Pedro Migel Urruzuno kalea ibilgailuentzat itxiko dute otsailaren 23an eta 25ean
- Xehetasunak
- Nork idatzia: barren.eus
Datorren asteko bi egunetan Pedro Migel Urruzuno kaleko trafikoa eten egingo dutela jakinarazi du Elgoibarko Udalak. San Frantzisko kaleko 32. zenbakian egiten diharduten lanak direla-eta itxiko dute kalea.
Jairo Berbelen ‘Siempre, la leyenda de la pecosa de ojos verdes’ liburua bidean da
- Xehetasunak
- Nork idatzia: barren.eus
Data zehatzik ez badago ere uda aurretik kaleratuko du Ekuadorko El Conejo argitaletxeak Jairo Berbel elgoibartarraren Siempre, la leyenda de la pecosa de ojos verdes liburua. Yulexi Carolina Chevezen bizitza –jaiotzatik hil arte– kontatuko du liburu horrek.
Abian prozesuan parte hartzeko dei egin dio ezker abertzaleak bere militantziari
- Xehetasunak
- Nork idatzia: barren.eus
Ezker abertzalea Abian gogoeta prozesuan murgilduta dago, eta eztabaida fasea nola egingo den aurkeztu du. Prozesuan presoen ekarpenak garrantzitsuak direla iritzita, bihar (zapatua) espetxeetako martxara joateko animatu dute militantzia.
Zabalik dago Gurasoentzako Tertuliak programan izena emateko epea
- Xehetasunak
- Nork idatzia: barren.eus
Euskara praktikan jartzeko beharra duten gurasoei laguntzeko egitasmoa da Gurasoentzako Tertuliak izenekoa. Antolatzaileek izena ematera animatzeko bideoa egin dute, eta jakinarazi dute martxoaren 11n amaituko dela izena emateko epea.
Duela 85 milioi urteko Elgoibar nolakoa zen ezagutzeko irteera antolatu du Haizeak
- Xehetasunak
- Nork idatzia: barren.eus
Haizea emakume taldeak antolatuta, kultur irteera izango da otsailaren 21ean (domeka). Santa Ana kaletik irten eta Maltzagara abiatuko dira. Inma Mugertza Geologian doktore elgoibartarrak urpeko bolkanismo kretazeoaren inguruko argibideak eskainiko dizkie.
Martin Hernandez Espainiako Kros txapelketan lehiatuko da
- Xehetasunak
- Nork idatzia: barren.eus
Mintxeta Atletismo Taldeko kide Martin Hernandez Beitia antxitxikariak Espainiako Kros txapelketan hartuko du parte Euskadiko selekzioarekin, kadete mailan. Domeka honetan jokatuko da Burgosen.
Etorkinak, emakumeak eta adinekoak dira bazterkeriaren eragin handiena jasaten duten kolektiboak
- Xehetasunak
- Nork idatzia: barren.eus
Elgoibarko Gizarteratzearen aldeko Mahaiak toki mailako gizarte-bazterkeriari eta gizarteratzeari buruzko diagnostikoa aurkeztu du. Dokumentu horretan, kapitulutan banatuta, Mahaiko kideek identifikatu dituzten datuak, eskuragarri dauden baliabideak, eta ondorio eta erronka nagusiak biltzen dira. Besteak beste, bazterkeriaren eragin handiena jasaten duten kolektiboak etorkinak, emakumeak eta adinekoak direla azaldu dute.
Bost edukiontzien sistema aprobetxatuz gehiago birziklatzeko pausoak eskatu ditu EH Bilduk
- Xehetasunak
- Nork idatzia: barren.eus
Debabarreneko Mankomunitateak aurreko barixakuan zabor-tasa %10 eta %15 artean igoko duela iragarri ondoren, Elgoibarko EH Bilduk uste du ardura erraustegia gelditu zutenei ezin zaiola leporatu. “Askoz kutsakorragoa eta askoz garestiagoa den azpiegitura bat egitea ezin da izan lehenetsitako aukera”, dio koalizioak.
Gizonezko bat hil da Idotorben, autoa bidetik irtenda
- Xehetasunak
- Nork idatzia: barren.eus
Idotorbe auzotik Aubixara bidean gertatu den istripu batean hil egin da Idotorbe auzoko bizilagun bat, 67 urteko gizonezkoa. Pendiz handiko zelaian behera amildu da autoa eta kilometro bat beherago dagoen errekastoan gelditu da.
Euskadiko pista estaliko txapelketan emaitza onak lortu ditu Mintxetak
- Xehetasunak
- Nork idatzia: barren.eus
Mintxeta atletismo taldeko kideek maila ona eman dute asteburuan jokatu diren bi kirol probetan: pista estaliko gazteen Euskadiko Txapelketa eta Gipuzkoako Eskolarteko kros txapelketa.
