Kale garbiketarako eta ubide, berdegune eta azpiegituren mantentze lanetarako behar dute langile hori. Bete beharreko baldintzak hauek dira:
- Gutxieneko titulazioa: Eskola Graduatua, DBH edo baliokidea. Atzerriko tituluren bat aurkeztuz gero, homologatuta egon beharko da.
- Sastrakak kentzeko eta erretenak eta bideak garbitzeko lanetan esperientzia duela egiaztatzea, lan-ibilbidea aurkeztuta.
- B gidabaimena.
- Mendaron, Elgoibarren, Deban, Mutrikun edo Soraluzen erroldatuta egotea.
- Langabezian eta Lanbiden enplegu-eskatzaile gisa inskribatuta eta alta emanda egotea
- ALPES 2025 deialdiko baldintzak betetzea.
Era berean, baina honako beste bi kontu hauek baloratuko zaizkio: euskara jakitea eta belar-sastrakak garbitzeko lanetan eta urbanizazio-obretako igeltserotza-lanetan esperientzia izatea.
Lanbidek hautatutakoen artean egingo dute aukeraketa udaletxean. Beraz, ezinbestekoa izango da Elgoibarko Lanbideren bulegoan izena ematea (943 023 845 telefono zenbakia). Aurkezteko azken eguna: 2025eko azaroaren 7a.
Zalantzarik izanez gero, berriz, Mendaroko udaletxera deitzeko eskatu dute Udaletik: 943 033 282.