Gipuzkoako nafar gazteluak. Elosuko kasua aztergai izango du izenburua, eta Andoni Larrañaga historialariak eta Ander Errasti ingeniari eta Lanbroa Kultur Elkarteko kideak emango dute. Azkoitia eta Bergara arteko mugan, Nafarroako Erresumarena izan zen Iriaun izeneko gaztelua zutik egon zen XII. mende ingurutik 1457ra arte, duela 568 urte ingurura arte, alegia.
Aita Agirre kulturguneko areto nagusian izango da solasaldia, 19:00etan hasita. Egun berean, Erro garaituak izeneko erakusketa ere jarriko du Ibon Rokandiok.
Aurten betetzen dira 1000 urte Ypuscoa izeneko lurraldearen lehen aipamenetik, Iruñeko erresumaren baitan. Dokumentazioa urria da, baina, eta, ilun lausoan lagatzen ditu lurraldearen hedadura eta beste edozein ezaugarri; hurrengo mendeetan aipatzen diren gazteluen izaera eta funtzioak, besteak beste. Hitzaldian, gai honetara hurbilduko dira Deba arroko bi kokalekuren ikerketa ardatz hartuta, eta haien datu historiografiko eta arkeometrikoak garai haietako testuinguruan kokatuko dituzte.
