Gaur da LGTBI+ Fobiaren Aurkako Nazioarteko Eguna, eta LGTBI kolektiboaren eskubideen aldeko aldarrikapenak plazara aterako dituzte Elgoibarren. Eguerdian Elgoibar BH Institutuko Hezkidetza Taldeko ikasleak batu dira Kalegoen plazan, eta arratsalderako beste elkarretaratze bat dago deituta.
Miren Echeveste Elkarrekin Podemos Ezker Anitza-IU Berdeak Equio Alianza Verde alderdiko Gipuzkoako ahaldun nagusiak Elgoibarren egin zuen zapatuan kanpainako ekitaldia, Evaristo Rodriguez Ahal Dugu-Podemosen Elgoibarko alkategaiarekin eta Isabel Fernandez Eibarkoarekin batera.
Lezaman jokatu zuten asteburuan mendi bizikletako Green Series txapelketako bosgarren jardunaldia, eta emaitza bikainak eskuratu zituzten Iñigo Lariz Azkuek erta Azibar Iraolagoitia Gallastegik.
C.D. Elgoibarreko kadete nesken taldeak ere mailaz igotzea lortu du, seniorren taldeak orain gutxi lotu zuen moduan. Seniorrek, hain justu, zapatu honetan jokatuko dute finala, Orion, eta taldea animatzera joateko autobusa antolatu du klubak.
Euriteak sortutako uholdeen ondorioz, aurten ezin izan dute Zuberoako, Nafarroa Behereko eta Lapurdiko ikastolen aldeko Herri Urratsen 40. urteurrena ospatu Senpereko lakuaren inguruan, eta jaia beste formato txikiago batean egin behar izan dute.
Mendizaleen mendirako gogoa eguraldiaren gainetik egon da aurtengo Morkaikoren Egunean, eta mendialdean ohi baino aterki gehiago ikus zitezkeen arren, giro onean joan zen mendizaleen festa.
Maiatzaren 18an ospatzen da Museoen Nazioarteko Eguna, eta horrekin bat egingo dute Elgoibarko museoek. Hori dela-eta, eguenean ateak zabalduko dituzte Mufomi fosil eta mineralen museoak, Makina Erremintaren Museoak eta Hezur museoak.
Zahartze aktiborako eskaintza sustatzeko, lankidetza-hitzarmena sinatu dute Elgoibarko Udalak eta Jubilatuen Biltokiak.
Martxoan egin zuten saioak izandako arrakastaren ondotik, emakumeentzako beste tertulia saio bat antolatu du Mendaroko Udalak hilaren 18rako.
Zapatuan aurkeztu zuen Elgoibarko EH Bilduk Deba ibaia biziberritzeko bere proiektua. Ibai ondoan egitekoa zuten ibilaldian zehar eman nahi zituzten azalpenak, baina euria ari zuenez, Bilgunean egin zuten aurkezpena. Bertan Aitziber Aranbarri alkategaiak esan zuen EH Bilduren asmoa honakoa dela: Deba ibaia Elgoibarko ardatz bihurtzeko helburuarekin, ideia-lehiaketa publiko bat antolatzea, ondoren aurkezten diren proiektuak herritarrei azaldu eta partaidetza prozesu bat zabaltzeko.
Bi sorosle eta bi monitore lanera itzuli dira, eta ondorioz, atzotik zabalik daude Olaizaga kiroldegiko igerilekuak eta martxan hainbat igeriketa ikastaro eta igeriketa eskolako saioak, bai eta astelehen eta eguaztenetako spinning saioak ere.
LGTBIQ+ Fobiaren Kontrako Nazioarteko Egunaren harira, elkarretaratzea antolatu dute biharko Elgoibarko Institutuko Hezkidetza Taldeko ikasleek.
Elgoibarko mendi itzulia bertatik pasatzen zela aprobetxatuta, Altzolan tren geltokia bai plataformakoak sinadurak biltzen egon ziren joan zen zapatuan Altzolako autobus geltoki ondoan, eta eskerrak eman dizkiete babesa agertu zieten guztiei. Era berean, Garraio Sailak euskal trenbide sareko geltokietan sorospeneko 48 totem instalatzeko lizitazioa egin izanaren berri emateko albisteari ere erantzun diote.
