Mendaroko Txirrindulari Elkarteak antolatuta San Silbestre lasterketa herrikoia egin dute gaur Mendaron. 17:00etan puntuan hasi dute lasterketa frontoi parean eta bost kilometro pasatxoko ibilbidea eginda lotu dituzte herriko hiru auzo nagusiak: Azpilgoeta, Garagartza eta Mendarozabal. Ohi legez, antolatzaileek ez dute denborarik hartu, eta erlojuari begira baino gehiago lagunei begira egin dute korrika, giro onean. Bukaeran, antolatzaileek mokadua eman diete parte-hartzaile guztiei.