Unai Loiolak hirugarren egin zuen Euskal Herriko 29. hiru txirlo txapelketako lehen jardunaldian
- Xehetasunak
- Nork idatzia: barren.eus
Ziortza Bolibarko Iruzubieta auzoko bolatokian hasi zen Euskal Herriko 29. hiru txirlo txapelketa, zapatuan. Markina Xemeingo 3 Txirlo taldeko Olatz Jimenezek irabazi zuen tiraldia. Unai Loiola elgoibartarrak hirugarren postua lortu zuen eta seigarren egin zuen Anjel Ibarluzeak (irudian).
Euskararen aldeko esaldi onena aukeratzeko lehiaketa martxan da
- Xehetasunak
- Nork idatzia: barren.eus
Euskararen Eguneko Esaldi Lehiaketa antolatu dute bosgarren urtez Elgoibarko Izarrak eta Gaztelekuak. Urriaren 26a da esaldiak entregatzeko azken eguna.
Leire Egaña eta Mauro Gonzalez txapeldun eta Arkaitz Egaña txapeldunorde Euskadiko Ehiza Xehe Txapelketan
- Xehetasunak
- Nork idatzia: barren.eus
Ehiza Xehe denboraldian jarraian lortzen duten laugarren txapela eskuratzeko oso gutxi falta izan zaie Leire eta Arkaitz Egaña neba-arrebei. Euskadiko Ehiza Xehe Txapelketa irabazi zuen Leirek, eta bigarren egin zuen Arkaitzek, irabazleak adina pieza ehizatu arren. Beteranoetan Mauro Gonzalez ehiztari mendaroarra gailendu zen.
Auzoari buruzko bideo-txatalak batzen ari dira ONU auzokoak
- Xehetasunak
- Nork idatzia: barren.eus
Gaur Ermuaranbide izena duen kalekoek ONU esaten zioten orain mende erdi jatorri askotariko lagunak hartu zituen auzoari. Oraingo eta lehengo bizilagunek ekitaldi berezi bat iragarri dute azaroaren 10erako. Herriko Antzokian izango da ekitaldia eta auzoaren historiari buruzko dokumentala eskainiko dute bertan.
Maite Maiora eta Javi Dominguez gailendu dira Hiru Haundiak mendi-lasterketan
- Xehetasunak
- Nork idatzia: barren.eus
Maite Maiorak kirol garaipenen "curriculum"ean falta zuen proba eskuratu berri du Hiru Handiak mendi-lasterketa irabazita. Gainera, Mayi Mujika elgoibartarrak egin du hirugarren. Gizonezkoetan garaipen garbia lortu du Javi Dominguezek.
Elgoibarko Udalaren egutegia osatzeko lehiaketak baditu irabazleak
- Xehetasunak
- Nork idatzia: barren.eus
2019ko Elgoibarko Udalaren egutegia osatzeko lehiaketan 31 herritarrek hartu dute parte (iaz hemezortzi izan ziren), eta 135 argazki aurkeztu aurkeztu dituzte. Marrazki lehiaketan, berriz, 109 ikaslek parte hartu dute. Bi lehiaketetako irabazleak jakitera eman ditu Elgoibarko Udalak.
Jon Gurrutxaga: “Ikaragarri ari naiz gozatzen musikaren inguruan egin ditudan harremanekin”
- Xehetasunak
- Nork idatzia: barren.eus
Ibilbide luzea egin du musikan Jon Gurrutxagak (Elgoibar, 1978). Arima Beltzak-en sasoitik gaur arte proiektu askotan ibili da, eta ‘Kateak’ lana argitaratu du berriki, Gaztelupeko Hotsak zigiluak abian jarritako Lokatzetan Play singleen bildumaren barruan. Elgoibarren, azaroaren 16an eskainiko du kontzertua, Sotoan.
Nerea Martinez: “Leku askotariko jendea ezagutzea izan da Interrail bidaiako gauzarik onena”
- Xehetasunak
- Nork idatzia: barren.eus
Europako Batasunak 15.000 Interrail txartel oparitu zituen 18 urteko gazteen artean, Europako aniztasuna ezagutu eta hobeto ulertzeko aukera izan zezaten. Europan barrena trenez bidaiatzeko balio duen txartela eskuratzeko galdetegi bat bete behar zen Interneten, eta 100.000 gazte europarrek hartu zuten parte. Halaxe egin zuen Nerea Martinez elgoibartarrak eta txarteletako bat tokatu zitzaion. Bakarrik egin zuen bidaia. Administraritza eta Enpresa Zuzendaritzako bigarren maila ikasten ari da Bartzelonan eta handik eman digu bere bidaiaren berri.