Elgoibarko Udalak eta Kirol Patronatuak ohar bateratua atera dute Olaizaga kiroldegiko eta Mintxetako langileek hasitako greba mugagabearen harira, BPXport enpresaren eta hark azpikontratatutako langileen arteko gatazkari eragiten dioten hainbat puntu azalduz.
Elgoibarko Lagun Taldeko txirrindulari infantilek Gipuzkoako Erlojupeko Txapelketa jokatu zuten zapatuan Zumaian, Joxe Mari Korta industrialdean, eta ohi legez, alebinei ere eman zieten aukera zirkuito berean lasterketa jokatzeko.
Abuztuaren 23tik 28ra ospatuko dira aurten sanbartolomeak, eta Elgoibarko Udalak aurreratu ditu jaietako kontzertu nagusiak: Su Ta Gar, En Tol Sarmiento, Neomak eta Tapia eta Leturia etorriko dira besteak beste, Elgoibarrera.
Bi domina etxeratu dituzte IMHko ikasleek joan zen astean jokatu zuten EuskoSkills txapelketatik.
Gure natura ezagutuz egitasmoaren barruan, narrastiak ezagutzeko irteera antolatu dute Morkaiko Mendizale Elkarteak, Baso Biziak elkarteak eta Atxutxiamaikak maiatzaren 27rako.
Elgoibarko Udaletik jakinarazi dute sei enpresa aurkeztu direla King Kong zubia birmoldatzeko lehiaketara, eta aurkeztu dituzten proposamenak aztertu eta bat aukeratutakoan hasiko dituela hautatutako enpresak obrak; udan, aurreikusitakoaren arabera.
Maiatzaren 28ko Udal eta Foru Hauteskundeetarako Mendaroko EH Bilduk aurkeztu duen zerrenda babesteko talde-argazkia atera zuten barikuan, Mendaron.
Enpresen Arteko Lasterketaren 14. ekitaldia jokatu dute gaur Donostian, eta Mendaroko Gorosabel enpresako taldea zazpigarren sailkatu da, gizonezkoen kategorian.
Mendaron maiatzaren 28ko udal hauteskundeetara aurkeztu diren hiru alkategaiek erantzun dituzte herritarrek eginiko galderak.
Jokin Muñoz korrikalari mendaroarrak irabazi du gaur goizean Gasteizko kaleetan jokatu duten Martin Fiz maratoia.
Denboraldi aparta egin du Modelos Modelberri saskibaloi taldeak, eta saria zuen liga erregularrean lehen postuan amaitzeak: mailaz igotzeko kanporaketetan kantxa faktorea alde izatea, alegia.
Joan den astean egin duen eguraldi euritsuak mendira joateko gogoa kendu die Morkaikoren Egunerako izena emanda zeuden hainbat laguni, baina eguraldia gorabehera, asko izan dira Elgoibarko Itzulia eta Itzulitxoa osatu duten lagunak.
Elgoibarko Izarraren barruan sortu den Ilunberri Achademiak hitzaldi ziklo bat antolatu du Udalaren laguntzaz, 'Goi Erdi Aroko mende ilunak argitzen' izenburupean. Jokin Lanz Beteluk eman zuen aurreneko hitzaldia, Iñaki Lopez de Luzuriagak bigarrena, eta Xabier Irujok hirugarrena.
Etxebarrian hasi eta Markina-Xemeinen bukatuko da 2023ko emakumezkoen Euskal Herriko Itzuliko lehen etapa, eta azken kilometroetan Mendarotik eta Elgoibartik igaro dira txirrindulariak, euria eta haizea protagonista izan diren etapan.
PSE-EEren zinegotzia izan da Mari Jose Telleria Mendaron (Eibar, 1971) azkeneko lau urteotan eta Gipuzkoako Kultura diputatua ere bada. Bigarrengoz aurkezten da Mendaron PSE-EEtik alkate izateko.