21). Elgoibarko Gizarteratze Mahaiak antolatu du bigarren urtez, eta munduko hainbat lekutatik etorritako elgoibartarrek prestatutako arrozak dastatzeko aukera izango da Maalako parkean.
Gracia Gomez eta Marutxi Gonzalez mendaroarrak erretiratuen Gipuzkoako sukaldaritza txapelketan lehiatuko dira
- Xehetasunak
- Nork idatzia: barren.eus
Gipuzkoako Erretiratuen eta Pentsiodunen Elkarteak urtero antolatzen duen sukaldaritza lehiaketako finalera sailkatzea lortu dute Gracia Gomez eta Marutxi Gonzalez mendaroarrek.
Leire Egañak irabazi du Euskadiko Ehiza Xehe Txapelketa
- Xehetasunak
- Nork idatzia: barren.eus
Leire Egañak eta Lan txakurrak irabazi dute Euskadiko Ehiza Xehe Txapelketa, eta honenbestez, Espainiako txapelketako finalera sailkatzea lortu dute. Leireren aitak, Jose Marik, berriz, laugarren postua eskuratu zuen beteranoetan eta egungo Gipuzkoako txapeldun Carlos Conde elgoibartarrak zazpigarren egin zuen seniorretan.
Bertso-bazkari literarioan izena emateko azken eguna urriaren 23a da
- Xehetasunak
- Nork idatzia: barren.eus
Euskalgintza eta feminismoa, eskutik helduta zikloaren barruan, urriaren 28an, zapatua, bertso-bazkari literarioa izango da Txarriduna hotelean. Gidaria Danele Sarriugarte izango da, eta bere esanetara jardungo dute Maialen Lujanbio, Uxue Alberdi eta Nerea Ibartzabal bertsolariek.
Unceta enpresak 400.000 euroko inbertsioa egingo du Elgoibarren dituen instalazioak handitzeko
- Xehetasunak
- Nork idatzia: barren.eus
Eusko Jaurlaritzako agintariek Unceta enpresara eginiko bisita aprobetxatuz, bere instalazioetako batzuk handituko dituela aditzera eman zuten Unceta taldeko arduradunek. Hala, Elgoibarko plantan 400.000 euroko inbertsioa egingo dute.
Maite Maiora 2017ko munduko mendi lasterkari osoena
- Xehetasunak
- Nork idatzia: barren.eus
Maite Maiorak 2017ko mendi lasterkari osoena saritzen duen munduko titulua eskuratu du, modalitate desberdinetako (Ultra, Sky eta Extreme) emaitzarik onenak kontuan hartzen dituen munduko sailkapen bateratua irabazi baitu. Maiorak 0,8 puntu eskaseko aldea atera dio bigarren egin duen Ragna Debats holandarrari.
Garaipena eta errekorra Iker Eskibelentzat Idotorbeko igoeran, bigarren urtez jarraian
- Xehetasunak
- Nork idatzia: barren.eus
Iker Eskibelek (Eskoriatza, 1993) hiru segundoan ondu du gaur berak iaz ezarri zuen errekorra. Alberto Contador fundazioko txirrindulariak hamahiru minutu eta hamazazpi segundoan igo ditu Kalegoen Plazatik Idotorbe gainera dauden 3,8 kilometroak.
Oin Alai egitasmoa laguntzaile berrien bila dabil proiektua indarberritzeko
- Xehetasunak
- Nork idatzia: barren.eus
Oin Alaik Ikastolako 29 ume eta 14 boluntariorekin eta Herri Eskolako 23 ume eta 12 boluntariorekin eman dio hasiera 2017-2018 ikasturteari. Emaitzak "nahiko itxaropentsuak" direla adierazi dute egitasmoaren sustatzaileek. Edonola ere, azkeneko bi urteetan partaide kopurua, ume zein boluntarioak, handitu egin dela zehaztu duten arren, ez dela erlaxatzea komeni ohartarazi dute.
Mayi Mujika gailendu da Osintxuko mendi lasterketan eta hirugarren egin du Agurtzane Arriolak
- Xehetasunak
- Nork idatzia: barren.eus
Osintxuko mendi lasterketaren bigarren edizioa jokatu zuten zapatuan eta, iaz bezala, Mayi Mujika izan zen azkarrena aurten ere. Gainera ia lau minutuan ondu zuen iaz eginiko denbora. Beste elgoibartar bat ere igo zen podiumena, Agurtzane Arriolak hirugarren egin baitzuen.
Carlos Conde eta Leire Egaña txapeldun Gipuzkoako Ehiza Xehe Txapeketan
- Xehetasunak
- Nork idatzia: barren.eus
Gipuzkoako Ehiza Xehe Txapelketa jokatu zuten domekan Zambranako (Araba) El Castillo ehiza barrutian, eta bi ehiztari elgoibartarrek jantzi zituzten irabazlearen txapelak: Carlos Condek, gizonezkoetan; eta, Leire Egañak emakumezkoetan. Batak zein besteak Euskadiko txapelketan hartuko dute parte datorren domekan.
Elgoibarren amaitu da Pausokaren aldeko Gipuzkoako itzuliko laugarren etapa
- Xehetasunak
- Nork idatzia: barren.eus
Behar bereziak dituzten umeen gurasoek sortutako Pausoka elkarteak Pausoka Eguna ospatuko du urriaren 14an, Urnietan. Jaiaren eta diru etekinik gabeko elkartearen berri emateko, korrikalari talde batek Gipuzkoa zeharkatuko du antxintxika aste batean. Laugarren etapa Elgoibarren amaitu dute gaur, eta bosgarrena Elgoibartik abiatuko da bihar.
