Errepidea eta trenbidearen artean dagoen lorategiko zuhaitzetan kateatuta geratu da istripua eduki duen ibilgailua, tente; kapota lurrean eta ipurdia airean. Lekukoek azaldutakoaren arabera, gidaria bere kabuz irten da ibilgailutik. Bertara etorri den anbulantzian artatu dute eta ospitalera eraman, sakonago aztertzeko. Istripuare ikusgarritasunak ikusmina sortu du, eta lagun ugari egon dira suhiltzaileen lanari begira. Horiek autoa aseguratu dute lokarrien laguntzaz eta horrela laga dute, garabi batekin atera beharko baitute dagoen lekutik.