Buffalo taldea igandean Kultur Etxeko sotoan
- Xehetasunak
- Nork idatzia: barren.eus
Sinuosek antolatuta, Buffalo taldearen kontzertua izango da domekan, urriaren 21ean, Kultur Etxeko sotoan.
Donostiako Zinemaldian saritu zuten 'Oreina' filma Elgoibarren ikusgai
- Xehetasunak
- Nork idatzia: barren.eus
Oreina filma emango dute Elgoibarko Herriko Antzokian, asteburuan. Hiri-bizitza, industria-giroa eta natura gurutzatzen ditu Koldo Almandoz donostiarraren lehen fikziozko filmak.
Eli Ibarra Athleticeko Genuine taldea entrenatzen ari da
- Xehetasunak
- Nork idatzia: barren.eus
Espainiako Liga Profesionalak iaz martxan jarritako egitasmoa da Genuine Liga. Adimen urritasuna duten jokalariez osatutako taldeak lehiatzen dira kirol inklusiboa bultzatzeko sortu zuten txapelketan. Eli Ibarra da Athleticeko Genuine taldeak dituen hiru entrenatzaileetako bat. Ibarrak Espainiako Futbol Federazioaren entrenatzaile titulua atera zuen maiatzean.
Liburutegiak tablet bat zozkatuko du, Liburutegien Egunaren harira
- Xehetasunak
- Nork idatzia: barren.eus
Liburutegiko bazkideen artean tablet bat zozkatuko du Gotzon Garate Udal Liburutegiak, urriaren 24an ospatuko den Liburutegien Nazioarteko Egunaren aitzakian.
Jairo Berbelek ‘Raid Pandemonium’ eta ‘Ibai grande cuore’ lanak aurkeztuko ditu Eibarren
- Xehetasunak
- Nork idatzia: barren.eus
Jairo Berbel elgoibartarrak eginiko izaera solidarioa duten bi lan eskainiko dituzte zapatuan (urriak 20) Eibarko Coliseo antzokian.
Espainiako selekzioak Alemaniaren aurka jokatzeko deitu du Julen Urruzola eskubaloi jokalaria
- Xehetasunak
- Nork idatzia: barren.eus
Promesa mailako Espainiako eskubaloi selekzioak bi partida jokatuko ditu Alemaniako selekzioaren aurka, azaroaren 14ean eta 15ean, Berlinen. Francisco Marti hautatzaileak 16 jokalari eramango ditu Alemaniara, eta horien artean da Sanloko jokalari Julen Urruzola.
Hiru Haundiak probarako 35 elgoibartar daude izena emanda, eta irabazteko faboritoetako bat da Maite Maiora
- Xehetasunak
- Nork idatzia: barren.eus
Hiru Haundiak probaren 21. ekitaldia jokatuko da zapatuan, urriaren 20an. 1.700 korrikalari daude izena emanda 101 kilometroko ultra lasterketan, eta elgoibartar dezente animatu da aurtengoan. Maite Maiora mendaroarrak ere estreinakoz korrituko du proba hau.
Uruguain bizi den Candela Hernandez mendaroarra elkarrizketatu dute euskararen aldeko 'Euskalonski' saioan
- Xehetasunak
- Nork idatzia: barren.eus
Munduko euskaldunei eginiko elkarrizketek osatzen dute ETB1eko Euskalonski saioa. Azken atalean Uruguaiko euskaldunei bisita egin zien Pello Reparaz aurkezleak, eta 2017an Montevideora bizitzera joan zen Candela Hernandez mendaroarra izan zen elkarrizketatuetako bat.
Elgoibarko futbolari gazteak Realarekin entrenatzen izan dira
- Xehetasunak
- Nork idatzia: barren.eus
Realak C.D. Elgoibar klubeko alebin mailako lau jokalari deitu zituen entrenamendu saioetan parte hartzera.
Mausitxa baserrira bisita gidatua egingo dute Debabarreneko Gaztaren Astearen barruan
- Xehetasunak
- Nork idatzia: barren.eus
Debabarreneko Gaztaren Astea antolatu dute Debemenek, Eibarko Udalak eta eskualdeko hainbat gaztandegik, tartean Elgoibarko Mausitxak. Urriaren 19tik 28ra bitartean gaztarekin zerikusia duten hainbat ekintza egingo dituzte. Horietako bat izango da Mausitxa baserrira zapatuan egingo duten bisita gidatua.
