Nepaleko lurrikaran kaltetutakoentzako laguntza batuko dute bihar Elgoibarren
- Xehetasunak
- Nork idatzia: barren.eus
Debabarrenan bizi diren zenbait nepaldar Kalegoen plazan egongo dira bihar, 10:00etatik 20:00etara, Nepalen gertatu den lurrikarak kaltetutako lagunentzako laguntza batzen. Era berean, apaingarriak eta osagarriak egiten dituzten Xarlem Kreazioak-eko kideek nepaldarrei laguntzeko kartera solidarioak prestatzen ari direla jakinarazi dute.
EAJk kafe baten bueltan eman du udala kudeatzeko dituen asmoen berri
- Xehetasunak
- Nork idatzia: barren.eus
Maiatzaren 24an egingo diren hauteskundeak tarteko, Zatoz Elgoibarko plazara izeneko ekitaldi politikoa antolatu du Elgoibarko EAJ alderdiak. Jeltzaleen alkategai Ane Beitiak, Elgoibarko Udala kudeatzeko aurkezten duten lantaldea aurkeztu du jendaurrean (goiko argazkian), kafe baten bueltan antolatutako ekitaldian. (argazkiak dauzka)
Mendaron ere aukeratu dituzte hauteskundeetarako mahaikideak
- Xehetasunak
- Nork idatzia: barren.eus
Elgoibarren egin zuten moduan, Mendaroko Udalak 2015eko maiatzaren 24an egingo diren Udal-hauteskundeetarako eta Batzar Nagusietarako hauteskunde-mahaiak osatzeko zozketako emaitzen berri eman du.
Abian da gazteentzako enpresa industrialen bigarren ideia lehiaketa
- Xehetasunak
- Nork idatzia: barren.eus
TKgune Fabrikazioa Berrikuntza eta Teknologia Transferentziazko Sarea osatzen duten Lanbide Heziketako Ikastetxeek, tartean IMHk, TKgune Gazteentzako Enpresa Industrialen Ideia Lehiaketaren bigarren edizioa antolatu dute (Asier Lizarralde elgoibartarrak irabazi zuen iaz estreinako edizioa). Proposamenak aurkezteko epea ekainaren 15ean amaituko da.
Bertan behera geratu da Eskubaloi Eguna
- Xehetasunak
- Nork idatzia: barren.eus
Sanlo eskubaloi kirol-taldeak jakinarazi duenez, bertan behera geratu da maiatzaren 1ean egitekoak ziren Eskubaloi Eguna eguraldiaren ondorioz.
Mendi lasterketen Espainiako txapelketa irabazi du estreinakoz Maite Maiorak
- Xehetasunak
- Nork idatzia: barren.eus
Euskadikoa irabazi ostean, Fedmek (Espainiako Mendi Federazioa) antolatutako Espainiako mendi lasterketen txapelketa irabazi du Maite Maiorak, Malagan jokatutako proban. Hiru aste barru jokatuko den Zegama Aizkorri mendi maratoirako sasoi betean dagoela erakutsi du Mendaroko antxitxikariak.
Ia 700 irabazle, Jose Gurrutxaga krosean
- Xehetasunak
- Nork idatzia: barren.eus
Euritsua esnatu zen domeka goiza Elgoibarren, baina Jose Gurrutxaga krosean aurreikusita zeuden 13 lasterketak arazorik gabe egin ahal izan zituzten parte hartu zuten ian 700 lagunek. Gero bai, lasterketak amaitu ostean, demaseko ekaitza bota zuen. (argazki bilduma eta sailkapenak dauzka)
Aukeratu dituzte Udal hauteskundeetan mahaietan egon beharko duten kideak
- Xehetasunak
- Nork idatzia: barren.eus
2015eko maiatzaren 24an egingo diren Udal-hauteskundeetarako eta Batzar Nagusietarako hauteskunde-mahaiak osatzeko zozketa publikoa egin dute, gaur arratsaldean, Elgoibarkio udaletxean ospatu den ezhoiko batzarrean.
Bi milioi euro zertan eta nola inbertitu herritarrek erabakiko dute
- Xehetasunak
- Nork idatzia: barren.eus
Gipuzkoako Foru Aldundiak 20 milioi euro bideratuko ditu lurraldeko eskualdeetan herritarrek gauzatu nahi dituzten proiektuetara. Eskualde bakoitzeko biztanleek dirua zertan eta nola inbertitu nahi duten esateko aukera izango dute, eta eskualde bakoitzak, tartean Debabarrenak, bi milioi euro izango ditu datozen lau urteetan inbertitzeko. Elgoibarren martitzenean (apirilak 28) egingo dute herritarren ekarpenak jasotzeko tailerra.
