Gune Askean hasi dira sanbartolomeak
- Xehetasunak
- Nork idatzia: barren.eus
Ibai garbiketarekin hasi dituzte jaiak Gune Askean. Goizean goiz elkartu dira gazteak elkarrekin gosaltzeko, eta ondoren Deba ibaia garbitzeari ekin diote. Arratsaldean, jaietarako kamisetak banatuko dituzte eta ondoren, bertso poteoa egingo dute Uxue Alberdi eta Jon Martin bertsolariekin 18:30etatik aurrera. Gauerako, berriz, Elgoibarko lehenenego gaztetxea ireki zuteneko 30. urteurrena ospatzeko hainbat ekintza antolatu dituzte. Argazki albuma:
Oporrak hartu ditugu!
- Xehetasunak
- Nork idatzia: barren.eus
Beste askok bezala, BARREN aldizkariak eta barren.eus webguneak oporrak hartuko ditu gaur. BARRENen kasuan, sanbartolomeetako ale berezia abuztuaren 22a banatuko dugu. Bestalde, barren.eus atarian egunero egingo dugu jaien erretratu- eta bideo-errepasoa
Francis Diez: "Ona bada, zuzeneko emanaldi batek ezin dezake inor epel laga"
- Xehetasunak
- Nork idatzia: barren.eus
Bilboko Doctor Deseo taldeak bere ibilbideko 15. diskoa kaleratu du aurten, "Igual y diferente. Una mirada distinta" izenekoa. Joan den apirilaren 9an hasi zuten disko berria aurkezteko kontzertu-bira Durangon, eta makina bat lekutan jo ostean, San Bartolome Bezpera egunean eskainiko dute kontzertua Elgoibarren (Kalegoen Plaza, 23:00etan). Taldeko abeslari Francis Diezek azaldu dizkigu Elgoibarren eskainiko duten kontzertuaren nondik norakoak.
Elgoibarko Udalak 172.000 eurorekin osatu du 2016ko San Bartolome festetako egitaraua
- Xehetasunak
- Nork idatzia: barren.eus
San Bartolome jaietako egitaraua ezagutzera eman du Elgoibarko Udalak gaur goizean. 172.616 euroko aurrekontuarekin osatu dute egitaraua, iaz baino 14.000 euro gehiagorekin, alegia. Diru horrekin ehun ekitaldi inguru prestatu dituztela azaldu du kultura zinegotzi Andrea Arriolak, abuztuaren 22tik 28ra bitartean. Aurten sei egun edukiko dituzte festek, denak jarraian. Txupinazoa zeinek botako duen ere argitu dute.
Imanol Garaizabalek hirugarren egin du Europako Raid Txapelketan
- Xehetasunak
- Nork idatzia: barren.eus
Europako Raid Txapelketa jokatu dute uztailaren 20tik 24ra bitartean Kataluniako Aran Bailaran, eta euskal talde bat (EuskalRaid-Aralar kirolak) sailkatu da hirugarren postuan, Suediako eta Txekiako taldeen atzetik. Lau kidek osatu dute taldea eta horietako bat izan da Imanol Garaizabal elgoibartarra.
Pedro Luis Ajuriagerrak irabazi du kirol argazki lehiaketako sari nagusia, bigarren urtez jarraian
- Xehetasunak
- Nork idatzia: barren.eus
Elgoibarko XI. Kirol Argazkien Lehiaketako irabazleak jakitera eman ditu Elgoibarko Udalak. Pedro Luis Ajuriagerra argazkilari bilbotarraren La Iglesia Skate argazkiak eskuratu du sari nagusia. Iaz ere lehen saria lortu zuen Ajuriagerrak Elgoibarren.
Elgoibartarren eta altzolarren arteko tirabirak
- Xehetasunak
- Nork idatzia: barren.eus
Altzolak Elgoibarrekin borroka asko izan eta gero, azkenean lortu zuen auzoan euren parrokia izatea. Mendekuz, elgoibartarrak parrokia berriko Santo Kristoa lapurtzera joan omen ziren; baina auzotarrak, jakinaren gainean, zain zeuden, eta...
Lanak amaituta joan dira Uztaileko auzolandegian parte hartu duten gazteak
- Xehetasunak
- Nork idatzia: barren.eus
Uztailaren 4tik 18ra bitartean egon dira Elgoibarren udako auzolandegian parte hartuko duten hamasei gazte. Bi zeregin izan dituzte eta biak amaitu dituzte.
Leire Rodriguez De Gabriel elgoibartarrak irabazi du San Bartolome festetako kartel lehiaketa
- Xehetasunak
- Nork idatzia: barren.eus
Elgoibarko Udalak jakinarazi duenez, Leire Rodriguez De Gabriel elgoibartar gazteak irabazi du 2016ko San Bartolome Jaietan Programaren Azala Aukeratzeko Lehiaketa. Haurren Kartel Lehiaketan sarituen berri ere eman dute.
