Rock Gaua eskainiko dute Udal Musika Bandak eta herriko musikariek Maalan
- Xehetasunak
- Nork idatzia: barren.eus
Rock Gaua eskaintzeko indarrak batu dituzte Elgoibarko Udal Musika Bandak eta herriko musikari talde batek. Kontzertu “berezia” izango dela aurreratu dute eta rock talde ezagunenetarikoen kantuak joko dituzte: Metallica, AC/DC, Scorpions, Deep Purple, Ken Zazpi eta Gatibu, besteak beste. Zapatu honetan, hilaren 18an, izango da.
Berdintasun plana osatzeko herritarren ekarpenak jasoko dituzte bihar
- Xehetasunak
- Nork idatzia: barren.eus
Elgoibarko Udala emakume eta gizonen berdintasun plana diseinatzen ari da partaidetza prozesu baten bidez. Prozesu horren baitan, bihar, eguaztena, herritarren ekarpenak jasoko dituzte world kafe formatuan egindako bileratxoen bidez.
Mintxetako BTT zentroa denboraldi baterako itxiko dute
- Xehetasunak
- Nork idatzia: barren.eus
Debabarreneko BTT zentroa ixtea erabaki dute, denboraldi baterako, berrazterketa bati ekin eta produktuari bultzada berria emateko asmoz. Irekiera data oraindik zehazteke dago.
Aukeratu dute nork erredaktatuko duen Aita Agirre eraikina berritzeko proiektua
- Xehetasunak
- Nork idatzia: barren.eus
Etorkizuneko Kultur Etxearen proiektua Jovino Martinez Sierra arkitektuak egingo du. Erredakzioak urte amaierarako amaituta egon beharko du, datorren urtean obrei ekiteko. Proiektuaren erredakzioa hastearekin batera, partaidetza prozesu bat iragarri du Udalak Aita Agirre eraikinaren etorkizuna definitzeko.
Nora Kortaberriak Eskubaloiko Munduko Junior Txapelketa jokatuko du Errusian
- Xehetasunak
- Nork idatzia: barren.eus
Junior mailako Munduko Eskubaloi Txapelketa jokatuko da uztailaren 2tik 15era Moskun (Errusia). Espainiako selekzioak Polonian lortu zuen Mundiala jokatzeko sailkatzea, eta Nora Kortaberria elgoibartarrak Sagrario Santana hautatzailearen deia jaso du. Ekainaren 19an hasiko dira txapelketa prestatzen, Guadalajaran.
Elgoibarren hasiko da domekan 2016 Bidea egitasmoko 12. etapa
- Xehetasunak
- Nork idatzia: barren.eus
Elgoibarren amaitu zen aurreko domekan, ekainaren 5ean, Donostia 2016 baitako 2016 Bidea egitasmoko 11. etapa. Datorren domekan egingo dute 12. etapa eta Elgoibartik Azpeitiara joango dira oinez parte hartzaileak. Fedeaz eta frontoiez izena izango du etapa honek.
BARREN astekariko banatzaileek karrotxo berriak estreinatuko dituzte
- Xehetasunak
- Nork idatzia: barren.eus
Hemendik aurrera BARRENeko banatzaileek karrotxo berdeak erabiliko dituzte barixakuetan astekaria irakurleen buzoietara eramaterakoan. BARRENen banaketa sistema hobetzeko neurrietako bat da.
‘Biraka power! Gure indarra’ dantza ikuskizuna eskainiko dute Mendaron eta Elgoibarren
- Xehetasunak
- Nork idatzia: barren.eus
Biraka Dantza Taldeak Biraka power! Gure indarra! dantza ikuskizuna eskainiko du jendaurrean. Gaur, ekainak 10, Mendaron izango da saioa, 22:00etan, Goñati pilotalekuan, doan. Elgoibarren, berriz, hiru jardunaldi egingo dituzte ekainaren 15, 16 eta 17an, 20:00etan Herriko Antzokian.
Oin Alai bereziarekin hasi da barixakua
- Xehetasunak
- Nork idatzia: barren.eus
Barixaku honetako Oin Alai egitasmoan beste edozein egunetan baino jende gehiagok parte hartu du. Izan ere, Oin Alai festa berezia izan da goiz honetan Elgoibarko kaleetan. Herri Eskolako eta Ikastolako neska-mutilak animatzaile paregabez lagunduta joan dira ikastetxeetara: buruhandien eta Atxutxiamaikako monitoreen ondoan.
