Euskal Autonomia Erkidegoan 11.263 PCR egin zituzten atzo, urriak 15, eta 828 kasu baieztatu zituzten: 370 Gipuzkoan, 329 Bizkaian, 116 Araban eta 8 bestelako lurraldeetan erroldatutakoen artean. Pandemiaren hasieratik erregistratutako bigarren zenbateko handiena da; positiboek abuztuaren 28an jo zuten goia 866 kasurekin –atzo baino 38 gehiago–.
Debabarrenean ere gora egin dute positiboek, 51 atzeman baitzituzten atzo, aurreko egunekoak bikoiztuz. Elgoibarren ere inoiz baino kasu positibo gehiago erregistratu zituzten atzo, 15 kasu egun bakarrean.
• Intzidentzia tasa altua Elgoibarren; semaforoa gorrian
Jaurlaritzako Osasun Sailak adierazi du hainbat herritan intzidentzia tasa altua erregistratu dela azken bi asteetan. Hori dela-eta, datuak ematerakoan horiz, laranjaz eta gorriz markatu ditu intzidentzia tasarik altueneko herriak. Udalerriak COVID-19aren semaforoaren arabera sailkatzen hasi da Osasun Saila, Europar Batasunak (EB) onartutako koloreen mapa gurera egokituz. Koloretako semaforoak COVID-19ak Euskadiko 5.000 biztanletik gorako udalerrietan izandako eragina aztertzen du. Zehazki, azken 14 egunetan metatutako eragin-tasaren arabera sailkatzen ditu udalerriak. Elgoibarrek, azken orduetako 15 positiboak batu eta gero, 100.000 herritarreko 500,65eko intzidentzia tasa dauka une honetan, eta gorriz markatuta ageri da herrien zerrendan. Zortzi herri daude Gipuzkoan semaforo gorriarekin: Azkoitia (975,89), Azpeitia (943,21), Ordizia (712,14), Besaian (680,08), Astigarraga (631,07) Tolosa (586,40) Zumarraga (563,12) eta Elgoibar (500,65)
Bizkaian bi herri daude gorriz markatuta, Durango eta Lekeitio.
Mendaron ere altua da intzidentzia tasa, 701ekoa. Asteon, astelehenetik eguenera, bi kasu berri atzeman dituzte. Gainera, Mendaro Ikastolako seigarren mailan dauden bi ikasgeletako bat konfinatuta dago.
Ospitaleen egoera dela eta, COVIDaren ondorioz 40 pertsona ospitaleratu ziren atzo, eta COVIDa duten 50 pertsona ZIUn daude.
∞Lotura duten albisteak:
- Osakidetzak 11 kasu positibo hauteman ditu azken lau egunetan Elgoibarren, eta bost Mendaron (2020-10-13)
-
Astelehenetik eguenera 19 kasu positibo atzeman dituzte Elgoibarren eta 8 Mendaron (2020-10-19)
- Beste bost kasu positibo atzeman ditu Osasun Sailak Elgoibarren eta hiru Mendaron (2020-10-06)
- Bederatzi koronabirus kasu baieztatu dituzte asteburuan Elgoibarren eta bat Mendaron (2020-10-05)
- Debabarrenean 373 positibo zenbatu dituzte irailean (2020-10-01)
- Beste koronabirus kasu bat zenbatu dute Elgoibarren (2020-09-30)
- Hiru kasu positibo atzeman dituzte Elgoibarren eta hamaika eskualdean (2020-09-29)
- Hamaika kasu positibo atzeman ditu Osasun sailak asteburuan Elgoibarren (2020-09-28)
- Lau kasu positibo atzeman ditu Osakidetzak Elgoibarren azken PCR probetan (2020-09-25)
- Bost koronabirus kasu berri atzeman dituzte Elgoibarren (2020-09-24)
- Lau kasu berri zenbatu ditu Osasun Sailak Elgoibarren eta Mendaron (2020-09-23)
- Barikutik domekara bederatzi koronabirus kasu baieztatu dituzte Elgoibarren (2020-09-21)
- Bost positibo baieztatu dira Elgoibarren joan den asteburuan (2020-09-14)
- Asteburuan zazpi positibo berri zenbatu dituzte Mendaron eta Elgoibarren (2020-09-07)
- Elgoibarren hiru kasu berri eta Mendaron bi azken orduetan (2020-09-04)
- Lau koronabirus kasu atzeman dituzte azken orduetan Mendaron eta bat Elgoibarren (2020-09-03)
- Abuztuan 94 positibo atzeman dituzte Elgoibarren eta bost Mendaron (2020-09-01)
- Beste lau kasu postibo atzeman dituzte Elgoibarren (2020-07-29)