Blandiblu tailerra antolatu dute Elgoibarko liburutegian
- Xehetasunak
- Nork idatzia: barren.eus
Irailean antolatu zuten blandiblu tailerrak Elgoibarko umeen artean izan zuen arrakasta ikusita, beste bi saio gehiago antolatu ditu Gotzon Garate Udal Liburutegiak.
Lau lanpostu sortuko ditu Udalak enplegua sustatzeko planaren baitan
- Xehetasunak
- Nork idatzia: barren.eus
Debabarrena eskualdeko enplegu-planaren barruan, Elgoibarko Udalak elektrikari lanpostu bat eta jarduera anitzetarako beste hiru eskainiko ditu.
Tenis Jaialdiak ehun ume baino gehiago batu zituen
- Xehetasunak
- Nork idatzia: barren.eus
Eskola Kirolari hasiera emateko Tenis Jaialdia egin zuten joan dez zapatuan Olaizaga kiroldegian, eta ehun ume baino gehiagok parte hartu zuten.
Gipuzkoako Euskal Pilota Federazioaren teknifikazio proiektuan parte hartzeko aukeratu dute Alex Bergua
- Xehetasunak
- Nork idatzia: barren.eus
Pilotariei entrenamendu tekniko eta prestakuntza fisiko pertsonalizatua eskaintzeko teknifikazio proiektuan infantil eta kadete mailako 52 pilotari ari dira dagoeneko entrenatzen, eta horien artean da Alex Bergua elgoibartarra. Beñat Rezusta pilotari profesionala izango du irakasle entrenamenduetan.
Gazteen laneratzea sustatzea helburu duen Hazilan programan izena emateko epea luzatu dute
- Xehetasunak
- Nork idatzia: barren.eus
Hazilan egitasmoa 20 eta 44 urte bitarteko gazte langabeei zuzenduta dago, goi mailako heziketa zikloa edo unibertsitate ikasketak bukatuta dituztenei. Parte hartzeko interesa dutenek izena eman behar dute urriaren 19a baino lehen.
Bideoa: Feminismoa, euskalgintzarako gogoeta-tresna?
- Xehetasunak
- Nork idatzia: barren.eus
Uxue Alberdi bertsolari eta idazleak Mari Luz Esteban antoprologoari egindako zuzeneko elkarrizketarekin hasi zuten urriaren 4an Euskalgintza eta feminismoa eskutik helduta zikloa, Elgoibarko Izarra Euskaltzaleon Topaguneak eta Elgoibarko Udaleko Euskara eta Berdintasun Sailek elkarlanean antolatutako zikloa.
Aiastiako San Migel jaietako txahalaren zozketak badu irabazlea
- Xehetasunak
- Nork idatzia: barren.eus
San Migel jaien barruan Txahal baten zozketa egin zuten Aiastiako jai batzordekoek eta irabazlea azaldu dela jakinarazi dute.
Herriko 17 saltokik prezio baxuetan jarri zituzten euren produktuak Maalako parkean
- Xehetasunak
- Nork idatzia: barren.eus
Txankakua merkatari elkarteko 17 saltoki eta zerbitzuk parte hartu zuten Maalako parkean egin zuten Stock Ferian. Era guztietako maukak aurkitzeko aukera izan zuten herritarrek eta, zortea alde izan zuten sei lagunek ehun ehuroko sei erosketa txeke ere eraman zituzten etxera.
Ezpatek batuta aritu dira dantzan Errosariko Amaren Egunean
- Xehetasunak
- Nork idatzia: barren.eus
Ezpatak taldea lotzeko erabiltzen direla da ezpata dantzen ezaugarri bereizle nagusia, eta halaxe aritu dira Haritz Euskal Dantzari Taldeko kideak Errosarioko amaren aldeko ezpata-dantzan.
Festa giroko barixakua izan da gaurkoa Elgoibarko kaleetan
- Xehetasunak
- Nork idatzia: barren.eus
Errosario kaleko jairik ofizialki ospatu ez bada ere, festa giroa izan da nagusi gaur Elgoibarko kaleetan. Batetik, Errosario inguruko kaleetan kalejiran ibili dira Mauxitxa txarangakoak, erraldoi eta buruhandien laguntzaz; eta, bestetik, Ludoteka Ibiltariak girotu du Maalako parkea.
Daniel Sanchez argazkilari iruindarraren lanen erakusketa jarri dute Elgoibarren
- Xehetasunak
- Nork idatzia: barren.eus
Daniel Sanchez (Iruñea, 1974) argazkilariaren lanekin erakusketa osatu dute Ongarri Argazkilaritza Taldeak eta Elgoibarko Kultura Sailak, eta gaurtik hilaren 21era izango duzue ikusteko aukera Elgoibarko Kultur Etxean.
Basque Ultra Trail Series zirkuituko azken etapa Elgoibartik pasako da zapatuan
- Xehetasunak
- Nork idatzia: barren.eus
Basque Ultra Trail Series (BUTS) zirkuituak Bilbo, Gasteiz, Iruñea eta Donostia lotuko ditu lau etapatan (500 kilometro eta 24.600 metroko desnibel positibo metatua). Lehen hiru etapak egin ostean, gaurtik domekara bitartean egingo dute azkena, Donostia eta Bilbo lotuko dituena. Zapatu goizean pasako da Elgoibartik.
Emakumeen ahalduntzerako coaching tailerra, Elgoibarren
- Xehetasunak
- Nork idatzia: barren.eus
Emakumeen ahalduntzerako coaching tailerra antolatu du Elgoibarko Udaleko Berdintasun Sailak. Hogei orduko tailerra izango da, eta Eider Perez elgoibartarrak zuzenduko du.
