78 umek hartu zuten parte Mendaroko Pilota Egunean
- Xehetasunak
- Nork idatzia: barren.eus
Mendaroko Arno Guraso Elkarteak antolatuta, Pilota Eguna egin zuten Mendaron joan den zapatuan. 78 neska-mutilek hartu zuten parte estreinako edizio honetan.
Maite Maiorak hirugarren egin du Munduko Trail Txapelketan
- Xehetasunak
- Nork idatzia: barren.eus
Mendi lasterketen Munduko Trail Txapelketa jokatu dute asteburuan Annecyn, Frantzian. Euskadiko eta Espainiako txapelketak irabazi ostean, hirugarren postuan sailkatu zen Maite Maiora. Taldeka, berriz, bigarren postua eskuratu zuen Maiorak Espainiako selekzioarekin. (bideoa dauka)
Gipuzkoako Kopa: Lauko txapeldun eta Alcorta eta Bankoa txapeldunorde
- Xehetasunak
- Nork idatzia: barren.eus
Gipuzkoako Kopako finalak jokatu dituzte Sanloko hiru eskubaloi taldek joan den asteburuan. Senior emakumeen Lauko taldeak bakarrik lortu zuen baina titulua. (argazkiak dauzka)
2015eko Trinitate jaiak, irudietan
- Xehetasunak
- Nork idatzia: barren.eus
Elgoibartarrek jai giroan ospatu dituzte Trinitate festak asteburuan. Mendaron ere ekintzaz beteriko asteburua izan da eta gaur, hilak 1, oraindik ere izango dute zer ospatua. Argazki bilduma batean jaso ditugu asteburuan jasotako irudi esanguratsuenak. (argazkiak dauzka)
Bi txirrindulari eibartar zauritu dira Elgoibarren, kamioi batek harrapatuta
- Xehetasunak
- Nork idatzia: barren.eus
10:15ean izan da istripua. Kamioi batek 65 eta 66 urteko bi txirrindulari harrapatu ditu San Antolineko biribilgune parean.
Aurkeztu dute Euskal Eskola Publikoaren jaiko egitaraua
- Xehetasunak
- Nork idatzia: barren.eus
Bederatzi egun falta Elgoibarren ekainaren 7an ospatuko den Euskal Eskola Publikoaren jairako. Antolatzaileek jaiaren egitaraua aurkeztu dute gaur prentsaurreko agerraldian, eta musika eta dantzarekin girotu dute aurkezpena. Izan ere, Herri Eskolako 300 ume inguruk flashmoba egin dute Kalebarren plazan, jairako sortutako Jaku, jata abestiaren erritmora.
Trinitate jaiek egitarau bete-betea izango dute
- Xehetasunak
- Nork idatzia: barren.eus
Ekintzaz beteriko asteburua izango dugu Elgoibarren eta Mendaron, bi herrietan ospatuko dituzte-eta Trinitate jaiak. Ume, gazte zein helduentzako ekintzak prestatu dituzte antolatzaileek, eta bakoitzak izango du non aukeratu. (egitaraua dauka)
Auzolana, arbasoengandik jasotako ondarea
- Xehetasunak
- Nork idatzia: barren.eus
Auzolana lankidetzaren sinonimotzat erabiltzen da gaur egun, baina berebiziko garrantzia izan du euskal kulturan. Gure arbasoek emandako ondare honi esker bizirik iraun dugu herri moduan. Elgoibarren ere oso sustraituta egon da auzolana, alegia, auzotar, herritar, lagun eta bizikideen artean lankidetzan zereginak egiteko sistema. Gai honen inguruko lekukotasun ugari daude jasota ahotsak.com-en. (bideoak dauzka)
Hamar urtetako danborradak karroza bakar batean bilduta
- Xehetasunak
- Nork idatzia: barren.eus
Atabal elkarteak berreskuratu zuen trinitateetako nagusien danborrada 2006an, eta urtero gai baten inguruan antolatu izan dute. Aurtengoa hamargarren edizioa denez, aurreko urteetako motibo guztiak bilduko dituzte karroza batean, danborradaren etapa berriaren errepaso moduko bat egiteko. Gaur gauean egingo dute danborradaren azken entsegua Kalegoen plazan (21:30)
Eskolako Agenda 21eko udalbatzarra egin dute Elgoibarren
- Xehetasunak
- Nork idatzia: barren.eus
Eskolako Agenda 21eko udalbatzarra egin dute gaur goizean Elgoibarko Udaletxean. Elgoibarko hiru ikastetxetako (Herri Eskola, Ikastola eta Institutua) 40 ikasle inguru batu dira pleno aretoan. Urtean zehar elikadura jasangarri eta osasuntsuaren gaia lantzeko hainbat ekintza burutu dituzte ikastetxeetan, eta egoeraren diagnostikoa egin ostean, ikasleek Udalbatzarrean aurkeztu dituzte ateratako ondorioak, baita euren eskaera eta proposamenak ere.
