Gaur eta bihar erosi ahal izango dira Pirritx, Porrotx eta Marimototsen ikuskizunerako sarrerak
- Xehetasunak
- Nork idatzia: barren.eus
Pirritx, Porrotx eta Marimotots pailazoek urtarrilaren 2an Elgoibarko Herriko Antzokian eskainiko duten Amalur ikuskizunerako sarrerak gaur eta bihar (abenduak 15 eta 16) jarriko dituzte salgai Elgoibarko Udalaren arreta bulegoan.
Herriko merkataritza suspertzeko kanpainak Elgoibarren eta Mendaron
- Xehetasunak
- Nork idatzia: barren.eus
Elgoibarko merkatari elkarte Txankakuak eta Mendaroko Udalak herriko merkataritza suspertzeko kanpainak jarri dituzte abian Elgoibarren zein Mendaron. Txankakuak ikus-entzunezko ekoizpen bat egin du Elgoibarren Bizi – Erosi – Herriak irabazi lelopean. (bideoa dauka)
Abian da Elgoibarko 25. Nazioarteko Xake Txapelketa
- Xehetasunak
- Nork idatzia: barren.eus
Gaur eguerdian aurkeztu dute Elgoibarko 25. Maisuen Nazioarteko Xake Txapelketa, eta arratsaldean jokatu dute lehen jardunaldia; 17:30etik aurrera udaletxeko pleno aretoan.
Leire Egurenek eta June Arregik irabazi dute jaiotza lehiaketa
- Xehetasunak
- Nork idatzia: barren.eus
Parrokiako Katekesiak antolatuta, Jaiotzen 29. Lehiaketa egin zuten domekan. Guztira 22 jaiotza aurkeztu ziren eta Leire Egurenek eta June Arregik aurkeztutako lanak lortu zuen lehen saria.
Aske geratu da Juan Mari Mendizabal preso elgoibartarra
- Xehetasunak
- Nork idatzia: barren.eus
Domeka goizean irten zen Burgosko kartzelatik Juan Mari Mendizabal preso elgoibartarra. 18/98 sumarioan zigortu ostean, espetxe zigorra osorik beteta irten da kartzelatik. Eguerdian harrera egin zioten Kalegoen plazan.
Arkaitz Egañak irabazi du bigarrengoz Espainiako Ehiza Xehe Txapelketa
- Xehetasunak
- Nork idatzia: barren.eus
Espainiako 47. Ehiza Xehe Txapelketa irabazi du Arkaitz Egaña ehiztari elgoibartarrak, bigarrengoz, 2012an ere eskuratu baitzuen titulu bera.
Talo ikastaroa antolatu dute elkarlanean Elgoibarko Izarrak eta Gure Esku Dagok
- Xehetasunak
- Nork idatzia: barren.eus
Haur, gazte eta helduentzako doako talo ikastaroa antolatu dute elkarlanean Elgoibarko Izarrak eta Gure Esku Dago herri-ekimenak abenduaren 19rako. Era berean, talo postua jarriko du estreinakoz Gure Esku Dagok Gabon Zahar Feria egunean.
Bikustik bikote akustikoak emanaldia eskainiko du sotoan
- Xehetasunak
- Nork idatzia: barren.eus
Sinuose kolektiboak antolatuta, emanaldia eskainiko du Bikustik taldeak gaur gauean Elgoibarko Kultur Etxeko sotoan. (bideoa dauka)
‘Metalaren arrastoak’ argazki liburua aurkeztuko dute gaur Edu Arrillagak eta Esmeralda Zapparolik
- Xehetasunak
- Nork idatzia: barren.eus
Elgoibarko industriaren alderdi humanoa iruditan jaso nahi izan dute Edu Arrillaga eta Esmeralda Zapparoli argazkilari elgoibartarrek Metalaren arrastoak liburuan. Gaur, hilak 11, aurkeztuko dute liburua Elgoibarko Kultur Etxean eta ondoren, argazki erakusketa zabalduko dute.
Kilimoneko misterioak ezagutarazteko irteera antolatu du Haizeak
- Xehetasunak
- Nork idatzia: barren.eus
Kilimon izenarekin ere ezagutzen den Mendaroko Aranerrekako bailara hobeto ezagutzeko irteera antolatu du Elgoibarko Haizea emakume taldeak. Inma Mugerza geologoak gidatuko du irteera eta, besteak beste, Kilimon errekako uraren misterioak argitzen saiatuko da.
