Martxoaren 23an, astelehena, 18:15ean iritsiko da Korrika Elgoibarrera
- Xehetasunak
- Nork idatzia: barren.eus
Barren.eus-ek aurreratu zuen moduan, martxoaren 23an pasako da Korrika 19 Elgoibartik eta Mendarotik. Gaur, berriz, Korrikaren webgunean jarri dute aurtengo ibilbidea, eta bertan ageri denez 18:15ean ailegatuko da Elgoibarrera Korrikaren lekukoa, Soraluzetik. Elgoibarko kaleak gurutzatu ostean Mendarorantz joango da, herrira helduko den ordua zehaztu ez badute ere. Debara 20:10etarako iritsiko da.
Nerea Alustiza izango da PSE-EEren alkategaia
- Xehetasunak
- Nork idatzia: barren.eus
Nerea Alustiza izango da Elgoibarko PSE-EEren alkategaia maiatzeko Udal Hauteskundeetan. Sozialisten egoitzan egin dute aurkezpen ekitaldia, eta Denis Itxaso Gipuzkoako Foru Aldundirako hautagaiaren laguntza izan du Alustizak.
Mugertza krosak goi mailako parte hartzearekin estreinatuko du IAAF kategoria
- Xehetasunak
- Nork idatzia: barren.eus
IAAF kategoria eskuratu ostean, munduko hamabi kros lasterketa onenen artean dago orain Juan Mugertza Nazioarteko krosa. Eta, Mintxeta Atletismo Taldekoek goi mailako krosa prestatu dute domekarako, beste behin ere. Zazpi atleta afrikar egon dira eguerdian egin duten aurkezpenean, tartean Paul Tanui eta Emily Chebet keniarrak: 2012ko krosa irabazi zuen Tanuik eta birritan irabazi du munduko kros txapelketa Chebetek, 2010ean eta 2013an.
Abian da Saharako errefuxiatuentzako janaria biltzeko kanpaina
- Xehetasunak
- Nork idatzia: barren.eus
Elikagaiak Mendebaldeko Saharako errefuxiatuei laguntzeko janari-bilketa hasi du Euskal Herriko Otsailak 27 elkarteak. Piztu itxaropena izena jarri diote kanpainari, eta Tindoufeko (Aljeria) errefuxiatuek elikagaietan dituzten premiak asetzea da helburua. Arroza, pasta, lekaleak, azukrea, hegaluzea zein sardinak oliotan eta konpresak behar dituzte, bereziki.
Bihar ailegatuko da Elgoibarrera Alokabideren ‘Zabaldu zure etxea’ kanpaina
- Xehetasunak
- Nork idatzia: barren.eus
Ireki zure etxea. Irabazi segurua kanpaina hasi du Eusko Jaurlaritzak herriz herri, eta bihar eta etzi (urtarrilak 21 eta 22) Elgoibarrera etorriko da. Udaletxeko arkupeetan jarriko dute informazio standa, 10:00etatik 18:00etara bitartean.
PPk udal aurrekontuen kontra bozkatuko du eta dozena bat zuzenketa aurkeztu ditu
- Xehetasunak
- Nork idatzia: barren.eus
Elgoibarko Udalbatzarraren Osoko Bilkurak 2015eko Udal aurrekontuei buruzko udalbatzarra egingo du eguenean (urtarrilak 22). Javier Nuñez PP alderdiko zinegotzi bakarrak aurreratu du Udal Gobernu Taldeak (EAJ eta PSE-EE) proposatutako aurrekontuen kontra bozkatuko duela, eta hamabi zuzenketa partzial aurkeztu dizkie aurrekontuei.
Asteburu betearen ostean, amaitu dira San Anton jaiak
- Xehetasunak
- Nork idatzia: barren.eus
San Anton Eguna zapatuan egokitu den arren, aste barruan tokatu izan den urteetan moduan, ez da jende pilaketa handirik egon antolatutako ekintza gehienetan. (argazkiak eta lehietako emaitzak dauzka)
Euritan dantzan
- Xehetasunak
- Nork idatzia: barren.eus
"Zaparrada goitik behera, ta saltoka potxingoan, aske sentitzen naz ni, busti-bustitte..." dio Gatibu musika talde bizkaitarraren Euritan Dantzan izeneko abestiaren letrak. Eta halaxe aritu ziren, gutxi gorabehera, Biraka dantza taldeak antolatutako flash mobean parte hartu zuten dantzariak. (argazkiak dauzka)
Makina-erremintaren mendeurrena herriko erakusleihotan islatu izana eskertu du Udalak
- Xehetasunak
- Nork idatzia: barren.eus
2014ko apirilean hasi eta 2015eko apirila arte luzatuko dira Elgoibarko Makina-erremintaren mendeurrena ospatzeko ekitaldiak. Mendeurrenaren harira egindako ekintzen artean herriko merkatari eta tabernariek beraien lokal eta erakusleihoak makina-erremintarekin zerikusia zuten apaingarriekin dotoretu zituzten, eta horietako bost merkatari saritu ditu orain Udalak.
