Herriko merkataritza sustatzeko plangintza estrategikoa garatzen ari da Mendaroko Udala, Dendartean Gipuzkoako Merkatarien Federazioaren bidez. Lehen fasean, Mendaroko eskaintza eta eskari komertziala eta establezimenduen kokapen espaziala ari da aztertzen Dendartean, diagnostikoa egiteko. Eta orain, azken hilabeteetan jasotako datuen kontrastea egiteko, lan-saioa antolatu duten uztailaren 9rako. Udaletxean egingo dute bilera, 14:30ean, eta bilera antolatzeko aurrez izena emateko eskatu diete Udaletik herriko merkatari, ostalari eta zerbitzuetakoei. Horretarako bi bide zabaldu dituzte: herritartasuna@mendaro.eus posta elektronikoa eta 943 033 292 telefono zenbakia.
Merkatariekin, ostalariekin eta zerbitzu-enpresetako arduradunekin lan-saioa egingo dute uztailaren 9an Mendaron, merkataritza-plana osatzeko.