Maite Maiorak hirugarren egin du Malagako maratoian
- Xehetasunak
- Nork idatzia: barren.eus
Asfaltoan mendi lasterketen bezain ondo moldatzen dela erakutsi du Maite Maiora antxitxikari mendaroarrak. Malagako maratoian hartu zuen parte joan den domekan, eta hirugarren egin zuen.
Elgoibarko ikasleak haurren eskubideen alde
- Xehetasunak
- Nork idatzia: barren.eus
Elgoibarko 11 eta 13 urte birtarteko hainbat ikaslek Kongoko Errepublika Demokratikoko presidenteari zuzendutako gutunak prestatu dituzte haurren eskubideak errespeta ditzan eskatuz. Gaur, abenduak 10, Giza Eskubideen Nazioarteko Eguna dela-eta, alkateari eta EHBilduko zein PSE-EEko ordezkariei eman dizkiete gutunak udaletxean egin duten ekitaldian.
IMHko lau ikaslek irabazi dute ‘ETE erronkak ikasgeletan’ saria
- Xehetasunak
- Nork idatzia: barren.eus
IMHko ikasle Abraham Bilbatua, David Liebana, Gorka Eizagirre eta Oihane Baskaranek aurkeztutako lan batek irabazi du lehen saria ETE erronkak ikasgeletan sarietan. (bideoa dauka)
Salgai daude Eguberrietako bertso jaialdiko sarrerak
- Xehetasunak
- Nork idatzia: barren.eus
Elgoibarko Izarra Euskaltzaleon Topaguneak antolatutako bertso saioa abenduaren 28an izango da aurten, eta dagoeneko salgai daude sarrerak. Gaur hasi eta abenduaren 23an amaituko da aurre-salmenta.
Gurutze Gorriak jostailu berriak jasoko ditu
- Xehetasunak
- Nork idatzia: barren.eus
Barixakuan eta zapatuan (hilak 11 eta 12) jostailuak jasotzeari ekingo dio Elgoibarko Gurutze Gorriak, premia duten umeen artean banatzeko. Aurten, baina nobedade bat izango da: jostailuek berriak izan beharko dute.
Kontzezio Azoka giro onean Mendaron
- Xehetasunak
- Nork idatzia: barren.eus
Kontzezio azoka baserritarrez, eguraldi onez eta giro politez jantzi da Mendaron. Barazki, fruitu, ogi, ezti, txokolate, ukendu, eskulan... askotariko postuak zeuden ikusgai frontoian eta plaza inguruan, baita animaliak ere. (argazki-bilduma dauka)
Martxan daude 2015-2016 ikasturteko 'Tertuliak' taldeak
- Xehetasunak
- Nork idatzia: barren.eus
Atzo, Euskararen Nazioarteko Egunean, egin zuten 2015-2016 ikasturteko Tertuliak programaren aurkezpen irekia. 40 lagunek hartuko dute parte aurten, 11 taldetan banatuta.
Euskarazko hainbat hedabide, erderaz
- Xehetasunak
- Nork idatzia: barren.eus
Euskararen Nazioarteko Eguna aitzakia hartuta, gure egunerokotasunean salbuespen txiki bat egin eta erdaraz, erdaretan, argitaratu dituzte TOKIKOMeko hedabideetako batzuetan aste honetako aldizkariak, normalean ulertzen ez diguten horiei nortzuk garen eta, batez ere, zer, nola, zertarako eta zergatik egiten dugun azaltzeko. BARREN aldizkariak ere gehigarri berezi bat kaleratu du, gaztelaniaz eta herriko beste erdaretan idatzita. (bideoa dauka)
Jai giroa eta aldarrikapena eskutik emanda Euskararen Egunean
- Xehetasunak
- Nork idatzia: barren.eus
Euskararen aldeko oihuek goizean goizetik hartu dituzte gaur Elgoibarko kaleak. ‘Guk euskaraz, zuk zergatik ez?’ leloa zeraman pankartarekin gurutzatu dituzte Elgoibarko kaleak Herri Eskolako ikasle, irakasle eta gurasoek. Gainerako ikastetxeek ere ospatu dute Euskararen eguna. (argazki bilduma eta bideoa dauzka)
16.550 kilo elikagai batu dira aurten, aurreko bi urteetan batutako guztia beste
- Xehetasunak
- Nork idatzia: barren.eus
Elikagai bankuarentzat 16.550 kilo jaso ziren aurreko asteburuan Elgoibarren. Hau da, aurreko bi urteetan jasotako guztia batutakoa beste. Guztira 120 lagunek lan egin zuten modu boluntarioan. Elgoibarko Udala pozik agertu da.