San Anton jaiak ate joka
- Xehetasunak
- Nork idatzia: barren.eus
San Anton Eguna da bihar, urtarrilak 17, eta horren harira, jai egitarau zabala prestatu du Elgoibarko Udalak astebururako. Herriko ostalari talde bat ere batu da festara eta txerri-pote izeneko ekimena antolatu dute zapaturako.
Zabalik dago Elgoibarko Izarraren santa eskean parte hartzeko izenemate epea
- Xehetasunak
- Nork idatzia: barren.eus
Urtero bezala, baserriz-baserri irtengo dira Elgoibarko Izarrako kideak otsailaren 4an, Santa Ageda bezpera egunean, hain zuzen ere. Koruetan parte hartu nahi dutenek urtarrilaren 30erako eman beharko dute izena.
‘Elgoibar zainduz’ sortu du Elgoibarko Udalak, Udalari kaleko intzidentzien berri emateko zerbitzu digitala
- Xehetasunak
- Nork idatzia: barren.eus
Elgoibarko Udalak Elgoibar zainduz izeneko zerbitzu berria jarri du erabilgarri. Sakelako telefonorako doako aplikazio bat da berez, eta haren bidez, kaleko intzidentzien berri eman ahal izango du herritarrak. Horrez gain, ingurumen arloko kontsultak ere egin ahal izango ditu, app horren bidez.
Gemma Agirregomezkorta: "Hamabost urteotan Miskirekin egindakoaz harro nago"
- Xehetasunak
- Nork idatzia: barren.eus
2000. urtean sortu zuen Gemma Agirregomezkorta elgoibartarrak Miski gobernuz kanpoko erakundea Peruko haurrei laguntzeko, eta hamabost urteko lanaren ostean amaitutzat eman du elkartearen ibilbidea. (bideoa dauka)
Amorante, Iban Urizarren azken proiektua zuzenean Kultur Etxeko sotoan
- Xehetasunak
- Nork idatzia: barren.eus
Etxeko musikari baten kontzertuarekin, Jon Gurrutxagarenarekin, amaitu zuen urtea Sinuosek, eta antolatu duten urteko lehen kontzertuan ere musikari elgoibartar bat izango da protagonista. Amorante Iban Urizar musikari elgoibartarraren bakarkako proiektua da eta zuzenekoa eskainiko du barixaku honetan (urtarrilak 16), Kultur Etxeko sotoan.
Zuhaitz bat bota du haizeak Mendaron
- Xehetasunak
- Nork idatzia: barren.eus
Haize bolada indartsuen eraginez zuhaitz bat lurrera erori da, goizaldean, Mendaroko Trinitate parkean. Parkea gurutzatzen duten bideetako batera erori da tamaina dezenteko zuhaitza.
Arantza Quiroga Euskadiko PPko presidentea Elgoibarren izan da
- Xehetasunak
- Nork idatzia: barren.eus
Makina –erremintaren sektorean egiten diharduten lana bertatik bertara ezagutzera etorri da gaur Arantza Quiroga, Alderdi Popularreko Euskadiko presidentea. Danobati bisita egin ostean, makina erremintaren museoan eta IMHn izan da.
Epaiketa politikoak salatzeko Libre Eguna egingo dute Elgoibarren urtarrilaren 24an
- Xehetasunak
- Nork idatzia: barren.eus
Libre Eguna egingo dute urtarrilaren 24an Elgoibarren, epaiketa politikoen aurkako mugimenduarekin bat egin duten zenbait elgoibartarrek antolatuta, eta dagoeneko eman dute ezagutzera egitaraua. Era berean, Joseba Zinkunegi eta auzi berean auzipetutakoei eta ‘Mate’ operazioan atxilotutako abokatuei babesa agertzeko elkarretaratzea egin zuten atzo Kalegoen plazan, Epaiketa politiko gehiago ez! Zinku Libre lelopean.
Zarta taldeko Asier Agirrek hirugarren egin du Euskadiko arku tiraketa txapelketan
- Xehetasunak
- Nork idatzia: barren.eus
Euskadio arku tiraketa txapelketa jokatu zuten Lazkaon domekan. Elgoibarko Zarta arku tiraketa taldeko bi kidek hartu zuten parte txapelketan eta oso gustura itzuli dira han lortutako emaitzekin. Asier Agirrek podiumeko hirugarren koskara igotzea lortu zuen txapelketa batean parte hartzen zuen estreinako aldian, eta laugarren postuan sailkatu zen Sergio Fernandez.