Haur minbizidunen arreta hobetzeko eskatu du Seijas mendaroarrak Eusko Legebiltzarrean
- Xehetasunak
- Nork idatzia: barren.eus
Gasteizko Legebiltzarrean izan zen Mari Carmen Seijas mendaroarra astelehenean, Aspanogi elkartearen izenean. Donostiako Unibertsitate Ospitalean, onkologia pediatrikoko arloan dauka umea leuzemiaz gaixorik. Profesionalen tratua bikaina dela nabarmendu zuen, baina ospitalean leku falta dagoela kexatu zen.
Herriko idazleen bizipenen inguruko mahai ingurua, bideoan
- Xehetasunak
- Nork idatzia: barren.eus
Donostia 2016ren baita irakurketa sustatzeko eta literaturaren inguruko eragileak elkartzeko hainbat egitasmo egin dituzte, horietako bat da (E)zinezko elkarrizketak. Pitxintxun herriko lau idazlerekin egin zuten elkarretaratze berezia: Uxue Alberdi, Danele Sarriugarte eta Jasone Osoro, Unai Villenaren galderei erantzunez. Antolatzaileek bideoan jaso zuten osorik mahai ingurua. (bideoa dauka)
Hasi dituzte Ziziliongo pasabide berria egiteko lanak
- Xehetasunak
- Nork idatzia: barren.eus
Elgoibarko Udalak Morga SL enpresari esleitu dio Sigmako josteko makinaren ondoan egingo den pasabide berria, oinezkoak errepide gainetik pasatzeko. Dagoeneko hasi dituzte pasabide zaharra bota eta berria jartzeko lanak. Datorren astetik aurrera lekuz aldatuko dute pasabide azoian dagoen autobus geltokia.
Maalako zubi ondoko aparkalekuko 27 plazen erabilera enkantera atera du Udalak
- Xehetasunak
- Nork idatzia: barren.eus
Ordaindutako herriko estreinako aparkaleku publikoa izan zen Guass dantzalekua egon zen orubean egin zutena, Deba kalean. 50 bat ibilgailuentzako lekua du eta horietatik 27 plaza enkantera atera ditu, beste behin ere, Elgoibarko Udalak.
Judoka elgoibartarrek hiru domina eskuratu zituzten Gipuzkoako txapelketan
- Xehetasunak
- Nork idatzia: barren.eus
Alebin mailako Gipuzkoako Judo Txapelketa jokatu zen Elgoibarren. Egokran taldeko hiru judokek hartu zuten parte txapelketan eta hiru domina skuratu zituzten, urrezko bat eta brontzzo bi.
Inoiz baino partaide gehiago Kirol Campusean
- Xehetasunak
- Nork idatzia: barren.eus
Guztira, 220 umek eta gaztek eman dute izena udaldi honetako Kirol Campusean parte hartzeko. Ekainaren 27tik aurrera, lau astez, kirola eginez pasatuko dituzte goizak.
Oin Alai berezia barixakuan
- Xehetasunak
- Nork idatzia: barren.eus
Urteroko moduan, Oin Alai egitasmoaren jaia antolatu du Udalak Herri Eskolarekin eta Elgoibar Ikastolarekin batera. Aurten ere ospakizun berezia izango dela aurreratu dute.
Zapatuan zabalduko dituzte Mintxetako igerilekuak
- Xehetasunak
- Nork idatzia: barren.eus
Ekainaren 11n, zapatua, irekiko dituzte Mintxetako igerilekuak. Patronatuko bazkideek ez dute ordaindu behar izango baina udako denboraldi guztirako bonoak ere eskaintzen dituzte.
'Euskararen isobarak' hitzaldia emango du Pako Aristik eguaztenean
- Xehetasunak
- Nork idatzia: barren.eus
Pako Aristik bere saiakera liburua, Euskararen Isobarak, aurkeztu eta gaiaren inguruko hitzaldia eskainiko du eguazten honetan, hilak 8, Elgoibarko Kultur Etxeko hitzaldi gelan. Euskararen inguruko diskurtsoa kutsatzen duten gezurrak detektatzen saiatu da Pako Aristi liburu honetan: euskara politizatua dagoela, ez dela modernoa, subentzionatua dagoela, erakargarritasuna falta zaiola, besteak beste.
