Elgoibarko Izarrak jarriko du txosna martxoko azken zapatuko ferian
- Xehetasunak
- barren.eus
Elgoibarko Udalak eta Debemenek antolatuta, martxoko azken zapatuko feria egingo dute, eta oraingoan Elgoibarko Izarra Euskaltzaleon Topaguneak jarriko du txosna. Eguerditik aurrera landaketa tailerra egongo da umeentzat.
Elgoibarri buruzko saio berezia egin du Kanaldude Ipar Euskal Herriko telebistak
- Xehetasunak
- barren.eus
Kanaldude Ipar Euskal Herriko euskarazko web telebista parte hartzailea da, eta Korrikari19-ri jarraipen berezia egin diote. Egunero eskaini dute saio bat, 19:00etan, Korrika dagoen lekutik. Astelehenean Elgoibatik pasa zen Korrika ordu horretan, eta Elgoibarri eskainitako saio berezia eskaini zuten zuzenean, Altzola auzotik. Sarean dago ikusgai ordu erdiko saioa. (bideoa dauka)
Urpeko ekintza eta irudi jardunaldiak antolatu ditu Ur-bizik bigarrengoz
- Xehetasunak
- barren.eus
Iaz hasitako bidetik, urpeko ekintza eta irudi jardunaldiak antolatu ditu bigarren urtez jarraian Elgoibarko Ur-bizi urpekarien elkarteak. Hainbat ekintza antolatu dituzte martxoaren 27tik 29ra bitartean Olaizaga kiroldegian egingo diren jardunaldietarako. Aurten, gainera, 25 urte bete ditu elkarteak.
Lizarpe aurkeztu dute, mendi lasterketetarako taldea
- Xehetasunak
- barren.eus
Lizarpe Mendi Kluba sortu zuten Mendaron 2014. urte amaieran, eta haren barruan Lizarpe mendi lasterketetarako taldea. Atzo aurkeztu zuten taldea Elgoibarren. Txarriduna hotelak babestu du taldea, eta hotelaren atarian atera zuten talde argazkia kirolariek.
Otegi askatu eta presoak hurbiltzeko eskatu dute nazioarteko 24 eragilek
- Xehetasunak
- barren.eus
Europako Legebiltzarreko Basque Friendship taldeak sustatuta, Arnaldo Otegi askatu, euskal presoak etxera izeneko nazioarteko adierazpena aurkeztu zuten, atzo (martxoak 24), Bruselan. Nazioartean ezagunak diren 24 pertsonak sinatu dute Euskal Herriko gatazkaren konponbidea bultzatzeko agiria.
'Antzerki-foruma: Eta hik zer?' bizikidetza sustatzeko egitasmoa aurkeztuko dute Elgoibarren
- Xehetasunak
- barren.eus
Donostia 2016 Kultur Hiriburutzaren eta Baketik Fundazioaren eskutik iritsiko da Elgoibarrera Antzerki-foruma: Eta hik zer? izeneko proiektu ibiltaria. Egitasmoaren bidez, elkarbizitza hobea sustatu eta gizartea eraldatzea bultzatu nahi dute. Inazio Bereziartua Musika Eskolan eskainiko dute saio bat gaur (martxoak 25), 18:30ean. Lekuak mugatuak direnez, joan nahi duenak izena eman beharko du aurrez.
Korrikari harrera beroa egin zioten elgoibartarrek eta mendaroarrek
- Xehetasunak
- barren.eus
Euriari aurre eginez, ehunka lagunek egin zioten ongi-etorria Korrikari, euskararen aldeko lasterketari, Elgoibarren eta Mendaron. (bideoa eta argazki bilduma dauzka)
Elgoibar eta Mendaroko ikasleek ere egin dute bat Korrikarekin
- Xehetasunak
- barren.eus
Gaur, martxoak 23, ailegatuko da euskararen aldeko lasterketa Elgoibarrera (18:15ak aldera) eta Mendarora (19:10ak aldera). Aurrez, baina, Korrika Gaztea eta Korrika Txikian hartu dute parte bi herrietako ikasleek. (bideoa eta argazkiak dauzka)
EHBilduk udal kudeaketarako lantaldea aurkeztu du
- Xehetasunak
- barren.eus
Maiatzeko Udal Hauteskundeen harira, Elgoibarko Udala kudeatzeko antolatu duen lantaldea aurkeztu du EHBilduk. Jose Luis Ibartzabalek gidatuko duen bederatzi laguneko lantaldea ezagutzera eman dute. Era berean, Herri Programa osatzeko bilkura irekiak deitu ditu koalizioak eguaztenerako eta eguenerako. (bideoa dauka)
Vall del Congosteko mendi maratoia irabazi du Maite Maiorak, bigarren urtez jarraian
- Xehetasunak
- barren.eus
Mendi lasterketen Skyrunner modalitateko Espainiako txapelketa zegoen jokoan Vall del Congost mendi maratoian, eta egungo txapeldunak, Maite Maiorak, eutsi egin zion tituluari, bera izan baitzen azkarrena emakumezkoetan. Era berean, bigarren urtez jarraian irabazi du mendi lasterketa hau.
Korrikaren hasiera zuzenean emango du barren.eus atariak
- Xehetasunak
- barren.eus
Urepelen abiatuko da Korrika bihar, martxoak 19, eta euskarazko hedabideek hasiera ekitaldi horretan telebista saio bateratu bat egitea erabaki dute. Barren.eus atarian zuzenean ikusteko aukera izango duzue, streaming bidez. 15:45ean hasiko da aitzin saioa, eta 16:00etatik aurrera izango da emanaldi nagusia. Gogoan izan astelehenean, martxoaren 23an, ailegatuko dela Korrikaren lekukoa Elgoibarrera (18:15ak aldera) eta Mendarora (19:10ak aldera).
Tecnifuellek Euskadiko txapelketako Lauko Finala jokatuko du Zarautzen
- Xehetasunak
- barren.eus
Euskal Ligako Lauko Finala jokatuko du Tecnifuelle Elgoibar, Sanlo kirol taldeko kadete nesken taldeak, datorren asteburuan Zarautzen. Etxebarriko Kukullaga, Donostiako Bera-Bera eta Zarauzko Aiala eskubaloi taldeen aurka jokatuko dute elgoibartarrek.
Maria Moliner Saria jaso du Elgoibarko liburutegiak
- Xehetasunak
- barren.eus
Maria Moliner Saria jaso du Elgoibarko Gotzon Garate Udal liburutegiak, Erraz irakurtzea gustatzen zaigu izeneko egitasmoari esker. Espainiako Kultura Ministerioak banatzen ditu sariok, irakurzaletasuna sustatzeko egitasmorik onenak saritzeko.
Euskal Herriko eta Kataluniako prozesu independentisten inguruko mahai-ingurua antolatu du EHBilduk
- Xehetasunak
- barren.eus
Euskal Herria-Catalunya independentzia bidean! izenburupean mahai-ingurua antolatu du Elgoibarko EHBilduk datorren martitzenerako (martxoak 24). Kataluniak bizi duen unearen inguruan jarduteko eta Bide Katalanaren nondik norakoen berri emateko, Xavier Generó (CIP) eta Dionís Guiteras (ERC) gonbidatu dituzte. Euskal Herria Bilduko parlamentari Marian Beitialarrangoitia izango da hirugarren mahai kidea.