Ramon Garcia gailendu da Master mailako denboraldiko lehen lasterketan
- Xehetasunak
- Nork idatzia: barren.eus
Laudioko Master Klasikoa jokatu zen zapatuan, Master mailako denboraldiko estreinako proba. 176 txirrindularik hartu zuten parte, eta Toyota Euskoauto taldeko Ramon Garcia elgoibartarra izan zen irabazlea, helmuga marra bigarren postuan gurutzatu bazuen ere.
Amoranteren lan berriaren aurrerapen kantua: “Dorre baten gordetakoa”
- Xehetasunak
- Nork idatzia: barren.eus
Iban Urizar musikari elgoibartarrak 2014. urtean jarri zuen martxan Amorante bakarkako proiektua, eta eguenean aurkeztuko du bere lehen grabazioa. Ez da disko baten aurkezpena izango, bost kanturen aurkezpena baizik. Kantu horietako bat, “Dorre baten gordetakoa”, aurrerapen gisa entzun daiteke Badok atarian. (audioa dauka)
Pello Rubio: “Indartsu eta gogotsu ikusi dut Arnaldo Otegi”
- Xehetasunak
- Nork idatzia: barren.eus
Pello Rubio “Txillarre” elkarrizketatu dute gaur goizean Euskadi Irratian. Arnaldo Otegiri buruz aritu dira berbetan batez ere. Rubiok asteburuan egin dio kartzelatik irten aurreko azken bisita kartzelan, Arnaldo Otegiri. Jesus Egiguren Euskadiko sozialisten presidente-ohiarekin batera izan da Logroñoko kartzelan. (audioa dauka)
Olasoko hilerria Galeako itsaslabarrean ?
- Xehetasunak
- Nork idatzia: barren.eus
Paisaia ikusgarria erakusten du ondoko irudian ikus daitekeen koadroak. Ez da benetakoa, ordea. Jesus Mari Lazkano (Bergara, 1960) margolariaren irudimenetik irten da Olasoko hilerriko arkupea Galeako lurmuturrean (Getxo eta Sopelana artean) kokatzen duen margolana. (bideoa dauka)
Euskal postreei buruzko ikastaroa antolatu du Atxutxiamaikaren Kiribilduz egitasmoak
- Xehetasunak
- Nork idatzia: barren.eus
Familia artean hizkuntza transmisioa lantzeko helburuarekin sukaldaritza ikastaroa antolatu du Atxutxiamaikaren Kiribilduz egitasmoak, HH4-LH2 adin tarteko umeentzako eta euren gurasoentzako.
Zabor bilketaren tasa %10 eta %15 artean igoko dela jakinarazi du Mankomunitateak
- Xehetasunak
- Nork idatzia: barren.eus
Arcadio Benitez Debabarrenako mankomunitateko presidenteak azaldu duenez, zabor bilketaren tasa %10 eta %15 bitartean igoko dute aurten. Gipuzkoako Hondakinen Kontsorzioak (GHK) pilatu duen 800.00 eurotik gorako defizitari aurre egiteko igoko dutela zabor tasa arrazoitu du Benitezek. Bestalde, Elgoibarren sailkatu gabe gelditzen den zaborra Cantabriako zabortegi batera hasi dira bidaltzen.
EHBilduk salatu du Udal aurrekontuak herritarrei bizkarra emanez egin direla
- Xehetasunak
- Nork idatzia: barren.eus
EHBilduk jaso du Elgoibarko Udal Gobernuaren aurrekontu proposamena, eta proposamen horri buruz egin duten balorazioaren berri eman du koalizioak.
Kepa Acero surflari eta abenturazalea Elgoibarrera etorriko da otsailaren 18an bere film labur sorta eskaintzera
- Xehetasunak
- Nork idatzia: barren.eus
Ongarri Zine Klubak Kepa Acero surflari algortarrari buruzko emanaldia eskainiko du otsailaren 18an, Elgoibarko Herriko Antzokian. Acerok berak emanaldian parte hartuko du.
Webgunea berritu du Mendaroko Udalak
- Xehetasunak
- Nork idatzia: barren.eus
Diseinu berria estreinatu du mendaro.eus webguneak aste honetan. Mendaroko Udalak bere zerbitzuei buruzko informazioa emateko modua moldatu du eta eduki berriak sartu dituzte webgunean.
Ertzaintzak identifikatu egin ditu urrian autoan ihes egindako ustezko bi lapur
- Xehetasunak
- Nork idatzia: barren.eus
Ertzaintzako patruila bat irauli zen Lerun industriagunean, joan den urrian. Ertzaintzak prentsa ohar bidez jakinarazi duenez, ihesean zihoan lapurtutako auto batek kolpatuta irauli zen Ertzainen autoa. Auto horretan zihoazen hiru lagenetatik bi identifikatu dituzte orain. Joan den barixakuan atxilotu zuten horietako bat, 25 urteko gizonezkoa, Elgoibarren.
