Mugertza krosaren 74. edizioko kartela aurkeztu dute
- Xehetasunak
- Nork idatzia: barren.eus
Juan Mugertza Nazioarteko krosa iragartzeko kartela aurkeztu du Mintxeta Atletismo Taldeak. Krosari buruzko argazki lehiaketa irabazi zuen Miguel Angel Ceberioren argazkia erabili dute kartela egiteko. Argazki lehiaketaren hirugarren edizioa abian dela ere jakinarazi du Mintxetak.
Ordenagailua, loteriarik onena
- Xehetasunak
- Nork idatzia: barren.eus
Urtero legez, Gabonetako Loteria izan da gaurko egunez elkarrizketarako gai nagusia ia bazter guztietan. Dirua edukitzeak, baina, diru asko izan arren ere, ez du zoriontasuna ziurtatzen. Bada zorioenez, dirua ez den beste gauza batzuetan bizipoza bilatzen duenik, eta horixe da "loteriarik" onena. Luis Mari Iriondo Garate (Elgoibar, 1931) elgoibartarraren kasuan, ordenagailua izan da loteriarik handiena.
Ehun saltokitik gora jarriko dituzte Gabon Zahar Ferian, abenduaren 31n
- Xehetasunak
- Nork idatzia: barren.eus
Elgoibarko Gabon Zahar Feriarako prestatu duten egitaraua aurkeztu du Elgoibarko Udalak, eta baita feria egunean egingo duten 2016. Urteko Gazta Txapelduna lehiaketa ere. Bederatzi gaztagilek hartuko dute parte aurtengoan, tartean Elgoibarko Mausitxa gaztandegiak, iazko irabazleak.
Eskubaloi Eskolaren neguko kanpainan parte hartzeko izen ematea zabalik dago
- Xehetasunak
- Nork idatzia: barren.eus
Elgoibarko Sanlo Eskubaloi Eskolak hainbat ekintza antolatu ditu neguko oporraldirako, abenduaren 26tik urtarrilaren 5era bitartean. “Murgildu zaitez eskubaloian” kanpainaren helburua kirola aisialdirako tresna gisa proposatzea eta ongi pasatzea direla azaldu dute. Abenduaren 26a izango da izena emateko azken eguna.
Errekonozimendua eta emozioa uztartu ditu Kirol Federatuaren Urteko Sarien banaketa ekitaldiak
- Xehetasunak
- Nork idatzia: barren.eus
Udal Kirol Patronatuak 18 sari banatu ditu gaur Kirol Federatuaren Urteko Sarietan. Errekonozimendua eta emozioa eskutik joan dira ekitaldian, uztailean zendu zen Ricardo Garate izan baitute gogoan sari banaketaren ostean. Hurrengo urtetik aurrera, Patronatuak kirol sarien barruan ematen duen sari berezia Ricardo Garate Saria izango da.
95 umek hartu zuten parte Mendaroko Haur krosean
- Xehetasunak
- Nork idatzia: barren.eus
Haur Hezkuntzako eta Lehen Hezkuntzako 95 umek hartu zuten parte zapatuan Mendaroko Txirrindulari Elkarteak antolatutako haur krosean. (Argazki-bilduma eta bideoa dauzka)
San Bartolome parrokiaren erreplika da jaiotza mekanikoko berrikuntza nagusia
- Xehetasunak
- Nork idatzia: barren.eus
Atzo, abenduak 20, jarri zuten martxan Elgojaiotza taldeko kideek jaiotza mekanikoa, eta gaur jarriko dute ikusgai gainerako publikoarentzat, 17:30etik aurrera. San Bartolome parrokiaren 300. urteurrena ez zaie oharkabean pasa arduradunei, eta parrokiari berari lekua egin diote jaiotzan.
Elgoibarko Udalak astelehenean jaso zuen Urrezko Bikain ziurtagiria
- Xehetasunak
- Nork idatzia: barren.eus
Elgoibarko alkate Ane Beitiak jaso zuen Euskararen Kalitatearen Urrezko Bikain ziurtagiria Donostiako Kursaal jauregian egin zuten ekitaldian, joan den astelehenean. Elgoibarko IK4 Ideko kooperatiba elkarteak ere jaso zuen ekitaldi horretan Zilarrezko Bikain ziurtagiria.
Nora Kortaberriak eta Nerea Arregik Nazioen Kopa jokatuko dute emakumezkoen euskal selekzioarekin
- Xehetasunak
- Nork idatzia: barren.eus
Eskubaloiko emakumezkoen euskal selekzioak Nazioen Kopa jokatuko du gaur eta bihar, Granollersen. Martin Larrañaga hautatzaileak Nora Kortaberria elgoibartarra eta Elgoibarren bizi den Nerea Arregi zarauztarra sartu ditu deialdian. ETB1ek zuzenean eskainiko du gaur arratsaldean Katalunia eta Euskadiren arteko lehia.
