2024ko maiatzetik abenduraino, Mendaroko Udalak Kaleak DenONAK izeneko parte-hartze prozesua burutu zuen, eta lan saio haietan Herriko Enparantza izan zen landu zuten espazio publikoetako bat. Udalak azaldu duenez, mendaroar gehienek oinezkoentzako plaza bat izatea hobetsi zuten, eta zentzu horretan aurrerapausoak emateko asmoa dute orain. Herritarrei azalpenak emateko, bilera egingo dute azaroaren 26an, 19:30ean, udaletxeko udalbatza-aretoan.
Eta biharamunean, Herriko Enparantzako merkatari eta ostalariekin bilduko dira udaleko arduradunak, haiei ere informazioa helarazteko. Ordu eta leku berean izango da bilera.
- Parte-hartze prozesuan oinarritutako txostena ere eman zuen argitara