Joste Eguna, irudietan
- Xehetasunak
- Nork idatzia: barren.eus
Oihalak eta orratzak eskuetan, Joste Eguna egiten ari dira herri askotan gaur, eta Elgoibarren eta Mendaron ere ekintzaz josita antolatu dute erabakitzeko eskubidearen aldeko jaia. Ekainaren 21etakoa izango da ekimenaren egun handia. Oihal erraldoia osatzen dihardute kide eta herritarrak egun horretarako. (argazki bilduma eta bideoa dauzka)
Herritarren parte-hartze prozesuetan aditua den Elke Löefflerren bisita jaso du Elgoibarko Udalak
- Xehetasunak
- Nork idatzia: barren.eus
Zerbitzu publikoen eskaintza hobetzen aditua eta aritua da Elke Löeffler alemaniarra. Herritarren parte-hartze prozesuak sustatzen eta funtzionarioak trebatzen eman ditu azken hamabost urteak, eta Elgoibarko EAJk gonbidatuta etorri da Elgoibarrera. Udaleko zenbait teknikarirekin batu da gaur, euren lana bertatik bertara ezagutzeko.
Euskal Eskola Publikoaren jairako kanta eta bideoklipa aurkeztu dituzte
- Xehetasunak
- Nork idatzia: barren.eus
Herri Eskolako arduradunek Euskal Eskola Publikoaren jairako kanta eta bideoklipa aurkeztu dituzte gaur goizean Donostiako Kutxaespazio zientzia museoan. Jaku-jata lelopean osatu dute kanta. Iban Urizar musikari elgoibartarrak konposatu du abestia, eta hitzak Mikel Olaizola elgoibartarrak egin ditu. Abeslari eta musikari ezagun askok hartu dute parte abestian. (argazkiak eta bideoa dauzka)
Pizza tailerra egingo dute zapatuko ferian
- Xehetasunak
- Nork idatzia: barren.eus
Asteburu bete-betea izango da datorrena Elgoibarren. Joste eguna eta Jose Gurrutxaga krosaz gainera, hileko azken zapatuko feria egingo da. Hil honetan Elgoibarko Lagun elkarteak kudeatuko du txosna. Era berean, bertako produktuekin egindako pizzak egiten ikasiko dute umeek pizza tailerrean.
Menditxo tabernak irabazi du Mendaroko pintxo lehiaketa
- Xehetasunak
- Nork idatzia: barren.eus
Epaimaharen Saria ez ezik, herritarrena ere irabazi du Menditxo tabernak Mendaroko pintxo lehiaketara aurkeztu zuen pintxoak.
Zerbitzugintza indartzeko konpromisoa hartu du Elgoibarko Izarrak urteko batzarrean
- Xehetasunak
- Nork idatzia: barren.eus
Elgoibarko Izarra Euskaltzaleon Topagunea elkartean urteko batzar nagusia egin zuten atzo. 2014ko memoria aurkeztu zuten lehenik, eta erretratu errepaso baten ostean aurtengorako zereginak aurkeztu zituzten Kultur Etxean egindako batzarrean.
Danele Sarriugartek irabazi du Zilarrezko Euskadi Saria 'Erraiak' liburuarekin
- Xehetasunak
- Nork idatzia: barren.eus
Zilarrezko Euskadi Saria jaso du gaur, Liburuaren Nazioarteko Egunean, Danele Sarriugarte Mochalesek. Erraiak liburuagatik saritu dute idazle elgoibartarra. Argitaratu duten bere estreinako nobela da Erraiak -2014ko udaberrian kaleratu zuen Elkar argitaletxearekin-.
Erabakitzeko eskubidearen aldeko oka joko erraldoia
- Xehetasunak
- Nork idatzia: barren.eus
Joste egunak, erabakitzeko eskubidearen aldeko jaiak, hartuko ditu kaleak Elgoibarren eta Mendaron datorren zapatuan. Bi herrietan egun osoko egitarauak antolatu dituzte. Ekintzak askotarikoak izango dira, baina beharbada, egun horretarako apropos sortu duten oka jolas erraldoia izango da ekintzarik ikusgarriena. Joan den astelehen gauean jokoaren entsegua egiteko batu ziren Kalegoen plazan. (bideoa eta egitaraua dauzka)
‘Itsasoari begira’ dokumentala Elgoibarren estreinatuko da maiatzaren 7an
- Xehetasunak
- Nork idatzia: barren.eus
Maier Gurrutxaga elgoibartarraren alaba Itxaso da Itsasoari begira dokumentaleko protagonista. Ezintasun neurologikoa duen neska bati buruzko dokumentala da eta gabezia neurologikoak dituzten pertsonen unibertsoa ezagutzera emateko sortu dute. Elgoibarren estreinatuko dute maiatzaren 7an.
680 umek eman dute izena Jose Gurrutxaga krosean parte hartzeko
- Xehetasunak
- Nork idatzia: barren.eus
Jose Gurrutxaga krosaren 22. edizioa jokatuko dute datorren domekan (apirilak 26), Elgoibarko kaleetan. Antolatzaileek jakinarazi dutenez, Elgoibarko eta Mendaroko 680 antxitxikarik eman dute izena 6tik 16 urtera artekoen lasterketetan parte hartzeko.
Udako Kirol Campuseko izenematea, zabalik
- Xehetasunak
- Nork idatzia: barren.eus
Elgoibarko Udal Kirol Patronatuak antolatzen duen Udako Kirol Campusean parte hartzea nahi dutenek ekainaren 5a baino lehen eman beharko dute izena Olaizaga kiroldegian. Aurreko urteetan bezala, bi mailatan banatuko da kirol udalekua: Haurren kirol campusa, 2008 eta 2004 urte bitartean jaiotako haurrei zuzendua, eta Goi Mailako Kirol Campusa, 2003 eta 2000 urte bitartean jaiotako gazteentzat. Era berean, patinaje ikastaroa antolatu du patronatuak.
‘Banketxeen gehiegikeriazko praktikak’ izeneko hitzaldia eskainiko dute gaur
- Xehetasunak
- Nork idatzia: barren.eus
Banketxeen gehiegikeriazko praktikei buruzko hitzaldia antolatu dute Elgoibarko Gizarteratze Mahaiak eta Debabarreneko Etxe Kaleratzeak Stop elkarteek gaurko (apirilak 21). Bereziki abal emaileei dagokien klausulei buruz hitz egingo dute.
100 urte bete ditu Felisa Bergaretxek
- Xehetasunak
- Nork idatzia: barren.eus
1915. urteko apirilaren 19an jaio zen Felisa Bergaretxe, eta hortaz, 100 urte bete zituen atzo. Familiako kideez inguratuta pasatu zuen ospakizun eguna. Felisin moduan ezagutzen da herrian, eta besteak beste, baita erretiroa hartu ostean pianoa jotzen hasi zelako ere.
Ehun lagun inguru batu ziren Mendaron Joste Egunaren atarikoan
- Xehetasunak
- Nork idatzia: barren.eus
Herriko koadrila biren ekimenez, oihalak margotzeko batu ziren zapatuan Mendaron zortzi bat koadrila, ehun lagun inguru. Zapatuan, hilaren 25ean, egingo duten Joste Egunaren atarikoa izan zen. Egun osoko egitaraua antolatu dute zapaturako (argazkiak eta egitaraua dauzka)
Mausitxako gaztak urrezko domina lortu du Madrilen, Gourmetquesos lehiaketan
- Xehetasunak
- Nork idatzia: barren.eus
Salon Gourmets Klubaren 2015eko nazioarteko aretoa egin zuten Madrilen apirilaren 13tik 16ra. Europan kalitateko gastronomiaren sektoreak duen erreferentziako ekitaldia da eta 30.000 produktutik gora aurkeztu dira aurten. Aretoaren barruan, Gourmetquesos gazta lehiaketa egin zuten eta Mausitxako gaztak urrezko domina jaso zuen ardi gazta onduen mailan.
Herriko eskailera mekanikoak eta igogailuak 24 orduz martxan
- Xehetasunak
- Nork idatzia: barren.eus
Elgoibarko Udaleko Hirigintza Sailetik jakinarazi dutenez, gaurtik aurrera 24 orduz izango dira martxan Elgoibarko eskailera mekanikoak eta igogailu publikoak.
Historiaurreko erremintei buruzko erakusketa zabalduko du Jose Julian Marquezek
- Xehetasunak
- Nork idatzia: barren.eus
Jose Julian Marquez elgoibartarrak historiaurreko erremintei buruzko erakusketa inauguratuko du bihar (apirilak 18), Kultur Etxean. Aspaldi hasi zen historiaurreko erremintak eskuz egiten, eta iaz jarri zituen ikusgai estreinakoz. Erakusketak harrera "oso ona" izan zuela adierazi du, eta horrek bultzatu du bigarren edizio hau antolatzera. "Bi mila lagun inguru etorri ziren erakusketa bisitatzera, eta hori izugarria da Elgoibar moduko herri baterako", esan du.
Mugertza krosak IAAF kategoriari eutsiko dio 2015-2016 kros denboraldian
- Xehetasunak
- Nork idatzia: barren.eus
Nazioarteko Atletismo Federazioak (IAAF) kros lasterketen egutegian sartu du aurten estreinakoz Elgoibarko Juan Mugertza Nazioarteko Krosa, eta 2015-2016 denboraldian ere eutsi egin dio IAAF kategoriari. Alegia, Elgoibarkoa munduko 11 krosik onenen artean dago.
Aurkeztu dute Sofia Vazquez, Elgoibarko PPko alkategaia
- Xehetasunak
- Nork idatzia: barren.eus
Gaur eguerdian aurkeztu du Elgoibarko Alderdi Popularrak Udal Hauteskundeetarako alkategaia: Sofia Vazquez. Donostian jaioa da, irunen bizi da, 39 urte ditu eta azken bost urteotan dihardu politikagintzan. Honenbestez, alderdi nagusiek dagoeneko aurkeztu dituzte Elgoibarko udalbatza berria osatzeko hautagaiak.