Dagoeneko 49 elkarte-erakundek esan dute parte hartuko dutela aurtengo ‘Euskarak 365 Egun’ ekimenean
- Xehetasunak
- Nork idatzia: barren.eus
Euskal eragileek atzo (maiatzak 27) aurkeztu zuten euskarak 365 egitasmoa, musika eskolako auditorioan. Elgoibartarron euskaltasuna eta euskaraz bizitzeko gogoa sustatzea izango da egitasmoaren helburua, eta herriko kaleetan eta plazetan aldarrikatuko dituzte euren balioak. Elkarte-erakundeak izango dira protagonista eta modu ludiko-motibagarrian aldarrikatuko dute euren euskaltasuna.
Tabakoak sortzen dituen kalteez ohartaraztera irten dira kalera anbulatorioko profesionalak
- Xehetasunak
- Nork idatzia: barren.eus
Tabakorik gabeko Mundu Eguna da domekan, maiatzaren 31n, eta aitzaki hori baliatuta, tabakoa kontsumitzeak eragiten duen kalteaz ohartaraztera irten dira kalera gaur Elgoibarko anbulatorioko profesionalak.
Energia eraginkortasuna sustatzeko programa abiatu du Debegesak
- Xehetasunak
- Nork idatzia: barren.eus
Debegesa garapen agentziak informazio bilerak hasiko ditu Debabarreneko herrietan, besteak beste energia aurrezteko aholkuak eman eta fakturak ulertzen laguntzeko. Astelehenean, ekainaren 1ean, etorriko dira Mendarora, eta ekainaren 10ean eta 11n Elgoibarrera.
Lehendakariak Herri Eskolako eta Kalamua guraso elkarteko ordezkariei harrera egin die
- Xehetasunak
- Nork idatzia: barren.eus
Euskal Eskola Publikoaren jaiaren harira, EHIGE Euskal Herriko Ikasleen Gurasoen Elkarteko ordezkaritza bati harrera egin diete gaur, hilak, 27, Iñigo Urkullu Jaurlaritzako lehendakariak eta Cristina Uriarte Hezkuntza, Hizkuntza, Politika eta Kulturako sailburuak Lehendakaritzan. (bideoa dauka)
Evelyn Santosen golek Superligarako bidean jarri dute Oiartzun taldea
- Xehetasunak
- Nork idatzia: barren.eus
Lehenengo Mailara igotzeko pauso handia eman du OKE Oiartzun Kirol Elkarteko emakumeen futbol talde nagusiak, Madrid CFF taldea kanporatuta. Joaneko partidan 4-2 galdu zuten Madrilen eta kanporaketa irauli zuten domekan Oiartzunen jokatutako itzulerako partidan. 4-0 irabazi zioten talde madrildarrari, Evelyn Santos elgoibartarrak sartutako hat-trick erabakigarriari esker.
Sanloko hiru taldek Gipuzkoako Kopako finalak jokatuko dituzte asteburuan
- Xehetasunak
- Nork idatzia: barren.eus
Asteburu betea izan da Sanlo eskubaloi kirol-taldearentzat. Partida garrantzitsuak jokatu dituzte Sanloko bost taldek eta datorren asteburua ere ez da edonolakoa izango, hiru finaletan hartuko baitute parte Sanloko beste hiru taldek. Gipuzkoako Kopako finala jokatuko dute Alcortak, Laukok eta Bankoak. Lehen biek etxean, Olaizaga kiroldegian.
Jorge Lopez Marron gasteiztarrak irabazi du trinitateetako kaleko margo lehiaketa
- Xehetasunak
- Nork idatzia: barren.eus
Egur arte tailerrak antolatuta, IV. Kaleko Margo Lehiaketa jokatu zuten zapatuan Elgoibarko kaleetan. Jorge Lopez Marron gasteiztarrak irabazi zuen lehen saria, King-kong etxeko arkupeetatik dagoen ikuspegia erakusten duen margolanarekin. Lehiaketara aurkeztutako lan guztiak Kultur Etxeko sotoan egongo dira ikusgai, gaurtik domekara bitartean. (argazkiak dauzka)
2015eko udal hauteskundeak: Elgoibarko eta Mendaroko emaitzak eta alderdien balorazioak
- Xehetasunak
- Nork idatzia: barren.eus
Udal eta Foru Hauteskundeetako Elgoibarko eta Mendaroko mahairik mahaikako emaitzak eta alderdien lehen balorazioak jaso ditugu.
