Lasterketa motzekoak 16:00etan abiatuko dira, eta bost minutu geroago luzekoak. Hamahirugarren edizioa izango da aurtengoa, eta Euskal Herriko Koparako proba puntuagarria izango da. Hori dela-eta izen handiko mendi lasterkariak izango dira Mendaron, besteak beste, Iraitz Legorburu, Xabi Macias, Javi Goitia, Oier Zubeldia, Oihana Kortazar, eta, nola ez, Maite Maiora. Zortzi probek osatzen dute lineako mendi lasterketen 2025eko Euskal Herriko Kopa, eta bigarrengoa izango da Mendarokoa. Kolazino lasterketa izan zen aurrenekoa, joan den martxoaren 15ean.
Mendaroko eta Elgoibarko partaideak
Herriko proban parte hartzen duen mendaroarren kopuruak ere gora egin du azken urteetan eta 24 izango dira aurten. Elgoibartik 35 lagun daude izena emanda. 450 antxikikari inguruk hartuko dute parte bi lasterketetan.
Mendaroko Txirrindulari Elkarteak eta Lizarpe Mendi Klubak antolatzen dute lasterketa, Mendaroko Udalaren laguntzarekin. Gontzal Murgoitio elorrioarra eta Ainara Urrutia aretxabaletarra gailendu ziren iazkoan.