80 urtetik gorakoak omentzeko bazkaria egin dute Jubilatuen Biltokian
- Xehetasunak
- Nork idatzia: barren.eus
Jubilatuen astearen baitan, 80 urtetik gorakoak omentzeko bazkaria egin dute gaur Elgoibarko Jubilatuen Biltokian. Aurten urrezko ezteiak, -50 urte ezkonduta- bete dituzten bederatzi bikote ere omendu dituzte.
Abenduaren 4tik urtarrilaren 6ra egongo dira piztuta Eguberrietako argiak
- Xehetasunak
- Nork idatzia: barren.eus
Barixakuan, hilaren 4an, piztuko dituzte Eguberrietako argiak Elgoibarko kaleetan. Udalak iragarri du argiak piztuta egongo direla urtarrilaren 6ra bitartean, 17:30etik 23:00etara.
Himalaiako Langtang haranera eramango gaitu Morkaikoren mendi emanaldiak, gaur
- Xehetasunak
- Nork idatzia: barren.eus
Himalaiako Langtang Himal haran ezkutuan murgildu ziren Ibai Rico gasteiztarra eta Evan Miles estatubatuarra 2014ko udazkenean, glaziologia ikerketak eta eskalada helburu zituen espedizio batean. Espedizioari buruzko xehetasunak azalduko ditu gaur (abenduak 3) Ibai Ricok berak, Morkaikoren Udazkeneko Mendi Emanaldi Zikloko azken aurreko emanaldian. (bideoa dauka)
Jolasak, kantua eta dantza izango dira Elgoibarren eta Mendaron Euskararen Egunaren aitzakian
- Xehetasunak
- Nork idatzia: barren.eus
Zapatuko lipdub arrakastatsuarekin hasi ziren Euskararen eguneko ospakizunak, baina abenduaren 3rako ere makina bat ekintza antolatu dituzte Elgoibarko eta Mendaroko hainbat tokitan, batik bat ikastetxeek. Horrez gain, euskararen jatorria eta Iruña Veleiari buruzko hitzaldia eskainiko dute Mendaron, eta Euskara munduan filma Elgoibarren. (egitaraua dauka)
Josu Esnaolak Argia Ereiten Euskara Saria jaso du, euskararen alde egindako lanagatik
- Xehetasunak
- Nork idatzia: barren.eus
Seigarren Argia Ereiten Euskara Saria jaso zuten atzo Josu Esnaolak (Elgoibar, 1962) eta Alfredo Lopez Gereñu ‘Bertxok’ (Donostia, 1971), Getxoko alkate Imanol Landaren eskutik. Euskararekiko izan duten konpromisoagatik eta, bereziki, duela 19 urte Berbalaguna ekimena Getxon martxan jartzeagatik jaso dute Getxoko Udalak ematen duen sari hori.
2015-2016 ikasturteko Tertuliak programa aurkeztuko dute eguenean
- Xehetasunak
- Nork idatzia: barren.eus
Abenduaren 3an, Euskararen Nazioarteko Egunean, aurkeztuko dute 2015-2016 ikasturteko Tertuliak programa. Ordubeteko ekitaldia izango da, eta programa horretan noizbait parte hartu duten elgoibartar guztiak daude gonbidatuta.
Abenduaren 15ean jarriko dituzte salgai Pirritx, Porrotx eta Marimototsen ikuskizunerako sarrerak
- Xehetasunak
- Nork idatzia: barren.eus
Amalur ikuskizun berria eskainiko dute Pirritx, Porrotx eta Marimotots pailazoek Elgoibarren, 2016ko urtarrilaren 2an. Abenduaren 15ean eta 16an eskuratu ahal izango dira sarrerak.
Belaustegi jatetxeak Tripontziak ekimenean hartuko du parte
- Xehetasunak
- Nork idatzia: barren.eus
Debegesak abenduaren 1etik 15era egingo den Debabarreneko Tripontziak ekimen gastronomikoaren bigarren edizioa jarri du martxan. Debabarreneko Klub Gastronomikoko kide diren eskualdeko 13 establezimenduk hartuko dute parte, tartean Elgoibarko Belaustegi jatetxeak.