Unai Endemañoren ‘Disparando a 33 rpm” argazki erakusketa hilaren 10era arte sotoan ikusgai
- Xehetasunak
- Nork idatzia: barren.eus
Metal estiloko banden zuzeneko argazkiak bildu ditu Unai Endemaño argazkilariak Disparando a 33 rpm izeneko erakusketan. Barixakura arte egongo dira ikusgai Kultur Etxeko sotoan.
Pintxo lehiaketa Elgoibarko 25 tabernatan egingo dute, ekainaren 15etik 18ra bitartean
- Xehetasunak
- Nork idatzia: barren.eus
Elgoibarko zortzigarren pintxo lehiaketa aurkeztu dute gaur, udaletxean egin duten agerraldian. Elgoibarko 25 tabernek pintxo bereziak prestatuko dituzte hilaren 15etik 18ra egingo duten pintxo lehiaketarako. Aurtengo berrikuntzen artean, pintxoen prezioa igo dutela (1,30 euro pintxo bakoitzak) eta barixakuan beharrean zapatuan amaituko dela.
Bisita gidatua Kalamuara domekan, gerrako frontea ezagutzeko
- Xehetasunak
- Nork idatzia: barren.eus
1936eko Gerran Kalamua aldean izandako borrokaldien eta erasoaldien berri emateko asmoz, ibilbide gidatua antolatu du Ahaztuen Oroimena Elkarteak domeka honetarako.
Bizkaiko motorzaleen bisita Elgoibarrera
- Xehetasunak
- Nork idatzia: barren.eus
Makinas Bizkaia motozaleen elkarteak irteerak antolatzen ditu domekero, eta atzokoan Elgoibarreraino ailegatu ziren, moto ikusgarriz beteta ageri den Kalebarren plazako goiko argazkian ikus daitekeen moduan.
Larrialdiko bilketa abiatu du Caritasek Elgoibarko umeen eta gaztetxoen premiei erantzuna emateko
- Xehetasunak
- Nork idatzia: barren.eus
0-18 urte bitarteko ume eta gazte asko arropak eta oinarrizko hainbat material gabe bizi dira Elgoibarren. Caritasek arropa eta oinarrizko zenbait material emateko deia zabaldu du herritarren artean, premia horri lehenbailehen aurre egiteko. Kasu honetan, arropa eta beste materialak zuzenean Caritasera bertara eramateko eskatu dute.
Eli Ibarra Ligako txapeldun Athleticekin
- Xehetasunak
- Nork idatzia: barren.eus
Athleticek emakumezkoen Liga txapelketa irabazi du bosgarrenez, azkenekoa lortu eta bederatzi urtera. Bost txapelketa horietan izan da Eli Ibarra jokalari elgoibartarra.
Lauko Elgoibar Gipuzkoako Kopako txapeldun
- Xehetasunak
- Nork idatzia: barren.eus
Gipuzkoako Kopa irabazi du Lauko Elgoibarrek, Sanloko senior emakumezkoen taldeak. Laukok 29-21 irabazi zion finalean Errenteriako Ereintza Barymont taldeari.
Jasone Osororen 'Ezekiel' liburua ikasleen gogokoenen artean
- Xehetasunak
- Nork idatzia: barren.eus
2016ko JUUL kanpainako sariak banatu zituzten eguaztenean Lodosan, eta Jasone Osoro idazle elgoibartarraren Ezekiel liburuak lehen saria jaso zuen Batxilergoko ikasleen artean.
Gipuzkoako harrera familiak Mendaron batuko dira domekan
- Xehetasunak
- Nork idatzia: barren.eus
Harrerako haurren elkarteak, Beroak, Mendaron egingo du aurtengo Elkarbizitza Jardunaldia. Domeka honetan Gipuzkoako harrera familiak bertaratuko dira, haien bizipenak partekatzera eta eguneroko bizitzan sortzen zaizkien kezkak argitzen saiatzera.
Ate irekien jardunaldia zapatuan Elgoibarko meskita berrian
- Xehetasunak
- Nork idatzia: barren.eus
Tawasol, Elgoibarko komunitate musulmanak ate irekien jardunaldia antolatu du meskita berrian. Pedro Muguruza etorbideko 85. zenbakian, zortzigarren pabiloian egin dute meskita.
