Elgoibarko Alternative Division elkarte kulturalak antolatu du, Mendaroko Udalaren laguntzarekin, eta bi egunetan hamahiru DJ ariko dira bertan house, electro eta techno musika jartzen.
Barikuan, maiatzaren 23an, 18:00etan zabalduko dute jai-gunea eta goizaldeko bostetan itxi, eta biharamunean, 16:00etatik goizaldeko seirak arte ariko dira musika jartzen. Zapatu goizean, Binilo Azoka egongo da Goñati frontoian.
Joan-etorrietarako furgonetak jarriko dituzte bi egunetan Mendarotik bertatik: jaialdia hasten den ordutik 00:00etara, zerbitzu osoan, igo nahiz jaisteko alegia, eta gauerditik 06:00ak arte, Santa Kurutzetik herrira jaisteko bakarrik. Autobuserako txartela jaialdirako sarreran sartuta dago.
Sarrerak, berriz, Interneten nahiz ondorengo establezimenduetan daude salgai: Martin tabernan (Ermua); Bodega Eibarren (Eibar), Mahatsen (Elgoibar), Morroskillon (Mendaro) eta Buruzurin (Deba). Antolatzaileek jakinarazi dute karpa jarriko dutela Santa Kurutzen eta Foodtruck zerbitzua ere egongo dela. Era berean, zapatuan, 11:00etatik 14:00etara, disko azoka ere jarriko dute Mendaron, frontoian.
