Trenez egin zuten Zumaiara arteko joan-etorria. Goizean, Algorri Zentroko adituen eskutik marearteko fauna bertatik bertara ezagutzeko aukera izan zuten, marea biziko itsasbeherak eskaintzen zien aukera probestuz. Behe-marearteko eremuan askotariko fauna ikusi zuten: olagarroak, itsas trikuak, itsas izarrak, anemonak, itsas bareak, e.a.
Arratsaldean, berriz, Ibabe Urzelai eta Kizkitza Agirre elgoibartarrek inguruko geologia bereziari buruzko hainbat azalpen eman eman zizkieten irteeran parte hartu zuten lagunei. Eta, itsasoaren arriskuen lekuko ere izan ziren, Algorri eta Sakoneta parean mareak harrapatuta gelditu ziren hamahiru mendizale helikopteroan erreskatatu baitzituzten.
Atxutxiamaikakoek goian ikus dezakezuen bideoan jaso dute irteeraren laburpena.
Duela bi urte batu zituzten indarrak herriko hiru eragilek, herritarrei gure natura ezagutzera emateko asmoz. Atxutxiamaika, Baso Biziak eta Morkaiko elkarteek hasi zuten bidea Udalaren eta hainbat herritarren laguntzaz, eta aurten hirugarren edizioa dute. Umeentzako zuhaitz landaketa batekin hasi zuten aurtengo egitaraua martxoaren 9an.
Hurrengo ekimena maiatzaren 18an egingo dute, saguzar habiak eta intsektuek hotela egiteko tailerra egingo dute Lizagasarren.