Taldetik jakinarazi dutenez, 37 talde daude izena emanda, momentuz. Elgoibarko taldeez gain, Durango, Bergara, Eibar edo Zarautzekoek ere eman dute izena txapelketaren hirugarren edizioan parte hartzeko.
Partidak 9:00etan edo 9:30ean hasiko dituzte, azken parte hartze kopuruaren arabera erabakiko dute. Lekuederren jokatuko dituzte partidak, eta beharra badute Kalegoen plazan ere ipiniko dute saskibaloi kantxa bat. Euria egingo balu, kiroldegian jokatuko dute.
Txapelketaren estreinako edizioa Lekuederreko saskibaloi kantxan jokatu zuten, eta iazkoa ere bertan egitekoak ziren arren, euriagatik Olaizaga kiroldegira lekualdatu behar izan zuten.