Ostadarraren koloreko haize-oihaldun txalupa bat jarri izan dute azkeneko urteetan Mendaroko errotondan, herria jaietan zela erakusteko, baina aurten are lan handiagoa hartu du(te) norbaitek edo norbaitzuk, azaleko irudian ikus daitekeenez. Aitor Etxeberria herriko eskulturagilearen Didaktika eskultura handiaren ondoan lurreratu izan balitz moduan jarri dute E.T. estralurtarraren espaziontzia, martetar izaki berdearen burua bistan dela, eta ondoan dago bera, E.T., atzaparra luzatuta eta zapi berdea lepoan duela, bidaiariak Santa Ana jaietara gonbidatuz, Ongi etorri. Santa Ana jaiak. Welcome dioen kartelaren ondoan.