Kuadrillen Eguna behetik gora Mendaroko Santa Ana jaietan
- Xehetasunak
- Nork idatzia: barren.eus
Goitibeheren txapelketa izan da gaur Mendaroko jaietako egitarauan lehen hitzordua eta goitik behera ez ezik behetik gora ikusteko aukera ere egon da Azpilgoetan, izan ere, bi buelta egin dituzte. Arrantzale, garbitzaile, Sevillana… denetariko mozorroak soinean ausart ibili dira euriari aurre eginez. Eta giroa goitik behera beharrean behetik gora joan da Mendaron.
- Bizi pozarekin hasi dira festak Mendaron (2016-07-22)
Elgoibar, Hego Afrika eta Txileko dantzarien jaialdi koloretsua
- Xehetasunak
- Nork idatzia: barren.eus
Nazioarteko Folklore Jaialdiak 30 urte bete ditu aurten eta Olaizaga kiroldegia ez ezik kaleak ere dantzari eta musikariz bete zituzten barixakuan. Udaletxean egin zieten harrera eta kiroldegira arte kalejiran joan ziren Haritz Dantza Taldekoekin batera mundu osoko dantzen ordezkari Txile eta Hego Afrikako taldeak. Ondoren, ikuskizun berezia eskaini zuten bertaratu zirenentzat.
Maite Maiora mendi maratoiko Munduko txapeldun
- Xehetasunak
- Nork idatzia: barren.eus
Nazioarteko Mendi Lasterketen Federazioak (ISF) antolatuta, hiru modalitatetako (igoera bertikala, maratoia eta ultra) Munduko Txapelketak jokatzen ari dira asteburu honetan Lleidako Pirinioetan. Skymarathon modalitateko proba jokatu dute gaur eta Maite Maiora Elizondo mendaroarrak irabazi du, 4:42:21eko denborarekin. Atzo gainera, hirugarren postua lortu zuen igoera bertikalen Munduko Txapelketan. Gizonezkoetan, zazpigarren egin zuen Iñigo Larizek.
Ramon Garcia eta Igon Manzisidor azkarrenak euripean jokatu den Azkarateko Igoeran
- Xehetasunak
- Nork idatzia: barren.eus
Elgoibarko VI. Maala Azkarate Igoera jokatuko dute goizean, Maalako jaien barruan. Eguraldi makurra egin du eta txirrindulari gutxi batu dira irteeran. Ramon Garcia elgoibartarra izan da irabazlea, azken bi edizioetan bigarren egin eta gero. Txirrindularien ostean, 23 lagunek parte hartu dute atletismo proban, eta Igon Manzisidor debarra izan da azkarrena.
Bizi pozarekin hasi dira festak Mendaron
- Xehetasunak
- Nork idatzia: barren.eus
Aurten 25 urte bete dituen Bizi Poza txarangako kideek jaurti zuten atzo santana festei hasiera eman zien txupinazoa. Txarangak Mendaroko Martxaren doinuak jotzen zituen bitartean jaitsi zen gero Katasorgina jendartera.
Jende asko batu zen 'El Ingles' dokumentalaren emanaldira
- Xehetasunak
- Nork idatzia: barren.eus
James Slaterrek eginiko El Ingles dokumentala eskaini zuten atzo Elgoibarko Kultur Etxean eta jendez bete zen hitzaldi gela. David Slater atleta ingelesa da dokumentaleko protagonista eta Azkarateko igoeran 1981ean ezarri zuen errekorra jasotzen du, besteak beste.
Blues Gaua eta Azkarateko Igoera izango dira Maalako jaietako ekitaldi nagusiak
- Xehetasunak
- Nork idatzia: barren.eus
Maalako jaiak aurten egun bakarreko egitaraua izango dute, uztailaren 23an. Goizean Azkarateko Igoeraren seigarren edizioa jokatuko dute saltakari eta txirrindulariek. Gauean, berriz, estreinakoz antolatu duten Elgoibar Blues Gauak kutsu berezia emango dio Maalako parkeari.
Santana festak ospatuko dituzte Mendaron barixakutik martitzenera bitartean
- Xehetasunak
- Nork idatzia: barren.eus
Aurten 25 urte bete dituen Bizi-Poza txarangak botako duen txupinazoarekin hasiko dira ofizialki santanak Mendaron, barixakuan, uztailaren 22an. Gero, sei egunez festan murgilduko dira mendaroarrak. (egitaraua dauka)
Bertan behera gelditu da J.J. Vaquero umoregileak Elgoibarren eskaini behar zuen bakarrizketa
- Xehetasunak
- Nork idatzia: barren.eus
J.J. Vaquero umoregileak barixakuan Elgoibarko Herriko Antzokian eskaini behar zuen bakarrizketa bertan behera gelditu dela jakinarazi dute antolatzaileek.
