Entrenatzaile aldaketa Haundin
- Xehetasunak
- Nork idatzia: barren.eus
Iker Dorronsorok hartuko du Egoitz Mendizabalen lekua Haundiko entrenatzaile karguan.
Arropa jasotzeko ia lekurik gabe geratu dira 2-dean B-rotuz taldekoak
- Xehetasunak
- Nork idatzia: barren.eus
Demaseko arrakasta izan du 2-dean B-rotuz taldeak martxan jarri zuen arropak jasotzeko kanpainak. Joan den martitzenean, urtarrilaren 19an, hasi zuten negu honetan gerretatik ihesi dabiltzan errefuxiatuei arropa bidaltzeko kanpaina, eta horrenbeste material jaso dute gordetzeko lekurik gabe geratu direla apenas.
Mugertza krosa umeen ikuspegitik
- Xehetasunak
- Nork idatzia: barren.eus
Mugertza krosari buruzko lehen marrazki lehiaketa antolatu zuten Mintxeta atletismo taldeak eta Elgoibarko Udalak, eta sarituak jakinarazi dituzte. 2 eta 12 urte arteko 260 umek hartu dute parte lehiaketan. Atzo, berriz, Ludotekako eta Gaztelekuko erabiltzaileak bisitatu zituzten krosean arituko diren antxitxikarietako batzuek. (saritutako argazkiak dauzka)
Donostiatik irten gabe munduari bira emateko ekimena proposatu du Patxi Galarragak
- Xehetasunak
- Nork idatzia: barren.eus
Mendaron bizi den Patxi Galarraga arkitekto eta hirigileak munduari bira eman nahi dio 84 egunean, baina Donostiatik irten gabe. Ez da bere buruari jarritako erronka, “erronka kolektibo bat” baizik. Egitasmo honek Donostia 2016 Fundazioak antolatutako lehiaketa irabazi du.
Astebete aurreratu dute Mendaroko santa eskea
- Xehetasunak
- Nork idatzia: barren.eus
Mendaroko santa eskeko batzordeak aurten astebete aurreratzea erabaki du baserriz-baserri eta kalez kale santa eskean ibiltzeko eguna. Urtarrilaren 30ean irtengo dira.
Bi elgoibartar Toyota Euskoauto master mailako txirrindulari taldean
- Xehetasunak
- Nork idatzia: barren.eus
Master mailako lasterketetan arituko den Toyota Euskoauto txirrindulari taldea aurkeztu zuten joan den urtarrilaren 16an Elgoibarren. Ordiziako taldea den arren, lotura handia du Elgoibarrekin.
'Bakea eta Bizikidetza' jardunaldiak Antolatu ditu Elgoibarko udalak
- Xehetasunak
- Nork idatzia: barren.eus
Bakean eta bizikidetzan sakontzeko jardunaldi batzuk antolatu ditu Elgoibarko Udalak datozen egunetarako. Urtarrilaren 27an, eguaztena, hasiko dira jardunaldiak 'Glencree' dokumentalarekin. Kultur Etxean. Marixabel Lasa eta Eduarne Brouard hizlariekin mahai-ingurua egingo dute emanaldiaren ostean.
'Haizea dator Iparraldetik!' ekimenaren bideoa
- Xehetasunak
- Nork idatzia: barren.eus
Udazkenean Iparraldetik gurean jo zuen haizea poliki-poliki indarra galtzen joan bada ere, oraindik gure akorduan daude orduko irudi eta sentsazio asko eta asko. Eta, gainera, betiko gorde nahi ditugu guretzat. Horregatik prestatu dugu Haizea dator Iparraldetik! laburpen bideoa. Eire Vilak grabatu eta egin du bideoa, eta hamabost minutuko iraupena du.
Garagartzako elizpea esbastikaz margotuta agertu da Mendaron
- Xehetasunak
- Nork idatzia: barren.eus
Esbastikak margotu dituzte Mendaroko Garagartza elizako pareta, lur eta ateetan. Mendaroko Udala gaia ikertzen ari da, eta Ertzaintzari eman diote gertatutakoaren berri.
