Goiz partean Sigmako aparkalekua eta Herriko Antzokia izan ziren festa guneak. Hego haize zakarrarekin esnatu zen eguna eta Elgoibarko Udalak umeentzako parkea Sigmako aparkalekura leku aldatzea erabaki zuen, segurtasuna bermatzeko. Neska-mutil ugari ibili ziren han ipini zituzten puzgarri eta gainerako jolasetan. Herriko Antzokian, berriz, erritmo afrolatinoz osatutako errepertorioa jo zuen Aldakan taldeak.
Arratsaldean umez bete zituen kaleak erraldoien, buruhandien, zezenzikleten eta dultzaineroen kalejirak.
San Anton eguneko ekitaldiez gainera, gogoratu ikusgai dagoela Altzolatarren Dorretxeak antolatzen duen seilu erakusketa. Elgoibarko Lanbide Heziketa omendu dute aurten, 125 urte bete dituela-eta. Era berean, bariku iluntzean jokatuko dituzte San Anton Pilota Txapelketako finalak ere.
ARGAZKI-BILDUMA: 2024ko San Antonak, irudietan
