Guillermo Hijanok ohorezko aipamena lortu du Iberoamerikako Kimika Olinpiadetan, Kolonbian
- Xehetasunak
- Nork idatzia: barren.eus
Iberoamerikako Kimika Olinpiadak jokatu dituzte Bogotan (Kolonbia), irailaren 19tik 24ra bitartean, hamazazpi herrialdetako ia 70 ikaslek. Guillermo Hijano elgoibartarra izan zen parte hartzaileetariko bat eta ohorezko aipamen bat eskuratu zuen.
Udalak sei lanpostu sortuko ditu 73.000 euroko diru-laguntzaren bidez
- Xehetasunak
- Nork idatzia: barren.eus
Lanbide Euskal Enplegu Zerbitzutik jasotako 73.692,51 euroko diru-laguntza herriko sei pertsona kontratatzeko erabiliko duela jakinarazi du Elgoibarko Udalak.
Tropak Elgoibarren sartu ziren eguneko giroa lekukoen ahotan
- Xehetasunak
- Nork idatzia: barren.eus
Elgoibarko kaleek 1936ra egin zuten salto duela bi aste, tropak herrira sartu zirenekoa errekreatzeko. Gertakari haiek bizitzea eta sufritzea tokatu zitzaien hainbat elgoibartarren testigantzak jasota daude ahotsak.com-en. Herrian zegoen giroa dute akorduan batzuek eta erreketeak etxean derrigortuta hartu behar izan zituztela beste batzuek.
San Migel festak ospatzen dihardute Aiastia auzoan
- Xehetasunak
- Nork idatzia: barren.eus
Atzo, San Migel egunez, hasi zituzten auzoko festak Aiastian. Auzo afariarekin hasi zituzten ospakizunek gaurtik domekara bitartean izango dute segida. Gaur, esaterako, Haritz dantza taldeak 30. aldiz dantza egingo du Aiastiako jaietan.
‘Daixola’ programan izena emateko epea zabalik da
- Xehetasunak
- Nork idatzia: barren.eus
Elgoibarko Izarraren Daixola! egitasmoan izena emateko epea urriaren 6an amaituko da. LH4-6 urte bitarteko umeentzako programa da, eta euskaraz ondo pasatzeko helburuarekin sortu zuen Elgoibarko Izarrak duela bi urte, Elgoibarko Udalarekin lankidetzan. Aurten aldaketa batzuekin dator egitasmoa.
Elgoibarko Gaztelekuak Ateak Irekitzeko Eguna egingo du urriaren 5ean
- Xehetasunak
- Nork idatzia: barren.eus
Elgoibarko Gaztelekuak eskaintzen dituen zerbitzuak eta instalazioak ezagutarazteko ateak irekitzeko eguna egingo dute datorren eguaztenean (urriak 5).
Giza katea eta 'Plazera plazara' jaialdia egingo ditu Elgoibarko Euskarak 365 Egun taldeak abenduaren 2an
- Xehetasunak
- Nork idatzia: barren.eus
Kalegoen Plaza eta Maalako parkea batuko dituen giza kateak hartuko dio lekukoa iazko Beitxu, Beitxu lipdub arrakastatsuari, Euskarak 365 Egun ekimenean, abenduaren 2an. Giza katearen ostean, Plazera plazara izeneko jaialdia antolatu dute.
Bertan behera geratu da Sanrock festibala, zapaturako euria iragarri dutelako
- Xehetasunak
- Nork idatzia: barren.eus
Aste guztia eguraldi iragarpenari begira pasatu ostean, Elgoibarko Izarrako Kulturekintza taldeak Sanrock festibala bertan behera uztea erabaki du. Zapaturako (urriak 1) euria iragarri dute, eta Sanrock moduko festibala egiteko ezinbestekoa zen eguraldi lehorra.
Rockak hartu zuen Mendaroko Garagartza auzoa zapatuan
- Xehetasunak
- Nork idatzia: barren.eus
Eguraldia lagun, Mendaroko jendea ez ezik, inguruko herrietatik ere etorri zen jendea Gararock jaialdira. Mendaro, Elgoibar eta Bilboko musika taldeek hartu zuten parte musika jaialdian eta antolatzaileek balorazio positiboa egin dute.
Mendaroko Aire Libreko Margo Lehiaketa egingo dute zapatuan
- Xehetasunak
- Nork idatzia: barren.eus
Aire Libreko Margo Lehiaketaren 21. edizioa egingo dute zapatuan, urriaren 1ean, Mendaroko kaleetan. Lanak, bai saridunenak eta baita aurkeztu dituzten gainontzekoenak ere urriaren 7tik 16ra bitartean, ikusgai egongo dira Lagun Betikoenean.