Sanloko hamabi jokalarik Euskadiko selekzioarekin jokatu dute Espainiako Eskubaloi Txapelketa
- Xehetasunak
- Nork idatzia: barren.eus
Infantil, kadete eta jubenil mailako Espainiako Eskubaloi Txapelketa jokatu zuten Castellón (Valentzia), urtarrilaren 1etik 7ra bitartean. Jubenil mutilen Euskadiko selekzioan izan ezik, gainerako selekzio guztietan ordezkariak izan ditu Sanlok, hamabi jokalari guztira. Zarautzko eskubaloi taldeak bakarrik eduki ditu ordezkari gehiago Castellón. 
Igogailua jartzeko lanak direla-eta itxita egongo dira zenbait kale eguenera arte
- Xehetasunak
- Nork idatzia: barren.eus
Estazio kalea eta San Roke auzoa lotuko dituen igogailuaren obrak direla-eta, Bernardo Ezenarro kalearen zati bat eta Trenbide kaletik San Rokerako sarbidea itxita egongo dira. Eguen arratsaldera arte egongo dira itxita, Hirigintza sailetik jakinarazi dutenez.
Maite Maiora lehen euskalduna izan da Donostiako Nazioarteko krosean
- Xehetasunak
- Nork idatzia: barren.eus
Donostiako Nazioarteko Krosaren 60. edizioa jokatu zuten atzo, Lasarteko hipodromoaren bueltan prestatutako zirkuituan. Emakumezkoen proba nagusian Betsy Saina kenyarrak irabazi zuen proba (23:18:09) eta Maite Maiora mendaroarra izan zen lehen euskalduna, 25:24ko denborarekin, zazpigarren postuan. Gaztetxoen mailan, Mintxeta Atletismo Taldeko Martin Hernandezen lana nabarmendu behar da, infantil mailako lasterketa irabazi zuen-eta.
Akei baserriko 'Leonor', Gipuzkoako asto eme ederrena
- Xehetasunak
- Nork idatzia: barren.eus
Gipuzkoako Enkarterrietako Asto lehiaketa egin zuten atzo Lazkaon, Astotxo Egunaren barruan. 95 parte hartzaile izan zituen lehiaketak, eta guztien artean, Txomin Arriola elgoibartarraren Leonor astoa izendatu zuten asto eme dotoreena. Miguel Gabirondoren Fermin astoa aukeratu zuten asto ar ederrena.
Txankakuaren Eguberrietako zozketako zenbaki saridunak
- Xehetasunak
- Nork idatzia: barren.eus
Txankakua Elgoibarko Merkatari eta Zerbitzu Elkarteak jakinarazi ditu Eguberrietako zozketako zenbaki saridunak. 1.800 euro banatuko dituzte Txankakuako dendetan erosketak egin dituzten bezeroen artean.
Joseba Zinkunegi eta 04/08 sumarioan auzipetutakoen kontra gaur hastekoa zen epaiketa bertan behera laga dute oraingoz
- Xehetasunak
- Nork idatzia: barren.eus
Gaur zuten hastekoa Espainiako Auzitegi Nazionalean 04/08 sumarioan auzipetuta dauden Joseba Zinkunegi eta ezker abertzaleko beste 34 kideren kontrako epaiketa, baina gaur goizean bertan Guardia Zibilak ezker abertzaleko abokatuen kontra hasitako operazioa dela-eta, gaurko saioa bertan behera lagatzeko eskatu dute goizean goiz auzipetuek.
Gaur zabalduko dute Sigmako pasabide berria
- Xehetasunak
- Nork idatzia: barren.eus
Gaur arratsaldean zabalduko dute Olaso industriagunea eta Sigma auzoa batuko dituen oinezkoentzako pasabidea. 18:00etan egingo dute inaugurazio ekitaldia.
Markel Olano Batzar Nagusietako EAJren bozeramailea Elgoibarren izan da gaur
- Xehetasunak
- Nork idatzia: barren.eus
Markel Olano Batzar Nagusietako EAJko bozeramailea Elgoibarren izan da gaur. Goizean Elgoibarko lau enpresa-bururekin batzarra egin du haien egungo egoera eta etorkizunera begira dituzten beharrak ezagutzeko, eta segidan, Meka eta IMH Lanbide Heziketako zentroak bisitatu ditu.
Espainiako Ehiza Xehe txapelketako finalerako sailkatu da Arkaitz Egaña
- Xehetasunak
- Nork idatzia: barren.eus
Espainiako Ehiza Xehe txapelketako finalaurrekoa jokatu zuten zapatuan Castillejo de Robledon (Soria) eta Arkaitz Egaña ehiztari elgoibartarrak bigarren egin zuen. Sailkapen horri esker, Espainiako txapelketako finala jokatuko du, San Anton egunean, urtarrilaren 17an, Toledon.
Euskarazko ipuin lehiaketako irabazleak jakitera eman ditu Mendaroko Udalak
- Xehetasunak
- Nork idatzia: barren.eus
Gabonetako Euskarazko XX. Ipuin Lehiaketa antolatu du Mendaroko Udalak Debabarrenako gaztetxoentzako, eta joan den abenduaren 24an banatu zituzten sariak Olentzeroren eta Mari Domingiren laguntzarekin.
