Elgoibarren baheketa selektibo bat egingo dute eguenean eta barikuan
- Xehetasunak
- Nork idatzia: barren.eus
Eusko Jaurlaritzako Osasun Sailak Elgoibarko 13 eta 40 urte arteko herritarrei PCR proba egiteko eskatu die. Probak anbulatorioan egingo dituzte.
"Salbuespen espetxe politika amaitzea" eskatu zuten zapatuan Elgoibarko kaleetan egin zuten giza katean
- Xehetasunak
- Nork idatzia: barren.eus
Giza katea osatu zuten joan den zapatuan Elgoibarko kaleetan, Sarek deituta eta 'Izan Bidea' dinamikaren barruan.
Elgoibarren 675. urteurrena ospatzeko logotipo lehiaketa abian da
- Xehetasunak
- Nork idatzia: barren.eus
Elgoibar sortu zenetik 675. urte beteko dira datorren urtean, 2021ean. Horregatik, Elgoibarko Udalak, Kultura Sailaren bitartez, lehiaketa bat jarri du martxan urteurren honekin identifikatuko den logotipoa aukeratzeko.
Zapata gorriak behar dituzte Mendaron, indarkeria matxistaren biktima izan diren emakumeak gogoratzeko
- Xehetasunak
- Nork idatzia: barren.eus
Mendaron, zapata gorriak jarriko dituzte plazan, azaroaren 25ean, indarkeria matxistaren biktima izan diren emakumeak gogoratzeko. Zapatak Leire jantzi dendara eramateko eskatu dute, han margotuko dituztelako gorriz.
19 positibo erregistratu dira asteburuan Elgoibarren, aurrekoan baino hamabi gutxiago
- Xehetasunak
- Nork idatzia: barren.eus
Barikua eta domeka bitartean 19 positibo zenbatu ditu Osasun Sailak elgoibartarrei eginiko probetan (31 izan ziren aurreko asteburuan), eta zertxobait behera egin du intzidentzia tasak. Mendaron bost positibo hauteman dituzte.
Gaur hasi dira 1.500 elgoibartar inguru Euskaraldia ariketa egiten
- Xehetasunak
- Nork idatzia: barren.eus
Martxan da Elgoibarren eta Euskal Herri osoan Euskaraldia ariketa sozialaren bigarren edizioa. Gaur hasi eta abenduaren 4ra arte, euskara gehiago, gehiagotan eta gehiagorekin egitea izango da Euskaraldian izena eman duten herritarren helburua. Horretarako, aurretik, lehen edizioko metodologia errepikatuz, Ahobizi edo Belarriprest rola aukeratu behar izan dute. Bigarren edizioan, gainera, herriko entitateek ere izena eman eta era aktiboan parte hartzeko aukera izango dute, ariguneak sortuta.
Blues Hotsak jaialdirako sarreren irabazleak
- Xehetasunak
- Nork idatzia: barren.eus
Blues Hotsak jaialdiaren barruan Soraluzen emango dituzten lau kontzertuetarako lau sarrera bikoitz zozkatu ditu barren-eus-ek, eta baditugu irabazleak.
Kike Amonarriz: "Krisiari aurre egin eta aktibatzeko garaia da!"
- Xehetasunak
- Nork idatzia: barren.eus
Euskaltzaleen Topaguneko lehendakari Kike Amonarrizek iritzi artikuloa idatzi du bigarrengo Euskaraldiaren hasieraren harira.
48 positibo baieztatu dituzte asteon Elgoibarren eta sei Mendaron
- Xehetasunak
- Nork idatzia: barren.eus
Azken 14 egunetan 156 positibo hauteman dituzte Elgoibarren eta oso goian jarraitzen du intzidentzia-tasak (1.346,57). Mendaron sei positibo berri atzeman dituzte astelehenetik eguenera bitartean.
Koronabirusaren aurpegiak
- Xehetasunak
- Nork idatzia: barren.eus
Koronabirusak ez du etenik. Eraman ditu batzuk eta estu hartu ditu beste asko. Birusak harrapatzen dituenetako batzuek sintomarik gabe pasatzen dute gaitza, sintoma arinekin beste batzuek, eta badira, eta ez gutxi, ospitaleratu beharra izaten dutenak ere. Gaixo egondako lau lagunen testigantzak batu ditugu gaur: Antonio Rodriguez eta Gorka Garate elgoibartarrenak eta Amaia Lopetegi eta Eukene Gurrutxaga mendaroarrenak.
Bruno Guerrero: “Umetatik ditut gustuko galdera-erantzun estiloko lehiaketak”
- Xehetasunak
- Nork idatzia: barren.eus
Euskal Telebistak eman duen saririk handienetarikoa irabazi berri du Bruno Guerrerok (Extremadura, 1972) ‘Atrápame si puedes’ lehiaketan. 147.000 euro poltsikoratu ditu. Tornularia da ogibidez, baina betidanik gustatu izan zaizkio galdera-erantzun estiloko lehiaketak. Umetatik ikusi izan ditu telebistaz, eta 2008an animatu zen estreinakoz horietako lehiaketa batean parte hartzera. ‘El Gran quiz’ izan zen bere estreinako lehiaketa, eta ordutik, sarritan parte hartu izan du Patxi Alonsok gidatzen duen ETB2-ko lehiaketan. Eskura izan du behin baino gehiagotan sari potoloa, eta azkenean lortu du irabaztea. Pozez zoratzen dago, bai sariagatik eta baita herritarrek erakutsi dioten babesagatik ere.
Haur eta gaztetxoentzako hainbat ekintza antolatu dituzte Eguberrietako oporraldirako
- Xehetasunak
- Nork idatzia: barren.eus
Atxutxiamaikak eta Ludotekak hainbat ekintza antolatu ditu Eguberrietako oporraldirako, HHko eta LHko umeentzat. Astelehenean, azaroaren 23an, zabalduko dute izenematea.
Bideo-pilulak 07: Talde inmunitatea
- Xehetasunak
- Nork idatzia: barren.eus
Zertan datza talde immunitatea? Nola lortu daiteke? galdera horiei erantzuten saiatu da Ana Galarraga aste honetako “Koronabirusaren gakoak” informazio piluletan.
"Luxuzko" programazioa prestatu dute Blues Hotsak jaialdiaren bigarren edizioan
- Xehetasunak
- Nork idatzia: barren.eus
Deba bailarako blues zale guztientzako 'Blues Hotsak' jaialdia antolatu zuten iaz estreinakoz, Soraluzen. Bigarren edizioa datozen bi asteburuetan egingo dute eta lau talde ariko dira bertan: Gisele Jackson & The shu shu shu's, Dama Beltzak, Travelling Brothers eta Amparo Sanchez (Amparanoia). Soraluzetik kanpoko herritarrek udaletxera deituz erreserbatu beharko dituzte sarrerak.
