Iaz egin zuten aurrenekoz era honetako saioa, eta Gentzane Ortiz (borroka librea) eta Aitor Bedialauneta (mendi lasterketak) izan ziren hizlariak. Aurtengoak Alaitz Ciarsolo waterpolo jokalari eibartarra eta arku tiraketan aritzen den Aingeru Molina elgoibartarra izango dira. Elgoibarko Kultur Etxean izango da mahai-ingurua, 18:30ean hasita. Antolatzaileek parte hartzera animatu dituzte herritarrak, gorren komunitatea eta kirolean dabiltzan gorren bizipenak gertutik ezagutzeko aukera izango dela-eta.
