Aurten, igerilekuen denboraldia ekainaren 3an hasi zuten, ohi baino astebete lehenago, eta denboraldiaren amaiera ere astebetez luzatu dute, irailaren 17ra arte. Uztailaren 14a izan zen egunik jendetsuena, 1.609 erabiltzailerekin. Udal Kirol Patronatutik jakinarazi dutenez, 2013tik gaur egun arte,aurtengoa izan da erabiltzaile gehien izan dituen bainu denboraldia. Udal Kirol Patronatuak 2009an zenbatu zuen Mintxetako igerilekuaren erabiltzaile kopuru handiena (55.056), 2005ean zenbatzen hasi zenetik. 2012an eta 2013an ere 50.000 erabiltzaile baino gehiago izan ziren.
Udal Kirol Patronatuak balorazio positiboa egin du: "Mintxetak erakutsi du elgoibartarrentzat aisialdirako eta kirolerako leku garrantzitsuenetako bat dela. 2001. urtean ireki zenetik, erabiltzaileen kopuruak gora egiten jarraitu du, adin guztientzako topagune eta dibertsiorako gune gisa sendotuz. Hala ere, garrantzitsua da aipatzea aldagelen erabilera desegokia identifikatu dela, eta erabiltzaile batzuek alderdi negatibo batzuk aipatu dituzte zentzu horretan. Udalak ekarpen horiek kontuan hartuko ditu eta etorkizuneko denboraldietan erabiltzaileen esperientzia hobetzeko moduak bilatuko ditu".
Mintxetako igerilekuetako erabiltzaile kopuruen bilakaera, urtez urte:
- 2023: 47.400 erabiltzaile
- 2022: 47.000
- 2021: 41.500
- 2020: 27.000
- 2019: 43.000
- 2018: 42.000
- 2017: 34.000
- 2016: 40.411
- 2015: 45.123
- 2014: 34.522
- 2013: 53.527
- 2012: 52.000
- 2011: 42.065
- 2010: 48.000
- 2009: 55.056
- 2008: 34.342
- 2007: 15.000
- 2006: 29.000
- 2005: 32.000
∞ Lotura duten albisteak:
- Azken urteotako erabiltzaile kopuru handiena izan dute Mintxetako igerilekuek (2022-09-13)
- Mintxetako igerilekuetatik 30.500 erabiltzaile pasa dira lehen hilabete eta erdian, iaz baino %14 gehiago (2022-07-28)
- Ekainaren 11n zabalduko dituzte kanpoko igerilekuak, murrizketarik gabe (2022-06-03)
- Mintxetako udako denboraldiaren balantze "oso positiboa" egin dute arduradunek (2021-09-16)
- Mintxetako igerilekuak beste udalerri batzuetako herritarrek erabiltzeari buruzko azalpenak eman ditu Udalak (2021-06-17)
- Ia 27.000 erabiltzaile eduki dituzte Mintxetako igerileku eta kirol instalazioek ekainean eta uztailean (2020-07-30)
- Iazko erabiltzaile kopuru antzerakoa izan dute Mintxetako igerilekuek (2019-09-16)