Txankakua merkatari elkarteak Stock feria egingo du zapatuan Maalan
- Xehetasunak
- Nork idatzia: barren.eus
Stock feria antolatu du zapaturako (urriak 1) Txankakuak, Elgoibarko Merkatarien Elkarteak. Maalako parkean egingo dute aurten, eta herriko 17 saltoki eta zerbitzuk parte hartuko dute guztira azokan.
Sanloren garagardo festa giro onean joan zen
- Xehetasunak
- Nork idatzia: barren.eus
Sanlo eskubaloi kirol-taldeak Sanlober garagardo feria antolatu du aurten, laugarrengoz. Eguenetik domekara bitartean makina bat lagun pasa ziren Maalako parkean jarri zuten karpatik, eta antolatzaileak gustura gelditu dira. Ospakizunen ostean, asteburu honetan hasiko dira lehian Sanloko hainbat gehienak.
Joseba Etxeberria protagonistetako bat den Pedaló filma saritu dute Donostiako Zinemaldian
- Xehetasunak
- Nork idatzia: barren.eus
Juan Palacios zinegile eibartarraren Pedaló filmak irabazi du Euskal Zinemaren Irizar Saria, asteburuan amaitu den Donostiako Zinemaldian. Euskal Herriko kostaldea, Biarritzetik Bilbora, pedaló batean zeharkatzen duten hiru lagunen bidaia zoroa kontatzen du dokumental honek. Deban bizi den Joseba Etxeberria elgoibartarra da hiru “marinel” horietako bat.
‘Bizi baratzea’ hitzaldia eskainiko du Jakoba Errekondok eguaztenean
- Xehetasunak
- Nork idatzia: barren.eus
Jakoba Errekondo (Usurbil, 1961) etorriko da Elgoibarrera, Bizi baratzea hitzaldia ematera eguazten honetan (irailak 28), Elgoibarko Izarrak duen Kulturekintza programaren barruan.
Bertan behera geratzeko arriskuan da 'Gure imajinarioa kantagintzaren bitartez' ikastaroa
- Xehetasunak
- Nork idatzia: barren.eus
Antolatzaileek jakinarazi dutenez, aste honetan beste hamar lagunek izena ematen ez badute, bertan behera laga beharko dute 'Gure imajinarioa kantagintzaren bitartez' ikastaroa.
Gaizka Agirre eta Aaron Garmendia irabazle Debabarrena raidean eta Lariz eta Irazabal elgoibartarrak bigarren
- Xehetasunak
- Nork idatzia: barren.eus
Aaron Garmendia laudiotarra eta Arteako Gaizka Agirre gailendu ziren Debabarreneko Orientazio Raidaren bigarren edizioan. Iñigo Lariz eta Jon Irazabal elgoibartarrek osatutako LRT taldea sailkatu zen bigarren postuan. 42 bikotek hartu zuten parte eta antolatzaileak gustura gelditu dira aurtengo raidak emandakoarekin.
Elgoibarko hamar elizak ezagutzeko bisita gidatua antolatu dute, San Bartolome parrokiaren 300. urteurrenaren harira
- Xehetasunak
- Nork idatzia: barren.eus
Elgoibarren dauden hamar elizak eta beste zenbait gune erlijioso ezagutu eta ezagutarazteko bisita gidatuak egingo dituzte urriaren 1ean eta urriaren 15ean, Kalegoengo San Bartolome Parrokiak 300 urte bete dituela ospatzeko antolatutako ekintzen barruan.
Irune Berasaluze mendaroarra legebiltzarkide izango da, EAJrekin
- Xehetasunak
- Nork idatzia: barren.eus
EAJren Gipuzkoako hautagaien zerrendan bosgarren aurkeztu zuten Irune Berasaluze mendaroarra, eta beraz, legebiltzarkide izango da Berasaluze legealdi berrian, bederatzi lortu dituztelako. Hautagaien zerrenda hortan Maialen Gurrutxaga hamargarren zihoan, eta EAJk Gipuzkoan bederatzi eserleku lortu dituen arren, elgoibartarrak aukera handia du legebiltzarkide izateko. Zain egon beharko da, harik eta Gobernua osatu arte, baina litekeena da Arantxa Tapia sailburu izatea, eta hori hala gertatuz gero, zerrendako hamargarrena pasatuko litzateke legebiltzarkide izatera, alegia: Maialen Gurrutxaga.
Elgoibarren EAJk jaso ditu boto gehien eta EH Bildu izan da bigarren indarra, nahiz aldea handitu egin den 2012ko bozekin alderatuz
- Xehetasunak
- Nork idatzia: barren.eus
EAJk 2.341 boto eskuratu ditu Elgoibarren, eta beraz, Eusko Legebiltzarrerako hauteskundeetan alderdirik bozkatuena izaten jarraitzen du gurean. Jeltzaleek 744 botoko aldea atera diote bigarren alderdi bozkatuenari, EH Bilduri (1.597 boto lortu ditu). 2012ko hauteskundeetan lortu zituzten emaitzei erreparatzen badiegu, aldea handitu egin da bien artean. Orduan, 2.328 boto eskuratu zituen EAJk, eta 1.959, EH Bilduk.