Debabarreneko eta Oarsoaldeako Enplegu Anezken arteko topaketa egin dute Eibarren
- Xehetasunak
- Nork idatzia: barren.eus
Debabarreneko eta Oarsoaldeako Anezkak apirilaren 18an hasi ziren martxan, eta taldean lan eginez lantzen ari diren enplegu bilaketa berrien inguruan esperientziak partekatzeko topaketa egin dute orain, Eibarren, Debegesaren egoitzan. Arduradunek jakinarazi dutenez, 18 parte-hartzailek lana aurkitu dute.
Mas Que Olaso taldeak irabazi du Bailarako Futbol 7 Txapelketa
- Xehetasunak
- Nork idatzia: barren.eus
Bailarako 19. Futbol 7 Txapelketako finala jokatu zuten atzo Mas Que Olaso eta E.G.S. taldeek Mintxetan, eta Mas Que Olasok eskuratu zuen titulua. Emozioz beteriko partida izan zen.
Ricardo Garate hil da, Elgoibarko Udaleko Hirigintza zinegotzi ohia
- Xehetasunak
- Nork idatzia: barren.eus
Ricardo Garate Zubiaurre hil zen atzo, 57 urte zituela, bihotzekoak jota. Zazpi urtean Hirigintza zinegotzia izan zen Elgoibarko Udalean.
Argentinako Zingaros taldeak Elgoibarren amaituko du martitzenean Europan barrena egin duen kontzertu bira
- Xehetasunak
- Nork idatzia: barren.eus
Zingaros-New Gypsy Tango taldeak kontzertua eskainiko du martitzenen honetan, uztailaren 19an, Kultur Etxeko Sotoan. Talde argentinarra Alejandro Montero, David Macchione eta Alex Garatek osatutakoa da, azken hau elgoibartarra, hainbat urtez Argentinan bizi dena.
Helduentzako ballet eta dantza ikastaroa antolatu du Birakak
- Xehetasunak
- Nork idatzia: barren.eus
Biraka dantza taldeak ballet eta dantza ikastaroa emango du urritik maiatzera bitartean, nagusientzat. Dagoeneko izena eman daitekeela jakinarazi dute.
“Elgoibartarrok, nazkatu gara zuen inbasiuaz, Karakate Soraluze da”
- Xehetasunak
- Nork idatzia: barren.eus
Soraluzeko Galtxagorrixak taldeko kideek Eta Soraluzeko Gaztetxeak desafioa bota diete elgoibartarrei. “Karakate beti izan da Soraluze eta hola aldarrikatzen dugu oraindik ere”, adierazi dute Karakate gainean grabatu duten bideoan. “Gai hau behingoz argitzeko uztailaren 25ean Soraluzeko Gila zubira etortzera desafiatzen zaituztegu!”.
David Slater saltakariari buruzko ‘El Ingles’ dokumentala uztailaren 21ean eskainiko dute Elgoibarren
- Xehetasunak
- Nork idatzia: barren.eus
David Slater antxitxikari britainiarrak Azkarateko igoerako errekorra (20:40) ezarri zuen 1981ean, eta horixe da El Ingles izeneko dokumentalaren abiapuntua. David Slaterren semeak, Jamesek, zuzendu duen dokumentala Ilkley-ko zinemaldian estreinatu zuten otsailean, eta orain, Elgoibarren aurkeztuko dute. Elgoibarko Kultur Etxean eskainiko dute uztailaren 21ean.
Nazioarteko Folklore Jaialdia hasteko ordua aurreratu dute
- Xehetasunak
- Nork idatzia: barren.eus
Haritz Euskal Dantzari Taldeak antolatzen duen Elgoibarko Nazioarteko Folklore Jaialdia berrikuntzekin dator. Batetik, jaialdiaren hasiera ordua aurreratu dute. Orain arte 22:30ean izaten zen eta 20:30ean hasiko da aurten. Bestetik, jaialdiko partaideek kalejira egingo dute Kalegoen plazatik Olaizaga kiroldegiraino, jaialdia hasi baino lehenago.
San Bartolome eliza ezagutzeko bisita gidatuak antolatu dituzte
- Xehetasunak
- Nork idatzia: barren.eus
Kalegoengo San Bartolome elizaren 300. urteurrena ospatzeko urte guztirako antolatu dituzten ekitaldien barruan, eliza ezagutzeko bisita gidatuak egingo dituzte zapatu honetan (uztailak 16) eta hurrengoan (uztailak 23).
Kirol argazkien lehiaketan parte hartzeko epea barixakuan amaituko da
- Xehetasunak
- Nork idatzia: barren.eus
Elgoibarko XI. Kirol Argazkien Lehiaketa antolatu dute Elgoibarko Udaleko Haur eta Gazteen Sustapeneko Sailak eta Kirol Patronatuak, Ongarri argazkilari elkartearekin lankidetzan, profesional zein zaleentzat. Barixaku honetan (uztailak 15) amaituko da lanak entregatzeko epea.
