Sei taldek kantatu zuten finalean, Orereta, Azpeitia, Azkoitia, Alegia, Zumaia eta Mendaroko talde banak, eta Oreretakoek jantzi zuten txapela. Etxetik prestatuta eraman zuten agurraz gain, bat-bateko hainbat ariketa ere osatu behar izan zituzten bertsolari gazteek: gaia emanda, lau oinak emanda, ofizioka, bukaera emanda eta puntuka. Bideoan batu dugu Lizar Ezenarro, Axular Larrañaga eta Luken Zulaika bertsolari mendaroarrek kantatu zuten agurraren zati bat, eta bat-batean egin behar izan zituzten ariketetako hiru-lau ale.