Herritar talde batekin eta Udalarekin elkarlanean ondu dute lana, eta Andoni Egaña bertsolariak idatzi du liburuko testua eta Ainara Azpiazu Axpi ilustratzaileak jantzi du marrazkiz. Biak etorriko dira liburuaren aurkezpenera. 18:30ean izango da, Mendaroko udaletxeko Udalbatza aretoan.
Antonio Zabala idazleak 1974an Auspoa bildumarako idatzi zuen Mendaro Txirristaka bertsolaria liburuan jasotako bertso-sortetan oinarritu da Egaña Txirristaka liburua idazteko, baina badaude, jakina, asmatutako datuak ere. Txirriskaka gogora ekartzeko egitaraua ondu duen taldetik jakinarazi dutenez, esanindar handiko liburua da, Egañak oso bere dituen umore eta grazia batzen dituena.
