Abenduaren 28rako antolatu du Elgoibarko Izarrak Gabonetako bertso saioa Udalarekin elkarlanean, eta hilaren 12an hasiko dira sarrerak saltzen.
Euskaraldia ariketaren hasiera ekitaldia dantzan egin zuten Elgoibarren, eta kantuan eman zioten amaiera atzo, Jon Maiaren 'Kantu Bat Gara' ekimenarekin. Herriko Antzokian izan zen eta 350 lagun inguru bildu ziren.
Euskararentzat egun historikoa izan zen azaroaren 14a, Nafarroako Gobernuak eta Aranzadi Zientzia Elkarteak hizkuntza baskonikozko idazkunik zaharrena aurkitu zutela jakinarazi baitzuten: "Sorioneku”. Irulegiko Eskua deitu duten piezan aurkitu duten idazkuna ikertzen ibili da Joakin Gorrotxategi hizkuntzalari eibartarra.
Gabonetako kanpaina aurkeztu du Txankakua merkatari elkarteak, eta aurten ere hainbat sari zozketatuko dituzte, abenduan zehar herriko dendetan erosten dutenen artean. Produktu ekologikoz osatutako zazpi saski eta erosketa txeketan 1.800 euro banatuko dituzte.
Abenduaren 21etik urtarrilaren 8ra egiteko hainbat ekimen antolatu ditu Elgoibarko Udal Gaztelekuak, eta zabalik dago izena emateko epea.
Emakumeen Saskibaloi Taldea sortu nahi duten emakume talde batek laguntza eskatu dio BARRENi, emakumez osatutako herriko lehen saskibaloi taldea sortu ahal izateko prest dauden lagunak behar baitituzte.
Munduko Kulturismo Natural Txapelketa jokatu zuten, joan den azaroaren 19an, Txekiako hiriburu Pragan, eta kulturista profesionalen artean lehiatu zen estreinakoz Iosu Rodriguez Arroyo elgoibartarra.
Lau garbigune daude Debabarrena eskualdean: Elgoibarren, Eibarren, Ermuan eta Mutrikun, normalean kopuru txikiagoan sortzen ditugun hondakinak biltzeko. Aurrerantzean ordutegi berria izango dute.
Elgoibarko Udaleko osoko bilkurak, eguaztenean eginiko udalbatzarrean, 19.269.123,90 euroko aurrekontua onartu du 2023rako EAJ eta PSE-EEren aldeko botoekin.
Gizarte eta Euskal Enpresa fundazioak antolatuta, Euskal Enpresaren Gaua gala egin zuten astelehenean Bilbon, Guggenheim museoan. Hainbat enpresari eta enpresa saritu zituzten, tartean Elgoibarko Alcorta Forging Group.
Abenduaren 2tik 18ra arte izango da aurtengo Eguberrietako Erakusleihoen lehiaketa. Guztira 21 saltokik hartuko dute parte, eta ageri-agerikoa izango da zein diren parte hartzen ari direnak, argazkian ikus daitekeenaren antzerakoak izango baitituzte atarietan.
Gipuzkoako Foru Aldundiko Gobernu Kontseiluak Errezabal zaharren egoitza, eguneko zentroa eta 140 plaza inguruko aparkalekua eraikitzeko lizitazioa onartu du.
Nuala Elkarteak, aniztasun funtzionala duten Debabarreneko pertsonen inklusiorako elkarteak, lokala estreinatu du Santa Klara komentua egon zen eraikinean.
Herriko 29 ostalarik hartu dute parte estreinako aste gastronomiko mikologikoan, eta antolatzaileak pozik agertu dira ekimenak izan duen harrerarekin.
Urak handi datozenean Kilimon errekak gainezka egiteko arriskua txikitzeko, erreka ondoko petrila altxatuko du Uraren Euskal Agentziak, uraren politika kudeatzeko Eusko Jaurlaritzaren menpeko entitateak.
Gipuzkoako Elikagaien Bankuak elikagai bilketa solidarioa antolatu zuen joan zen astebururako, eta Elgoibarren ere lau saltokitan egin zuten bilketa: Santa Ana kaleko eta Maalako Eroskin, BM supermerkatuan eta Mercadonan. Halaber, bonu bidez laguntzeko aukera ere izan dute herritarrek.
Kontzertu berezia eman zuen Udal Musika Bandak domekan, Santa Zezilia Egunaren harira. Zirkoa gaitzat hartuta prestatu zuten emanaldia, eta musika pieza bakoitzarekin batera uztartu zuten zirko ikuskizuna. Musikariez gain, magoak, zirko aurkezlea, fakirra eta pailazoa izan ziren oholtzan.
Mari Ecenarro Gorostidi hil zen atzo 83 urte zituela. Elgoibarko kulturgintza eta euskalgintzan lan handia egindakoa zen, eta bera izan zen Elgoibarko EAJ-ko lehen zinegotzi emakumezkoa.
Elgoibarko Udalak aurkeztu du 2023ko egutegia, eta Aita Agirre kulturgunean edota herritarren arretarako bulegoan eskuratu daiteke. Gaur arratsaldean egin dute sari banaketa ekitaldia.
Elgoibarko musikari gazteak entzuteko aukera izan zuten, zapatuan, Aldenik Alden egitasmoan parte hartzen ari diren umeek, eta horrez gainera instrumentuak probatu eta musikariei nahi adina galdera egiteko aukera izan zuten Musika Gauan.
Santa Ana kalearen amaieran dagoen etxe batetako horma biluzian, putzu batean salto egiten duen haurraren irudia margotzeko lanak hasi zituen, atzo, Pablo Astrainek.
Azaroaren 19an dantzan hasi zen Euskaraldiari kantuan emango diote amaiera Elgoibarren, Jon Maiaren “Kantu bat gara” ikuskizunarekin. Eguen honetan Herriko Antzokira joango direnek ikusi, entzun eta sentituko dutenaren berri eman du artista zumaiarrak.
Ezker Hormako Kluben Arteko Gipuzkoako Txapelketako finalak jokatu zituzten Astigarragan, domekan. Gomazko paletako hiru mailetako finalak, hain justu ere.
Raka Maratonek antolatutako XVII. Herri Lasterketa jokatu zuten Azkoitian, joan den zapatuan, eta Maite Maiora, emakumezkoetan; eta, Aitor Mimenza gizonezkoetan, izan ziren azkarrenak.
Aitziber Aranberriren aldeko apustua egin du EH Bilduren mahai politikoak 2023ko udaberrian egingo diren udal hauteskundeetara begira.
Euskaratik, elkarbizitzarako zubi bat eraikitzeko jarri zuten abian Auzoko Familiak egitasmoa. Oraingoan, Elgoibarko Tawasol komunitate musulmaneko kideekin harremanak izateko balio izan zien zubiak, eta Elgoibarko meskita erakusteaz gain, Pakistango zein Marokoko jakiak prestatu zituzten haiek guztientzako.
Tratamendu medikoetarako eta produktu farmakologikoetarako dirulaguntzei buruzko informazio-kanpaina egin du herriko lau farmaziatan eta Jubilatuen Biltokian Elgoibar Lagunkoiako talde eragileak.
Astean zehar Zumaia eta Eibar arteko tren zerbitzuaren maiztasuna handitzeko eskatzeko hasi du sinadura bilketa egunero trena hartzen duen herritar talde batek.