Azken egunetako euri denboraldea eragina izaten ari da urak gainezka egin duen lekuetan, trafikoan eta baita tren zerbitzuan ere. Luizi bat trenbidera erori zen atzo arratsaldean Altzolan, estazioa eta Altzolabe baserriaren pareko trenbide zatian, eta harrezgero etenda dago tren zerbitzua. Euskotren autobusez ematen ari da Elgoibar eta Mendaro arteko zerbitzua.
Joan zen abendu hasieran ere eten behar izan zuten Elgoibar eta Eibar arteko tren zerbitzua, Andikano inguruan egon zen luiziagatik.