Mendaroko probalariak Herri People telebista saioan
- Xehetasunak
- Nork idatzia: barren.eus
Gorputzaren mugak gertutik ezagutu dituzten hainbat lagun elkarrizketatu ditu Ibon Gaztañazpi kazetariak Herri People telebista saioko azken atalean. Mendarora ere egin zuen bisita, Unai Salegi eta Mikel Hernandez probalariak elkarrizketatzeko, elkarren aurka joan den urrian jokatu zuten apustu bitxiaren harira. (bideoa dauka)
Mailari eusteko partida erabakigarria jokatuko du Laukok zapatuan, Olaizaga kiroldegian
- Xehetasunak
- Nork idatzia: barren.eus
Zilarrezko Ohorezko Mailan jarraitzeko garrantzi handiko partida jokatuko du Lauko Elgoibar eskubaloi taldeak zapatu honetan (otsailak 13), Olaizaga kiroldegian (19:30). Elgoibartarrek Kanariar Uharteetako Tenerife C.B. Salud taldearen aurka neurtuko dituzte indarrak.
Martxoaren 2an egingo dute Uparitzagako babes ofizialeko etxebizitzen zozketa
- Xehetasunak
- Nork idatzia: barren.eus
Uparitzaga kalean eraikiko diren babes ofizialeko hamasei etxebizitzen zozketa martxoaren 2an egingo da. Guztira 58 pertsonek egin zuten eskaria eta sei baztertu egin behar izan dituzte baldintzak ez betetzeagatik.
Zoru-klausulak eragindakoek bilera antolatu dute zapaturako
- Xehetasunak
- Nork idatzia: barren.eus
Hainbat finantza entitaterekin hipoteka kontratatzerakoan zoru klausula dutenek bilera antolatu dute, gaiari buruzko informazioa partekatzeko eta aurrerantzean zer egin daitekeen aztertzeko.
Otsailaren 15ean hasiko dira Lanbide Heziketa eta industriagintzaren mundua ezagutzeko jardunaldiak
- Xehetasunak
- Nork idatzia: barren.eus
Lanbide Heziketa eta industriagintzaren mundua ezagutzeko jardunaldiak antolatu ditu Elgoibarko Udalak. Jardunaldiak otsailaren 15etik 19ra eta martxoaren 1ean egingo dira. Goratu, Manahmana, IMH eta Meka Lanbide Eskolak lankidetzarekin antolatuko dute zazpigarren edizioa.
Inauterietako martitzenarekin amaitu da mozorroen festa aurtengoz
- Xehetasunak
- Nork idatzia: barren.eus
Euria eginagatik ere, jai giroa izan zen nagusi inauterietako hondar egunean. Goiz partean mimo batek alaitu zituen kaleak. Goxokiak eta puzgarriak banatzen jardun zuen umore onean. Arratsaldean, berriz, umeen txanda izan zen, Kiki, Koko eta Moko pailazoen ikuskizunaz gozatzeko aukera izan zuten-eta Maalako parkean. Zaharragoek ere gozatu zuten festaz, Jubilatuen Biltokian egin zuten dantzaldian parte hartu zuten lagunek, esaterako. (bideoak eta argazki bildumak dauzka)
- Inauteriak aurrera (2016-02-06)
-
Elgoibarren ere txakurrak hanka-hutsik… baina mozorroa jantzita(2016-02-08)
- Kolorez jantzi da Elgoibar Euskal Inauteriekin (2016-02-05)
Berriz ere mozorro festa izango da gaur kaleetan
- Xehetasunak
- Nork idatzia: barren.eus
Joan den zapatuan lez, gaur ere pertsonaia bitxiak ibiliko dira Elgoibarko eta Mendaroko kaleetan. Elgoibarren mozorroen elkartzearekin hasiko dira ospakizunak 16:45ean. Mendaron magia ikuskizuna eskainiko du Tor magoak San Agustin aretoan, 18:00etan. Hona hemen zapatuko irudiekin osatutako bideo-laburpena.
-
Inauteriak aurrera (2016-02-06)
-
Kolorez jantzi da Elgoibar Euskal Inauteriekin (2016-02-05)
Elgoibarren ere txakurrak hanka-hutsik… baina mozorroa jantzita
- Xehetasunak
- Nork idatzia: barren.eus
Animalien eta pertsonen mozorro lehiaketa egin zuen animalien babeserako Adogi elkarteak zapatuan, Maalan. (bideoa eta argazkiak dauzka)