EAJk jaso ditu boto gehien Mendaron, eta EH Bildu izan da bigarren alderdi bozkatuena, Podemosen aurretik
- Xehetasunak
- Nork idatzia: barren.eus
EAJk 373 boto eskuratu ditu Mendaron, eta 105 botoren aldea atera dio bigarren indarrari, hau da, EH Bilduri. Podemos izan da hirugarren alderdirik bozkatuena, eta babes esanguratsu batekin sartu da, gainera, indar berri hau Mendaron, 144 boto eskuratu baititu, PSE-EEk –laugarren indarra- baino 87 gehiago. Hortaz, gehiengo handia lortu dute Mendaron Gipuzkoa, Araba eta Bizkaiko herritarren erabakitzeko eskubidearen alde dauden hiru hautagaitzon ordezkaritzek. Parte-hartzea %62, 15ekoa izan da.
Dabid Garciaren hirugarren garaipena eta Ainhoa Sanzen bigarrena Elgoibarko Gau Krosean
- Xehetasunak
- Nork idatzia: barren.eus
Bero sargoriari aurre eginez 121 lagunek egin dute antxitxika Elgoibarko kaleetan gaur iluntzean jokatu den Gau Kros Herrikoiaren 7. edizioan. David Garcia durangarra, gizonezkoetan eta Ainhoa Sanz urretxuarra, emakumezkoetan, izan dira azkarrenak.
Joan Tarda eta David Fernandez politikari kataluniarrekin tertulia izan da Usuan
- Xehetasunak
- Nork idatzia: barren.eus
Azken minutura arte aprobetxatu nahi izan du EH Bilduk hauteskunde kanpaina eta bi politikari kataluniarrekin 'Pikoteo Tertulia' egin dute Elgoibarren gaur gauean.
Elkarrekin Podemos alderdiak mahai informatiboa jarri du Kalegoen plazan
- Xehetasunak
- Nork idatzia: barren.eus
Eusko Legebiltzarrerako hauteskunde kanpainako azken eguna da gaur, hilak 23, eta hauteskundeei begira duen programa azaltzeko informazio mahaia jarri dute Elgoibarko Elkarrekin Podemos alderdiko kideek Kalegoen plazan.
Elgoibarko Izarrak jarriko du txosna bihar, hileko azken zapatuko ferian
- Xehetasunak
- Nork idatzia: barren.eus
Hileko azken zapatuko feria antolatu dute Udalak eta Debemenek zapaturako, eta oraingo honetan Elgoibarko Izarrak jarriko du txosna. 11:00etatik aurrera, baserriko oilasko brotxeta eta txorizo egosi pintxoak salduko dituzte.
Ukitu sataniko duen 'Chupacabras' kantaren bideoklipa estreinatu du Munletek
- Xehetasunak
- Nork idatzia: barren.eus
Munlet bikoteak 2003an hasi zuen musika ibilbidea, eta ordutik lau disko atera dituzte. Azken lanari Chupacabras jarri diote izena, eta bihar aurkeztuko dute, Gararock jaialdian. Chupacabras singlea izango da zuzenean joko duten abesti berrietako bat, eta bideoklipa ere egin dute abesti horrekin. Mendaron grabatu dute osorik. Hona hemen:
Gararock musika jaialdia egingo dute Mendaron zapatuan
- Xehetasunak
- Nork idatzia: barren.eus
Mendaroko lagun talde batek Gararock musika jaialdia antolatu du zapaturako (irailak 24). Garagartzan izango da jaialdia, 18:30etik aurrera. Arratsaldeko emanaldiak aire librean egingo dituzte, eliza aurreko parkean eta gaueko saioak, berriz, San Agustin kulturgunean.
Gau krosa jokatuko dute zapatu iluntzean Elgoibarko kaleetan barrena
- Xehetasunak
- Nork idatzia: barren.eus
Mintxeta atletismo taldeak antolatuta, 7. Gau Kros herrikoia jokatuko da zapatuan (irailak 24), Elgoibarko kaleetan.
San Bartolome elizatik plazara tirolina ikusgarria izango du Debabarrena Raidak
- Xehetasunak
- Nork idatzia: barren.eus
Zapatuan jokatuko da Debabarreneko orientazio raidaren bigarren edizioa, eta antolatzaileek ibilbideari eta proba bereziei buruzko xehetasunen berri eman dute. Proba berezi horietako batean, esaterako, San Bartolome elizan gora eskalatu beharko dute parte hartzaileek, eta gora ailegatutakoan, tirolina bidez, berriro ere Kalegoen plazara jaitsiko dira.
