Hasier Murua eta Irati Ortiz de Anda izan dira azkarrenak Karakateko Igoeran

78 korrikalarik hartu dute parte Morkaikok antolatzen duen Karakateko igoeran, tartean, 9 emakumek. 11:00etan puntuan irten dira Kalegoen plazatik, herritarren txalo artean. Bakoitzak nahi duen bidea aukeratuta, Karakate puntara iristea zuten egitekoa, eta lan horretan Asier Murua izan da azkarrena, 28:43ko denborarekin. Iñigo Lariz iritsi da bigarren lekuan,  29:02 denbora eginez. Irabazlea ere Elgoibarkoa denez, lehen elgoibartar gizonezkoari dagokion saria Larizek jaso du. 

Emakumezkoetan Irati Ortiz de Anda izan da azkarrena, 34:53 denborarekin, eta Lore Bereziartua izan da Elgoibarko lehen emakumezkoa, 41:15 denbora eginda. 

Bi sari berezi ere eman dituzte: Irabazlearen denbora bikoitzetik gertuen iritsi dena Victor Dobarro elgoibartarra izan da 56:28 denborarekin, eta Maite Landaburuk jaso du aurpegi onenarekin iristeagatik ematen duten saria. 

Hasier Muruaren lehengusua den Iban Muruak ezarri zuen igoerako errekiorra 2017an: 26 minutu eta 17 segundo. Emakumezkoetan Maite Maiorak du errekorra, 2016an ezarria: 31 minutu eta 37 segundoan.

Hasier Murua irabazlea azken metroetan. Arg: Gorka Aginaga.

Irati Ortiz de Anda izan da azkarrena emakumezkoetan. Arg: Ander Izagirre.

31. Karakatera Igoerako sailkapenak:

•Azken urteetako irabazleak: