Injelan SLk diseinatu eta idatzitako proiektuaren lehen fasea osorik gauzatu dutela jakitea eman du Elgoibarko Udalak. Lanotarako 991.840,96 euroko inbertsio egin dute, BEZa barne. Lehen fase honetako lanak Urbycolan, S.L. enpresak egin ditu. Atzotik zabalik dago igogailura joateko pasabidea eta igogailua bera ere matxan dago, oraingoz erabilera gutxi badu ere.
Orain martxan jarriko duten lanen bigarren fasean Deba ibaiaren gaineko zubia birmoldatu eta pasabide berria Urazandi auzoarekin lotuko dute. N-634 errepidearen gaineko egungo pasabidea eraistea ere aurreikusten da. Lan horiek Construcciones Artzamendi SA enpresak egingo ditu. Aurrekontua 1.004.374,74 eurokoa izango da, BEZa barne, eta gauzatzeko epea 14 hilabetekoa izango da.
Elgoibarko Udalak eskerrak eman ditu inplikatutako pertsona guztien laguntzagatik eta herritarren ulermenagatik tokiko azpiegitura hobetzeko funtsezkoak diren obra hauek garatzen diren bitartean. Udal arduradunek zehaztu dute unean-unean emango dutela obren garapenak eragiten dituen bide-mozketa eta bestelako eragozpenen berri.
Lotura duten albisteak:
- Ekaina bukatu aurretik hasiko dituzte King Kong zubiko bigarren faseko lanak (2024-06-05)
- King-kong zubiaren karga ahalmena neurtu dute (2024-05-09)
- Argiztapena hobetuko dute Pilarreko eta Urazandiko zubien arteko pasabidean (2024-04-19)
- Udalak lehiaketara atera du King Kong zubia berritzeko lanen bigarren fasea (2024-03-12)
- King Kongeko zubia izango dena erakutsi du Udalak (2024-02-08)
- Astelehenean hasiko dute King Kong zubia berritzeko obraren lehen fasea (2023-09-14)