Eguerdian Bizi-Poza txarangaren kalejirakin hasi zuten inauterietako zapatua Mendaron, eta eguraldia lagun, jende ugari batu zen plaza bueltan. Kuadrillan nahiz bakarka mozorrotu dira aurten ere mendaroarrak, eta antzerkirako dohaiak ere erakutsi dituzte.
Arratsaldean, berriz, dantzaldia izan zuten frontoian, eta ondoren, Arno guraso elkarteak txokolate beroa banatu zuen, playbackerako indarrak hartzeko. Hamar talde igo ziren oholtzara, dozenaka artista gazte.