17:00etan elkartu ziren ginkanarako izena emanda zeuden umeak Herriko Enparantzan, eta hiru taldetan banatu zituzten hezitzaileek, jolaserako. Herriko Enparantzan eta Garagartzan ibili ziren haurrak jolasean, aurrez begiraleek leku ezberdinetan ezkutatutako pisten bila. Pistak asmatu eta leku bakoitzean proba bana egin zuten haurrek, taldeka. Bi orduko ekintza izan zen.
