Eñaut Izagirre elgoibartarrak, Ibai Rico gasteiztarrak eta Evan Miles estatubatuarrak Patagoniara egindako espedizio bidaia jasotzen du Izagirrek zuzendu duen, eta Mendi Film Festival eta National Geographic-en babesarekin ekoitzi duten dokumentalak. Patagoniako eremu ezezagun batean egindako erronka erakusten du dokumentalak, izotz zeharkaldia, glaziarren kartografia eta ikerketa uztartzen dituena. Mendaroko San Agustin kulturgunean emango dute bariku honetan, otsailaren 11n, 19:30ean. Interesa duen orok badu sarrerak erosteko aukera; Morroskillon daude salgai, bi euroren truke. Mendaroko Udalak antolatu du emanaldia.
Proiekzioaren ostean, hitzaldia emango du Izagirrek, euskaraz.
- Sinopsia: Incognita Patagonia, alor anitzeko esplorazioa da: eskalada, glaziarren kartografia, eta Cloue izotz zelaiaren zeharkaldia (Hoste irla, Hegoamerikako hego puntan) uztartzen dituen ikerketa historikoa. Mendizaletasunaren ikuspegitik, Patagoniako eremu ezezagun batean egiteke zegoen erronka bat. Eñaut Izagirre, Ibai Rico eta Evan Milles dira espediziokideak, National Geographic-en Gazte Esploratzaileen programak eta Bilbao Mendi Film Festivalak babestutako abentura honetan.
∞Lotura duten albisteak:
- `Incognita Patagonia´ espedizioari buruzko erakusketa zabalduko du Eñaut Izagirrek hilaren 15ean, Elgoibarren (2018-06-11)
- Urteko Bidaiaren Saria eman dio Espainiako Geografia Elkarteak Incognita Patagonia espedizioari (2018-03-05)
- Incognita Patagonia espedizioa saritu dute Fedme Sarietan (2016-12-11)
- Incognita Patagonia espedizioko kideek hasi dute itzulerako bidea (2016-04-01)
- Eñaut Izagirrek National Geographic-en babesa jaso duen Incognita Patagonia espedizioan hartuko du parte (2015-10-14)