Munduko zortzi kros onenen artean bigarrengoz
- Xehetasunak
- Nork idatzia: barren.eus
Bigarren urtez jarraian Nazioarteko Atletismo Federazioak (IAAF) osatutako kros lasterketen egutegian izango da Elgoibarko Juan Mugertza Nazioarteko krosa, munduko zortzi kros onenen artean, alegia. Gaur eguerdian aurkeztu dute. Faboritoen artean Tamirat Tola, Conselsus Kipruto eta Timothy Toroitich aipatu behar dira, gizonezkoetan, eta Netsanet Gudeta, Alemitu Heroye eta Irene Chepet emakumezkoetan. (atleta esanguratsuenen zerrenda dauka)
‘Free Otegi, Free Them All’ kantua aurkeztu dute
- Xehetasunak
- Nork idatzia: barren.eus
Free Otegi - Free Them All kanpainaren barruan hainbat euskal artistek elkarlanean osatu duten abestia eta bideoklipa aurkeztu berri dituzte gaur goizean. Jon Gurrutxaga eta Uxue Alberdi elgoibartarrak daude parte hartu duten abeslarien artean. (bideoa dauka)
Joan dira San Anton jaiak
- Xehetasunak
- Nork idatzia: barren.eus
San Anton Eguna izan zen domekan, hilak 17, eta hori dela-eta, gaurkoa jai eguna izan da elgoibartar askorentzat, tartean herriko ikastetxeetako iklasleentzat. Taberna eta komertzio gehienak itxita eta kaleak hutsik izan dira gaur. Asteburuan, baina, jende gehiago ibili da San Anton jaien harira antolatutako ekintzetan. (argazkiak dauzka)
Maite Maiora saritu dute Espainiako Atletismo Federazioaren urteroko galan
- Xehetasunak
- Nork idatzia: barren.eus
2015. urteko atletarik onenak saritu zituen Espainiako Atletismo Federazioak, joan den zapatuan, Espainiako Batzorde Olinpikoak Madrilen duen egoitzan egin zuten galan. Maite Maiorak bi sari eskuratu zituen mendi lasterketen Munduko Trail Txapelketan lortutako zilarrezko eta brontzezko dominengatik.
Neguan errefuxiatuei bidaltzeko material bilketa hasiko da
- Xehetasunak
- Nork idatzia: barren.eus
Hotz-Elgoibar taldea sortu berri da gerretatik ihesi ari diren errefuxiatuei laguntzeko asmoz. “Ihesi dabiltzan errefuxiatuen krisiaren aurrean, ezin dugu beste aldera begiratu”, uste dute taldea eratu dutenek. “Honelako egoera baten aurrean gizatasunez jokatzeko beharra sentitzen dugu eta hainbat ekintza egiteko antolamenduetan murgilduta gabiltza”, gaineratu dute.
Elgoibarko Izarraren santa eskean izena emateko epea urtarrilaren 29an amaituko da
- Xehetasunak
- Nork idatzia: barren.eus
1994an berreskuratu zuen Elgoibarko Izarrak Santa Ageda bezperan baserriz baserri kantuan eta eskean irteteko ohitura, eta usadio zaharrari huts egin zioten lehen urtea izan zen iazkoa. Elurra mara-mara egin zuen eta ez irtetea erabaki zuten. Ondo bidean, eguraldiak laguntzen badu, otsailaren 4an irtengo dira aurten.
Elgoibarko herritarren erretratuak kolore eta argiekin eginak
- Xehetasunak
- Nork idatzia: barren.eus
Anna Nosowicz artista poloniarrak Elgoibarko Herri Eskolako ikasleekin garatu du Poloniako argiak proiektua eta emaitza Kalegoen plazako arkupeetan ikusi ahal izango da urtarrilaren 15etik 22ra bitartean. Barixaku iluntzean piztu zituzten argiak.
Idoia Rodriguezen lanak irabazi du C.D. Elgoibarren logotipo lehiaketa
- Xehetasunak
- Nork idatzia: barren.eus
Club Deportivo Elgoibar futbol taldeak datorren urtean ospatuko duen mendeurren ekitaldietarako logotipo lehiaketa antolatu zuen, eta gaur iluntzean jakinarazi dute irabazlea, Idoia Rodriguez eibartarrak aurkeztutako logotipoa, hain zuzen ere.
Mugertza krosak izango duen kategoriaren araberako diru-laguntzak jasoko ditu datozen lau urteetan
- Xehetasunak
- Nork idatzia: barren.eus
Duela lau urte egin zuten moduan, beste lau urterako hitzarmena adostu dute Mintxeta Atletismo Taldeak eta Elgoibarko Udalak, Mugertza krosa eta atletismo taldeak antolatzen dituen beste hainbat ekimen diruz laguntzeko.
Hemen dira San Anton jaiak
- Xehetasunak
- Nork idatzia: barren.eus
San Anton jaietan askotariko ekintzak egongo dira herrian: erakusketak, kirola, umeentzako jarduerak, antzerkia, musika eta baita biak batuko dituenik ere (egitaraua dauka)
Elgoibarko euskararen ondarea sarean: elgoibarreraz.eus
- Xehetasunak
- Nork idatzia: barren.eus
Gotzon Garate beka baliatu du Gotzon Barandiaranek elgoibarreraz.eus web-ataria egiteko eta gaur egin dute aurkezpena herritarren aurrean.
