Haritz Unamuno bergararra izan da azkarrena, eta emakumezkoetan Ainhoa Lendinez elgoibartarra.
Karakaten izan da festa gaur goizean. Morkaikok antolatuta, Karakateko Igoera jokatu dute gaur, eta 100 lagunek hartu dute parte. Parrokiako kanpai hotsekin batera irten dira 11:00ak puntua Kalegoen plazako frontoitik, eta bakoitzak nahi zuen bidea aukeratu du Karakatera igotzeko. 700 metroko desnibel positiboa gainditu behar izan dute korrikalariek. Tontorrera iristen lehenengoa Haritz Unamuno bergararra izan da 27:51 denborarekin, eta bigarren lekuan iritsi da Iñigo Lariz elgoibartarra 28:36ko denborarekin. Iñaki Goenaga plaentxiarra izan da hirugarrena, 28:41 denborarekin. Emakumezkoetan Ainhoa Lendinez izan da txapelduna 35:48ko denbora eginda. (ikus lehen sailkatuen azken metroak bideoan)
Lehen gizonezko elgoibartarraren saria Iñigo Larizek jaso du, eta lehen emakumezko elgoibartarrarena Lore Bereziartuak. Ales Berguari eman diote aurpegi onenaren saria, eta Elisa Chiroquek irabazi aurtengo sari berezia, hau da, irabazlearen denbora bikoitza egitea, baina denboratik pasatu gabe.
Ikus SAILKAPENAK -PDF-
•Azken urteetako irabazleak:
- 2023an: Haritz Unamuno eta Ainhoa Lendinez
- 2022an: Iban Murua eta Mayi Mujika
- 2021ean: Mikel Beunza eta Andrea Garai
- 2020an: ez zen jokatu -Pandemiagatik-
- 2019an: Javier Goitia eta Sonia Lopez
- 2018an Iñigo Lariz eta Mayi Mujika
- 2017an Iban Murua eta Ainhoa Lendinez
- 2016an Iban Murua eta Maite Maiora
- 2015ean Iñigo Lariz eta Ainhoa Lendinez
- 2014an Iñigo Lariz eta Nahia Quincoces
- 2013an Iñigo Lariz eta Nahia Quincoces
- 2012an Iñigo Lariz eta Nerea Amilibia
- 2011n Oier Ariznabarreta eta Maite Maiora
- 2010ean Oier Ariznabarreta eta Maite Maiora
- 2009an Oier Ibarbia eta Nerea Amilibia
- 2008an Josu Arregi eta Oihana Kortazar
- 2007an Iñigo Lariz eta Pilar Arriola
- 2006an Aritz Kortabarria eta Pilar Arriola