Iragan berri dira Espainiako Gorteetarako hauteskundeak eta BARRENen jarri gara maiatzaren 26an egingo diren hurrengo hauteskundeei begira. Europako Parlamenturako bozak izango dira egun horretan, eta Hego Euskal Herrian, baita Udal eta Foru Hauteskundeetarakoak ere. Horietan jarriko dugu guk arreta. Bi ale berezi argitaratuko ditugu Mendaroko eta Elgoibarko alkategaiei egindako elkarrizketekin, baina herritarrei ere emango diegu alkatetzara aurkezten direnei zuzenean galderak egiteko aukera.
Hiru alderdik aurkeztu dituzte alkatetzarako zerrendak Mendaron, eta bostek, Elgoibarren, eta haien zerrendaburuei nahi beste galdera egiteko aukera izango duzue, BARRENen bidez. Horretarako, bidali zuen galderak barren@elgoibarkoizarra.eus helbidera edo whatssapez 688 634 044 zenbakira, edo, nahiago izanez gero, laga BARRENeko postontzian. Galdera orokorrak bidali ditzakezue, eta baita zuzenean propio alkategai bati egin beharrekoak ere. Hala bada, zehaztu zeini zuzendutakoa den zuen galdera. Maiatzaren 13a arteko epea jarri dugu zuen galderak jasotzeko. Ondoren, alkategaiei eurei pasatuko dizkiegu, eta bideoan jasoko ditugu gero haien erantzunak.
Alkategaien zerrenda:
Elgoibarkoak:
- EAJ: Ane Beitia
- EHBildu: Jon Peli Uriguen
- PSE-EE: Fernando Suarez
- Ahal Dugu-Podemos: Evaristo Rodriguez
- PP: Javier Otero
Mendaro:
- EHBildu: Enetz Ezenarro
- EAJ: Iñaki Arregi
- PSE-EE: Mari Jose Telleria