Saharako errefuxiatuentzako janari bilketa egingo dute
- Xehetasunak
- Nork idatzia: barren.eus
Eibar-Sahara elkarteak eta Elgoibarko Sahararen lagunek jakinarazi dute urtarrila bukaerara arte jasoko dituztela Mendebaldeko Saharar errefuxiatuei eramango dizkieten elikagai eta konpresak.
‘Mozkorra Parregarri’ opera komikoa Elgoibarko Herriko Antzokian, barixakuan
- Xehetasunak
- Nork idatzia: barren.eus
Peñafloridako Kondeak orain dela 250 urte idatzi zuen Mozkorra Parregarri, euskara hutsean idatzitako lehen opera. Bergarako askotariko musikarik eta artistek operaren moldaketa egin zuten eta iazko martxoaren 14an estreinatu zuten Bergaran. Barixaku honetan, Elgoibarren ikusteko aukera izango da.
Joseba Zinkunegik ez du kartzelara joan beharrik izango
- Xehetasunak
- Nork idatzia: barren.eus
04/08 sumarioaren auzian auzipetuta zeuden 35 euskal herritarrek, tartean Joseba Zinkunegi, akordioa lortu dute eta ez dira kartzelara joango.
Uda aurretik egingo dituzte Trenbide kaleko aparkalekua hobetzeko lanak
- Xehetasunak
- Nork idatzia: barren.eus
Eusko Jaurlaritzak eta Elgoibarko Udalak 1,2 milioi euro bideratu dituzte Elgoibarren trenbide-sarearen integrazioa hobetzeko. Jaurlaritzako Ingurumen eta Lurralde Politikako sailburu Ana Oregik eta Elgoibarko alkate Ane Beitiak orain arte eginiko lanak ikusteko bisita egin dute. Era berean, Trenbide kalean dauden autoentzako aparkalekuak hobetzeko lanak aurki hasiko dituztela jakinarazi dute. (bideoa dauka)
Mugertza krosari buruzko marrazki eta argazki lehiaketak antolatu dituzte
- Xehetasunak
- Nork idatzia: barren.eus
Mugertza krosari buruzko argazki lehiaketa antolatu zuen iaz, estreinakoz, Mintxeta atletismo taldeak. Aurten ere antolatu dute bigarrengoz, baina ez hori bakarrik, Mugertza krosaren estreinako marrazki lehiaketa ere antolatu baitute, 6 eta 12 urte bitarteko haurrentzako.
Argitaratu dute Uparitzagako babes ofizialeko etxebizitzetarako onartu eta baztertuen zerrenda
- Xehetasunak
- Nork idatzia: barren.eus
Uparitzaga kalean eraiki behar dituzten babes ofizialeko 16 etxebizitzen esleipen prozesua aurrera doa. Orain, izena emanda zeuden lagunetatik onartuak eta baztertuak izan direnen zerrendak argitaratu ditu Etxebidek.
Kalegoengo San Bartolome elizaren 300. urteurrena ospatzeko urte guztirako egitasmoa prestatu dute
- Xehetasunak
- Nork idatzia: barren.eus
Eliztarrentzat urte seinalatua izango da 2016a Elgoibarren, bi data esanguratsu ospatzeko urte guztirako egitaraua prestatu baitu Elgoibarko parrokiak, Elgoibarko Udalarekin eta herriko beste hainbat eragilerekin elkarlanean. Batetik, Kalegoengo San Bartolome parrokian lehen meza eskaini zutela 300 urte beteko dira abenduaren 30ean. Bestetik, San Frantzisko komentu ohiaren fundazioaren 500. urteurrena izango da azaroaren 3an. (egitaraua dauka)
Edu Uribe 'The Spine Race' 431 kilometroko mendi lasterketan parte hartzen ari da Ingalaterran
- Xehetasunak
- Nork idatzia: barren.eus
Ingalaterra erdian daudela-eta Ingalaterrako bizkarrezurra deitzen diete Penino mendiek osatzen duten mendilerroari. Pennine way izeneko bidea jarraituz, hegotik iparrera zeharkatzen ditu The Spin Race mendi lasterketak, munduko luzeenetarikoa (431 kilometro) eta gogorrenetarikoa. Joan den zapatuan hasi zen proban 100 lagunek hartu zuten irteera, tartean Edu Uribe elgoibartarrak. Ibilbideko ze puntutan dagoen jakiteko aukera eskaintzen du probako web guneak.