Michael Oratovsky errusiarrak irabazi du Elgoibarko 26. Maisuen Nazioarteko Xake Txapelketa
- Xehetasunak
- Nork idatzia: barren.eus
Eguerdian amaitu da Elgoibarko 26. Maisuen Nazioarteko Xake Txapelketa, sei eguneko lehiaren ostean. Michael Oratovsky xakelari errusiarrak lortu du garaipena bere estreinako parte hartzean.
Elgoibarko arte erlijiosoari buruzko erakusketa ikusgai dago parrokian
- Xehetasunak
- Nork idatzia: barren.eus
Kalegoengo San Bartolome parrokian lehen meza ospatu zenetik 300 urte beteko dira abenduaren 30ean. Urteurrena ospatzeko urte guztian antolatu dituzten ekintzak azken txanpan sartu dira. Pello Arrietak eta Javier Elorzak idatzi duten liburua aurkeztu zuten joan den astean, Udal Musika Bandak Gabonetako kontzertua eskaini zuen domekan parrokian, eta Elgoibarko Arte Erlijiosoa erakusketa inauguratu dute parrokian.
Galdeketarako galderak adostuta, sinadurak biltzeari ekin dio Elgoibarko Gure Esku Dagok
- Xehetasunak
- Nork idatzia: barren.eus
Elgoibarko Gure Esku Dago batzordeak larunbatean egin zuen jendeaurreko ekitaldian aurkeztu zituen 2017ko udaberrian egin nahi duten herri galdeketarako galderak.
Bi orduz azpitik igo zuten Renault 4L autoa Lizarperaino
- Xehetasunak
- Nork idatzia: barren.eus
Gidaria barruan zela, baina motorrik piztu gabe igo zuten Renault 4L autoa Lizarpe gaineraino, hamar lagunek, tiraka. Mendaroko Tope Natxiok Giza Proba Taldeak uste zutena baino azkarrago gainditu zuen bere buruari jarritako erronka. Ordubete, 51 minutu eta segundo bateko denbora behar izan zuten bost kilometroko ibilbidea osatzeko. Jendetza batu zen Lizarpen.
Kirol Federatuaren Urteko Sarietan Ricardo Garate izango dute gogoan
- Xehetasunak
- Nork idatzia: barren.eus
Kirol Federatuaren Urteko Sariak banatuko ditu Udal Kirol Patronatuak abenduaren 21ean. Patronatuak jakinarazi duenez, ekitaldi berezia izango da aurtengoa, eta lagun asko joatea espero dutenez, sari banaketa ekitaldia IMHko areto nagusian egingo dute estreinakoz.
Angel Bazterretxeak hunkituta jaso du mendaroarren oparia
- Xehetasunak
- Nork idatzia: barren.eus
Jendetza handia batu zen abenduaren 4an Mendaron Angel Bazterretxea abadeari egindako esker on ekitaldian. 54 urtean Mendaroren alde egindako lana eskertzeko, familia argazki handi bat atera zuten Herriko Enparantzan, Bazterretxeari oparitzeko. Barixaku honetan jaso du oparia, eta omenduak berak, hunkituta, omenaldian parte hartu zuten lagun guztiak eskertu nahi izan ditu.
'Jalgi hadi plazara!' jaialdiko bideoa
- Xehetasunak
- Nork idatzia: barren.eus
Elgoibarko Euskarak 365 Egun taldeak Jalgi hadi plazara! bideoa jarri du ikusgai sarean. Bideoak zortzi minutuko iraupena dauka, eta bertan, besteak beste, abenduaren 2an izan ziren giza kateko eta Plazera plazara! jaialdiko irudiak jasotzen dira.
Ramon Mugica: “Kirolzaletasunerako hazia erein genuen duela 25 urte"
- Xehetasunak
- Nork idatzia: barren.eus
Ramon Mugicak 25 urte daramatza lanean Udalean, Kirol Zerbitzua martxan jarri zenetik, kirol teknikari bezala. Udal Kirol Patronatua 1996. urtean eratu zenetik bertako zuzendaria da. Nor aproposagorik, hortaz, kirolak urte guzti hauetan Elgoibarren izan duen bilakaeraren errepasoa egiteko.
