Haizea Martiarturekin batera Paul Gurpegui (bateria), Vicente Marin (pianoa) eta Hector Tejedo (kontrabaxua) igoko dira gaur San Agustingo oholtzara. Zutabe izena jarri dio proiektuari Martiartuk eta bere konposizio propioak eta estilo intimo eta pertsonalarekin entzuten diren bertsioak aurkeztuko ditu.
Uztargi tabernak, Galle-tiak gozotegiak eta Gararock taldeak antolatu dute kontzertua, XI. Jazz Egunaren baitan, eta 21:30ean hasiko da. Sarrerak 15 euroan jarri dituzte salgai eta aretoan bertan eskuratu ahal izango dira.