Mesa 7 taldeak antolatu du kontzertua, Mendaroko Udalaren eta Gararock taldekoen laguntzarekin, eta Herriko Enparantzan izango da, 22:00etan hasita. Elgoibarko Udal Bandakoez gain, beste hiru musikari handi ere arituko dira oholtzan: Jon Gurrutxaga abeslaria Fredddie Mercuryren paperean, Patxi Zabaleta gitarrista eta Andoni Mujika baxu jotzailea.
Autobuserako txartelak
Antolatzaileek jakinarazi dute gaueko autobusak ere antolatuko dituztela Elgoibarrera 23:50etik 02:00ak bitarterako (Altzolan ere egingo du geldialdia, behar izanez gero). Autobuserako txartelak 6 euro balioko ditu eta ondorengo hiru lekutan erosi ahal izango dira: Elgoibarren, Txarridunan, eta Mendaron, Uztargi tabernan eta Galle-tiak gozotegian. Autobuseko txartela erakutsita, gaileta bat (Galletiak Fabriken) eta kafe bat (Uztargi tabernan) eskatu ahal izango da.
Lotura duten albisteak: