Bi aldeak prest agertu dira Precora joateko greba amaierako akordioa sinatzera. Lan Harremanen Kontseiluaren zerbitzu publikoa, doakoa eta borondatezkoa da Preco, Euskal Autonomia Erkidegoko lan-gatazka kolektiboak konpontzeko sortutakoa..
Akordioan ondorengo hiru puntu hauek jaso dituzte:
- 2026ko urtarrilaren 1etik aurrera, plantillako langile guztientzako gutxieneko oinarrizko 1.500 euroko hileko soldata bermatzea, langile bakoitzak orain jasotzen dituen hobekuntza indibidualak errespetatuta.
- Soldata-igoera horrek %24rainoko igoerak ekarriko dizkie estatu-mailako hitzarmeneko gutxiengoan daudenentzat.
- Enpresako hitzarmen kolektibo propio bat lantzeko konpromiso irmoa hartzea, orain arte lan-baldintzak arautzen zituen arrain eta itsaski-kontserben estatu-mailako hitzarmena atzean lagata.
ELAtik oso positibo baloratu dute akordioa: "Akordio honek aukera ematen digu enpresa hitzarmena sinatzeko. Gainera frogatuta geratuda berriro ere borrokak merezi duela eta horretarako langileak antolatuta egotea beharrezkoa dela"