Gehiengo absolutua lortu du EAJk Elgoibarren
- Xehetasunak
- Nork idatzia: barren.eus
EAJ alderdiak botoen erdiak (2.797 boto; %50,3) eskuratu ditu Elgoibarren. Emaitza horiekin, bederatzi zinegotzi lortu ditu Elgoibarko Udalean, gehiengo absolutua, alegia. EHBilduk 1.709 boto eskuratu ditu eta 6 zinegotzi. PSE-EEk 677 boto eta bi zinegotzi eskuratu ditu. PP alderdiak 232 boto jaso ditu, baina ez da nahikoa izan zuen zinegotzi bakarrari eusteko.
Mendaron EHBilduk irabazi ditu udal hauteskundeak
- Xehetasunak
- Nork idatzia: barren.eus
EHBilduk 414 botu eta bost zinegotzi eskuratu ditu Mendaron eta EAJk 334 botu eta lau zinegotzi. PSE-EEk, berriz, 67 botu lortu ditu (86 boto 2011n), eta hortaz, galdu egin du orain zeukan zinegotzia.
Udal hauteskundeetako emaitzak barren.eus-en
- Xehetasunak
- Nork idatzia: barren.eus
Parte-hartze datuak, kontaketaren osteko emaitzak eta zerrendaburuen erreakzioak igandean bertan kontsultatu ahal izango dira barren.eus webgunean.
Mausitxa gaztandegia 'Herri People' telebista saioan
- Xehetasunak
- Nork idatzia: barren.eus
Mausitxa gaztandegian gazta nola egiten duten erakutsi diete Mausitxa gaztandegiko arduradunek ETB1eko Herri People saiokoei. (bideoa dauka)
Finalerdietan da Plazatik Gaztetxera txapelketa
- Xehetasunak
- Nork idatzia: barren.eus
Joan zen zapatuan jokatu zen Plazatik Gaztetxera bertso txapelketaren Elgoibarko kanporaketa. 30 bat lagun bildu ziren afaritarako, eta ondoren, 60 bat lagun izan ziren bertso saioan. Maddi Sarasua eta Manex Astigarraga izan ziren saioko irabazleak, eta zuzenean pasatu dira hurrengo fasera. Eibarko eta Elgoibarko saioetako momentu onenekin osatutako Plazatik Gaztetxera TB saioa jarri du sarean Topatu.infok. (bideoa dauka)
Aurreskuaren burbuilak eztanda egingo du inoiz?
- Xehetasunak
- Nork idatzia: barren.eus
Edozein ekitalditara hurbildu eta zaila da aurreskurik ikusi gabe etxera bueltatzea. Astean zenbat aurresku ikusiko dituzte diputatu nagusiak? Eta Lehendakariak? Industriagune baten kanpoaldean egindako bidegorri baten inaugurazioak aurreskua behar al du? Bere ohore zentzua galtzeraino esplotatzen ari al gara aurreskua? Honen inguruan hausnartu dute dantzan.com atarian eta iritzi ezberdinak batu, tartean Oier Araolazarena.
Cró! musika talde galiziarrak kontzertua emango du Kultur Etxeko sotoan
- Xehetasunak
- Nork idatzia: barren.eus
Euskal Herrian bira egingo du Vigoko Cro! musika taldeak eta Elgoibarko Kultur Etxeko sotoan egingo dute lehen geldialdia, barixaku honetan, hilak 22. Sinuöse kolektiboak antolatutako kontzertua izango da, eta hurrengoa ere prest dute, ekainaren 5ean egingo baitute Hellgoibarko hirugarren Metal Gaua Maalako parkean.
Pirritx, Porrotx eta Marimototsek Mendaron eskainiko dute ikuskizuna barixakuan
- Xehetasunak
- Nork idatzia: barren.eus
Txo Mikmak Txikia ikuskizuna eskainiko dute Pirritx, Porrotx eta Marimots pailazoek Mendaroko Ikastolako jolastokian, barixaku honetan, hilaren 22an.
Sozialistek larrosak banatu dituzte eguenetako azokan
- Xehetasunak
- Nork idatzia: barren.eus
Udal eta Foru Hauteskunde kanpainaren barruan, PSE-EEko hautagaiak larrosak banatzen aritu dira gaur goizean Elgoibarko kaleetan.
Bukatu da Ane Beitia EAJren Elgoibarko alkategaiarekin elkarrizketa digitala
- Xehetasunak
- Nork idatzia: barren.eus
EAJ-PNVren Elgoibarko Udalerako alkategai Ane Beitiak herritarren galderak erantzungo ditu ordubetez, 12:00etatik 13:00etara bitartean. Hala erre, aurrez ere baduzue zuen galderak bidaltzeko aukera, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera.
