200.000 euroko aurrekontua izan du aurten Etxez Etxeko Laguntza Zerbitzuak Mendaron eta 2025erako 269.000 eurokoa izatea aurreikusi dute. Era berean, zerbitzuaren ordu-kopurua ere handituko dutela zehaztu dute Udaletik. 2024rako 8.300 ordu aurreikusi zituzten eta 2025erako, 11.100 ordu. Zerbitzuaren erabiltzaileen %68 emakumeak dira eta %32 gizonak. Adinari erreparatuta, 80 urtez gorakoak dira erabiltzaileen %72, eta gainerakoek 59 eta 79 urte bitartean dituzte. Artatutako pertsonen % 83,36 mendekotasuna edo desgaitasunen bat duten pertsonak dira, eta % 13,64 autonomoak.
Beharrak handituta, 69.000 euroan handituko du Mendaroko Udalak Etxez Etxeko Laguntzarako diru partida
Etxez Etxeko Laguntza Zerbitzuaren eskaerak gora egin du Mendaron. 2021ean, hamar lagun artatu zituzten; 2022an, hamabost; iaz, 23, eta gaur egun, 25 lagun dira, Udalaren arabera. Ondorioz, 2025erako aurrekontua 69.000 euroan handituko dute.