'Eskularru beltzak' bildumako azken liburua aurkeztu du Jasone Osorok Gure Kasa saioan
- Xehetasunak
- Nork idatzia: barren.eus
Aurreko astean Arnaldo Otegi eta aste honetan Jasone Osoro; gonbidatu elgoibartarrak izan ditu gazteei zuzendutako Gure Kasa telebista saioak. Kazetari eta idazleak Ihes, Eskularru beltzak bildumako azken liburua aurkeztu du.
Debabarreneko Orfeoiak kontzertu arrakastatsua eskaini zuen Segovian
- Xehetasunak
- Nork idatzia: barren.eus
Debabarreneko Orfeoiak Lasaitasuna izeneko ikuskizuna estreinatu zuen Zaldibarren eta handik Segoviako lurretara eraman zuten emanaldia. Orferoiko kideak, tartean elgoibartar dezente, oso pozik itzuli dira eginiko emanaldiarekin eta jasotako harrerarekin.
‘Zure borondatea, zure aukera’ hitzaldia Elgoibarren, martitzenean
- Xehetasunak
- Nork idatzia: barren.eus
Zure borondatea, zure aukera izenburuko hitzaldia antolatu dute Nagusilanek eta Elgoibarko Udalaren Ongizate Sailak urriaren 16rako. Zapatuan, berriz, informazioa emateko mahaiak ipiniko ditu kalean Nagusilanek.
Saguzarrak eta mikologia aztergai Morkaikok astebururako antolatu dituen bi irteeretan
- Xehetasunak
- Nork idatzia: barren.eus
Natura eta ondarea ezagutzeko zikloko bi irteera prestatu ditu Morkaikok astebururako. Dagoeneko ez dago lekurik Saguzarrak ezagutzeko antolatu duten irteerarako. Aldiz, mikologia irteeraran nahi beste lagunek hartu dezakete parte.
Julen Zabaletaren bizipenak, bere ahotik
- Xehetasunak
- Nork idatzia: barren.eus
Gure Balioak Saria jasoko duen Julen Zabaleta 'Yulen'ek bi zaletasun izan eta landu ditu bere bizitzan: marrazketa eta mendia. Bere ahotsean eta hizkeran ikus-entzun daitezke bere bizipenak ahotsak.eus webgunean. 94 pasarte dituzte jasoak bideoan.
Mausitxak irabazi du Euskal Herriko Artzai Gazta Txapelketa, bigarren urtez jarraian
- Xehetasunak
- Nork idatzia: barren.eus
Euskal Herriko Artzai Gazta txapelketaren 35. ekitaldia eta Baserritarren Eguna ospatu dituzte gauir Idiazabalen. Mausitxako gaztak irabazi du Euskal Herriko 40 gaztagile onenek parte hartu duten lehiaketa. Jarraian lortu duten bigarren garaipena da.
Eskalada ikastaroa emango dute Olaizagako rokodromoan
- Xehetasunak
- Nork idatzia: barren.eus
Elgoibarko Udal Kirol Patronatuak eskalada ikastaroa antolatu du Olaizaga Kiroldegiko rokodromoan. Izena ematen duten lagunen maila zein den jakiteko eskalada saioa egingo dute astelehenean.
Gernika sutan ikusi zuen Dominika Gorriti elgoibartarrak 1937ko apirilaren 26an
- Xehetasunak
- Nork idatzia: barren.eus
Elgoibarko Urruzunoberri baserrian jaio zen Dominika Gorriti Agirre 1928an. Harrezgero bizitoki asko izan ditu eta gaur egun Zarautzen bizi da. Zortzi urte zituenean Gernikan bizi zen eta bere begiz ikusi zuen Gernika sutan 1937ko apirilaren 26an. Orain jarri da estreinako aldiz kamera eta grabagailu baten aurrean Gernikako bonbardaketan ikusitakoak eta bizitakoak kontatzeko. Zarauzko Hitzak jaso du Gorritiren lekukotasuna.
Iker Eskibelen hirugarren garaipena jarraian Idotorben, errekorrik gabeko aurrenekoa
- Xehetasunak
- Nork idatzia: barren.eus
Hego haizearekin eta tenperatura beroarekin (22 gradu) jokatu da Julian San Juanen Oroimenezko 27. San Pedroko igoera. Iker Eskibel izan da azkarrena gizonezkoetan, hirugarren urtez jarraian. Amaia Urkidi gailendu da emakumezkoetan.
Gazte eta helduentzako plazako dantzen ikastaroa antolatu du Haritzek
- Xehetasunak
- Nork idatzia: barren.eus
Erromeriatan dantzatu ahal izateko trebatu nahi ditu herritarrak Haritz Euskal Dantzari Taldeak, eta aurten ere plazako dantzen ikastaroa eskainiko dute. Astelehen honetan hasiko bada ere, urriaren 19a da izena emateko azken eguna.