Alex Martinen 3D argazkien erakusketa ikusgai Kultur Etxean
- Xehetasunak
- Nork idatzia: barren.eus
Lerro hauen gainean dagoen argazkia ez dago desfokuratuta, ez. Hiru dimentsiotan ikusi daitekeen argazkia da, horretarako beharrezkoak diren betaurrekoak jantzita, jakina. Bilbon jaio baina Mendaron bizi den Alex Martin argazkilarik eskarmentu handia du era honetako argazkiak ateratzen, orain dela hogei urte hasi baitzen hiru dimentsiotako argazkiak ateratzen.
Udalak 4,6 milioi euro bideratuko ditu Legealdi Planean zehaztutako 66 ekintza burutzeko
- Xehetasunak
- Nork idatzia: barren.eus
Elgoibarko Udalak 2015-2019 Legealdi plana aurkeztu du. Herriaren etorkizuneko erronka nagusiak biltzen dituen dokumentua da eta bertan jasota dauden "lehentasunezko" 66 ekintza burutzeko konpromisoa hartu dutela adierazi du Ane Beitia alkateak. Ekintza eta proiektu guztiak errealitate bihurtzeko, 4.635.500 euro bideratuko dituzte.
Mari Domingiri eskainitako kantua sortu dute
- Xehetasunak
- Nork idatzia: barren.eus
Zorionekoa da Mari Domingi. Inazio Bereziartua Musika Eskolako ikasleek eta Elgoibarko Izarrako aisialdi taldekoek kantu bat sortu dute bere omenez, eta bideoklipa ere egin dute, Zulueta baserrian Mari Domingirekin berarekin grabatutako irudiekin.
“Horacios y Curiacios” antzezlana eskainiko dute barixakuan Herriko Antzokian
- Xehetasunak
- Nork idatzia: barren.eus
Bilboko Alopargo Teatroak "Horacios y Curiacios" antzezlana eskainiko du barixakuan (abenduak 16) Elgoibarko Herriko Antzokian. Aitor Gisasola elgoibartarra da obrako antzezleetako bat.
Aurkeztu dute Elgoibarko Udalaren 2017rako egutegia
- Xehetasunak
- Nork idatzia: barren.eus
2017ko Elgoibarko Udalaren egutegia osatzeko lehiaketan 50 herritarrek parte hartu dute, eta guztira, 270 argazki aurkeztu dituzte. Atzo egin zuten sari banaketa ekitaldia eta hurrengo lehiaketarako gaia zein izango den ere jakinarazi zuten.
Uxue Alberdik idatzi du 20. Korrikaren abestia
- Xehetasunak
- Nork idatzia: barren.eus
2017ko Korrikaren abestia eta bideoklipa aurkeztu ditu AEK-k. Uxue Alberdi elgoibartarrak idatzi ditu Zirkorrika abestiko hitzak.
Nazioarteko Xake Txapelketa abian da
- Xehetasunak
- Nork idatzia: barren.eus
Elgoibarko 26. Maisuen Nazioarteko Xake Txapelketa aurkeztu berri dute eta arratsaldean jokatuko da lehen jardunaldia udaletxeko pleno aretoan. Abenduaren 20ra bitartean jokatuko dituzte partidak hamar xakelarik, tartean Gustavo Barrenetxea elgoibartarrak.
Elgoibarko ikastetxeetako ikasleek emaitza bikainak lortu dituzte EuskoSkills olinpiadetan
- Xehetasunak
- Nork idatzia: barren.eus
Emaitza ezin hobeak lortu dituzte Elgoibarko ikastetxeetako ikasleek EuskoSkills olinpiadetan. Elgoibarko Meka eta IMH ikastetxeetan jokatu ziren probetan bertako ikasleak izan ziren jaun eta jabe.
Elena eta Maria Amarok aurkeztutako lanak irabazi zuen jaiotza lehiaketa
- Xehetasunak
- Nork idatzia: barren.eus
Jaiotzen 30. Lehiaketa egin zuten domekan eta Elena eta Maria Amarok aurkeztutako jaiotzak jaso zuen lehen saria.
Herri galdeketako galdera aurkeztuko du Gure Esku Dagok zapatuan
- Xehetasunak
- Nork idatzia: barren.eus
Elgoibarko Gure Esku Dago taldeak jakinarazi duenez, Euskal Herriko etorkizun politikoari buruzko herri galdeketa egin nahi dute 2017an, eta zapatu honetan aurkeztuko dute galdeketarako adostu duten galdera zehatza. Galdeketa egin ahal izateko, baina, 1.500 sinadura lortu behar dituzte Elgoibarren.
Mendaroko Haur krosa egingo dute zapatuan
- Xehetasunak
- Nork idatzia: barren.eus
Eguberrietako Haur Krosa antolatu du Mendaroko Txirrindulari Elkateak (MTE) zapaturako, hilaren 17rako.
