Txartel horren bidez, Mugiment kirol txartelarekin bat egin duten Gipuzkoa, Bizkaia eta Arabako herrietako kirol instalazioak erabili ahal izango dituzte mendaroarrek, kostu gehigarririk gabe, eta baita alderantziz ere. Eusko Jaurlaritzak, Bizkaiko Foru Aldundiak eta Gipuzkoako Foru Aldundiak sustatutako proiektu bat da, atxikitako udalerriekin batera. Jarduera fisikoa eta kirola egiteko erraztasunak eman eta aukerak biderkatzea da ekimenaren helburua. Gaur egun, 181 kirol instalaziotan erabil daiteke, kiroldegiak, frontoiak eta igerilekuak barne.
Erabiltzaileek Kirol Txartela Mugiment aplikazioa deskargatu beharko dute (erabilgarri dago Google Playn zein App Storen), eta erregistratu. Aplikazioaren bidez egin ahal izango dituzte erreserbak: kiroldegi bakoitzak kudeatuko ditu erreserba horiek (onartuz edo ukatuz). Kirol instalazioan, NAN txartela eta txartel birtuala erakutsi beharko dituzte.
Udalerri bakoitzak aukera dauka erabakitzeko kirol txartelaren bidez zein zerbitzu eskainiko dituen, eta zein ordutegitan; zerbitzu horiek aldagarriak izan daitezke, momentuko beharren arabera (obra edo ekitaldi bereziren bat badago, esaterako).
Mendaroren kasuan jarduera hauek daude erabilgarri:
- Fitness gela, spinning birtuala, abs express eta total training 17-22 urte eta 65 urte baino gehiago
- Fitness gela, spinning birtuala, abs express eta total training 12-16 urte
- Fitness gela, spinning birtuala, abs express eta total training 23-64 urte
Informazio osoagoa: KirolTxartela Mugiment-en web orrian.