Saioa Kultur Etxeko sotoan izango da, eta 19:00etan hasiko da. Elgoibarko Isiltasun Eskolak antolatutako ekintza da.
Apaiz sakramentinoa da Jose Cruz Igartua elgoibartarra. 1973an ordenatu zen Jose Maria Setienekin Elgoibarko parrokian eta gero Bilboko auzo batean egon zen apaiz sei urtez. Madrilera joan zen ondoren, eta han, elizako lanak hitzaldiekin, mezekin, konfesioekin, zein bestelako meditazioekin partekatu izan ditu. Elgoibarren Isiltasun Eskola abian jarri zutenetik berak egiten ditu gidari lanak. Isiltasuna praktikatzen eta hori irakasten saiatzen dira Isiltasun skolan. "Isiltasuna bide pribilejiatua da gure barren-barrenera iristeko, eta gure ikuspuntutik, harremana izan dezakegu transzendentea den horrekin. Isiltasuna oso bitarteko ona da horretarako", adierazi zuen Igartuak BARRENi emandako elkarrizketa batean.
∞Lotura duten albisteak
- Meditaziori buruzko mintegia antolatu du Isiltasun Eskolak (2018-12-17)
- Jose Cruz Igartua: “Isiltasunak, hitzik gabe ere, sekulako komunikazio gaitasuna du" (2018-02-23)
- Espiritualitatea, erlijioa eta meditazioa izango ditu hizpide Jose Cruz Igartuak (2017-12-14)
- Gizakiaren barne irrikari buruzko hitzaldia eskainiko du Jose Cruz Igartuak eguenean (2017-11-14)